ვინტაჟურ სამოსს ყოველთვის განსაკუთრებული ელფერი ახლავს, რადგან ის ერთგვარი საცავია, რომლის საშუალებითაც წარსულის ისტორიები ინახება და ძველი ახალ სიცოცხლეს იძენს.
სწორედ ამ ფილოსოფიას გადმოსცემს ქართული ბრენდი VINSTYLE, რომელიც ვინტაჟური ტანსაცმლის ონლაინ მაღაზიაა და მეხუთე წელია, ორი ქართველი გოგოს, მარიამისა და თამარის საერთო საქმედ იქცა.
VINSTYLE ქალისა და მამაკაცის ხაზის სამოსს წარადგენს. ბრენდისთვის საგულდაგულოდ შერჩეული კოლექციები 1970, 80 და 90-იანი წლების წამყვანი მოდის სახლების სამოსს აერთიანებს, მათ შორის ოვერსაიზ პიჯაკებს, კლასიკურ კოსტიუმებს, პალტოებს, ტყავის ქურთუკებსა თუ ქურქებს.
ბრენდის ესთეტიკა მინიმალისტური და ამავდროულად ექსპრესიულია – შეხვდებით მარტივ, კლასიკური სილუეტების მქონე სამოსს და ისეთ გამორჩეულ ნივთებსაც, რომლებიც ნებისმიერ გარემოში ყველას ყურადღებას იპყრობენ.
 |
 |
რაც ორი მეგობრის საერთო ინტერესით დაიწყო, დღეს უკვე საერთაშორისო აუდიტორიის მიერ აღიარებული ბრენდია, რომლის იდენტობაც გემოვნებაზე, ხარისხსა და მდგრადობაზეა დაფუძნებული.
მიმდინარე წელი განსაკუთრებით აქტიური იყო VINSTYLE-ისთვის. ბრენდი მონაწილეობდა სარეკლამო კამპანიებში, ითანამშრომლა მოდის სფეროს წარმომადგენლებთან და გამართა დაფუძნების შემდეგ რიგით მეორე ჩვენება.
 |
 |
ამასთანავე, Vinstyle-მა უკვე მიიღო რამდენიმე კორპორაციული შეკვეთა სხვადასხვა კომპანიისგან, რომელთათვისაც ბრენდმა უნიფორმების უნიკალური დიზაინი შექმნა. მსგავსი თანამშრომლობები კიდევ ერთხელ უსვამს ხაზს ბრენდის პროფესიონალიზმსა და იმ შესაძლებლობას, რომელიც მას გააჩნია – შექმნას ინდივიდუალურად მორგებული, ესთეტიკური და ფუნქციური ტანსაცმელი როგორც მოდის, ისე ბიზნეს სექტორისთვის.
ამ სეზონის ფარგლებში Vinstyle-მა განსაკუთრებული კონცეფცია Autumn Vinstyle Box წარმოადგინა. ბოქსი ბრენდის გამორჩეული მომხმარებლებისთვის შეიქმნა და აერთიანებდა შემოდგომის სტილის მთავარ ელემენტებს: თბილ ტონალობებს, ტექსტურების მრავალფეროვნებასა და დახვეწილ დეტალებს. თითოეული ბოქსი ინდივიდუალურად შეირჩა, რაც მას კიდევ უფრო პერსონალურ ხასიათს სძენდა.
სხვადასხვა ქვეყნიდან მიღებული შეკვეთებითა და ახალ კოლექციებზე მზარდი ინტერესით კი, VINSTYLE გახდა ბრენდი, რომელიც საერთაშორისო ბაზარზეც მოთხოვნადი და დაფასებულია.
თუმცა ის, რასაც VINSTYLE წარმოადგენს, ესთეტიკაზე მეტია – ეს არის ცნობიერებაზე დაფუძნებული მდგრადი მოდა. სწრაფი მოდის დომინირების ეპოქაში, ვინტაჟური შოპინგი არა მხოლოდ ტრენდული, არამედ აუცილებელი გახდა.
 |
 |
იყიდო მეორეული სამოსი, ეკოლოგიურად პასუხისმგებლობიანი არჩევანია, რომელიც ამცირებს ბუნებისთვის მიყენებულ ზიანს, ხელს უწყობს მდგრადი მოდის განვითარებას და აფასებს ატელიეების ოსტატობას, რომელიც ათწლეულებს უძლებს.
VINSTYLE-ის კოლექციებიც ასეთია – გამორჩეული ელეგანტურობით, ავთენტურობითა და ინდივიდუალიზმით.
„ლილიენი“ თბილისის გულში დაფუძნებული ქართული მოდის ბრენდია, რომელიც ქალის სილამაზესა და თავდაჯერებულობას უნიკალურ კოლექციებში აერთიანებს. თითოეული დიზაინი ესკიზიდან იწყება და რეალობად, ფრთხილად შერჩეული ქსოვილებითა და ოსტატობით იქცევა.
Euphoria-მ მას ფართო აუდიტორიას გააცნო, მაგრამ დღეს ჯეიკობ ელორდი უკვე იმ მსახიობთა რიგშია, ვინც თანამედროვე ჰოლივუდის მიმართულებას განსაზღვრავს.
სახლი, რომელშიც ემა რობერტსი ბოლო წლების განმავლობაში ცხოვრობდა ჰოლივუდ ჰილზე მდებარე თბილი და კომფორტული სივრცეა. მსახიობმა ეს ვინტაჟური ინტერიერითა და მყუდრო ატმოსფეროთი გამორჩეული სახლი 4.8 მილიონ დოლარად გაყიდა.
