Fine Settimana, რომელიც იტალიურ ბრენდ Giuliva Heritage-თან თანამშრომლობით შეიქმნა, Weekend Max Mara-ს 2025-26 წლის შემოდგომა/ზამთრის სეზონის ახალი კოლექციაა. ბრენდი Giuliva Heritage ჯერარდო კავალიერემ და მარგარიტა კარდელიმ დააარსეს და იგი ნეაპოლიტანური სამოსის ტრადიციებით შთაგონებული უნაკლო კერვის ოსტატობით გახლავთ ცნობილი.
Fine Settimana თავის სახელწოდებას სრულად ამართლებს და Weekend Max Mara-ს იტალიურ სულს ასახავს – ქალის სურვილს, განერიდოს ყოველდღიურ ქაოსს და სიმშვიდე იპოვოს.
უმაღლესი ოსტატობით შექმნილი კოლექცია ძლიერი ქალისთვისა განკუთვნილი, რომელიც სილამაზეს ბუნებრიობას თავდაჯერებულობაში პოულობს, ქალისთვის, რომელიც აფასებს ელეგანტურობას.
კოლექციაში მკაფიოდ იკითხება კონტრასტების კომბინაცია, კულტურებისა და სტილების ნაზავი, რასაც ჯერარდო კავალიერე კონტამინაციას უწოდებს: ელემენტებისა და ღირებულებების უწყვეტ მონაცვლეობას, რომელიც Weekend Max Mara-სა და Giuliva Heritage-ს შორის ორგანულ კავშირს ქმნის.
კოლექციაში ერთმანეთს ენაცვლება სხეულზე მორგებული სამოსი და მსუბუქი სილუეტები, მასკულუნური ფორმები კი ფემინურ დეტალებსაც მოიცავს.
შარვლები თავისუფალი ფორმისაა. ნაქსოვი სამოსი კი, ფემინური კაბებიდან თბილ ზედებამდე, შესრულებულია რბილი ანგორული თხის შალით, რომელიც აბრეშუმთან ან ქაშმირთანაა შერწყმული დახვეწილი ტექსტურის მისაღებად.
ნეაპოლიტანური ტრადიცია განსაკუთრებით გამოიხატება სამღილიან მოსაცმელში, განზრახ შებრუნებული პირველი ღილით. ეს დეტალი პატივს მიაგებს ძველ ტრადიციას, რომლის მიხედვითაც დამკვირვებლებს შეეძლოთ ამოეცნოთ ტანისამოსის ავტორი და ოსტატი მკერავი ნამუშევრის მიღმა.
დიდი ზომის პალტო ფართო საყელოთი და ზურგზე ნაკეცებით სამოსის დიზაინში ფენების მნიშვნელობას უსვამს ხაზს, ხოლო შევრონის შალის მოდელი დიდგვაროვანი ქალბატონის ელეგანტურობას ასახავს.
 |
 |
კოლექციის ერთ-ერთი მთავარი ღირებულება კი უმაღლესი ხარისხია, რაც ნატურალური ქსოვილების საშუალებითაა მიღწეული. მათ შორის გახლავთ ბამბის პოპლინი, აბრეშუმი, ჯინსი და ტყავი.
ფერთა პალიტრა შთაგონებულია ბუნებით და მოიცავს ნაცრისფერს, ღია ცისფერს, მიწისფერს, შემოდგომის ფოთლების ტონალობებს, ღვინისფერსა და იისფერს.
განახლებული Pasticcino ჩანთა, რომელიც ტყავისგანაა დამზადებული, შიდა მხარეს გამოირჩევა აქერცლილი, სპონჟისებრი ტექსტურით, რაც მას დახვეწილ და თანამედროვე სახეს აძლევს. ჩანთასთან ერთად კოლექცია მოიცავს ტყავის საჯირითო ჩექმებსაც, დეტალს, რომელიც კრავს ერთობლიობაში მის მდიდრულ და სახასიათო კონცეფციას.
 |
 |
ველო მოგზაურისა და მსოფლიო რეკორდსმენის, ერეკლე ბაღაშვილის გზა საკუთარ თავსა და სამყაროში მოგზაურობის ამბავია. ერეკლემ პორტუგალიიდან საქართველოში ველოსიპედით ჩამოსვლა გადაწყვიტა და ამ თავგადასავალის ამბებს სოციალურ ქსელებში გვიზიარებდა. დღეს ის The Diary Originals-ის სტუმარია და ინტერვიუსთვის ჩვენს კონცეპტუალურ სახლში გვესტუმრა.
VINSTYLE ქართული ვინტაჟური ბრენდია, რომლის ესთეტიკა მინიმალისტურ და ექსპრესიულ მოდას აერთიანებს. ბრენდის დამფუძნებელმა გოგოებმა მოდისადმი საერთო სიყვარული ბიზნესად აქციეს. მათი კურატორობით VINSTYLE-ის კოლექციებში თავმოყრილია 1970, 80 და 90-იანი წლების მოდის ელეგანტური ნამუშევრები.
„ლილიენი“ თბილისის გულში დაფუძნებული ქართული მოდის ბრენდია, რომელიც ქალის სილამაზესა და თავდაჯერებულობას უნიკალურ კოლექციებში აერთიანებს. თითოეული დიზაინი ესკიზიდან იწყება და რეალობად, ფრთხილად შერჩეული ქსოვილებითა და ოსტატობით იქცევა.
