რამდენჯერ მოგწონებიათ ნივთი რომელიმე “Insta ბლოგერის” ფოტოში, გადასულხართ tag-ზე და მონიშნული ბრენდის მიმდევარი გამხდარხართ? ალბათ ბევრჯერ?! დღეს სოციალური მედია ყველაზე მძლავრი მარკეტინგული იარაღია, სწორედ ამიტომ, ცნობილი პორტუგალიური ბრენდის - Parfois-ის და ონლაინ ჟურნალი - The Diary-ის ერთობლივი ღონისძიება ამჯერად ქართველ ინფლუენსერებს მიეძღვნათ.
ღონისძიებას სახელწოდებით - Cook the Look მოდის სფეროს 30-მდე ინფლუენსერი დაესწრო. საღამოზე აქსესუარების ცნობილმა ბრენდმა სტუმრებს წლევანდელი კოლექცია წარუდგინა და Parfois-ის 2023 წლის კონცეფციაც გააცნო. Have fun! (გაერთე) - ასეთია ახალგაზრდული ბრენდის საზაფხულო დევიზი.
ღონისძიებაზე მოსულ სტუმრებს წარმოდგენილი კოლექციიდან ე.წ. Look-ების “გამოცხობის” საშუალება მიეცათ. მოგეხსენებათ, რომ მოდის ინფლუენსერი ამავდროულად სტილისტიცაა, რომელიც კონტენტს ტენდენციებსა და ბრენდის კონცეფციაზე დაყრდნობით ქმნის. შესაბამისად, Cook the Look-ზე საოცრად საინტერესო კონტენტიც შეიქმნა.
საღამოს მუსიკალური გაფორმება ცნობილ ქართველ არტისტს - Anna Sue-ს მივანდეთ, რომელიც ყოველთვის საოცარ ატმოსფეროს ქმნის. The Diary-ისა და Parfois-ის ერთობლივ ღონისძიებას Chicos Tbilisi-მა უმასპინძლა. ჭავჭავაძის 11ა-ში მდებარე ლოკაცია ჩვენი ახალი აღმოჩენაა. აქვე მოგახსენებთ, რომ ცნობილი პორტუგალიური ბრენდის - Parfois-ის აქსესუარების, ფეხსაცმლისა, თუ სამოსის შეძენა თბილისი მოლში მდებარე მაღაზიაშია შესაძლებელი.
ჯორჯო არმანის მიერ საკუთარი სახელობის ბრენდის დაფუძნებიდან 40 წელი სრულდება, დიზაინერი და მისი ერთ-ერთი საუკეთესო შემოქმედება 4 ათწლეულს ახალი მემუარების Per Amore-ს გამოშვებით აღნიშნავენ, რომელიც ბრენდის ხანგრძლივი ისტორიიდან მოგონებებისა და უცნობი ამბების კრებულს წარმოადგენს.
თვის დასაწყისში სამეფო ქორწილისთვის დამახასიათებელი დიდებული ცერემონიის მომსწრენი გავხდით, რომელიც სამხრეთ საფრანგეთში გაიმართა. სოფია რიჩისა და ელიოტ გრინგის ქორწილმა წარმოუდგენელი გამოხმარუება დაიმსახურა, მას უკვე უწოდეს წლის ქორწილი და სიმართლე ითქვას სოფიას Chanel-ის საპატარძლო კაბ(ებ)ისა და მისი მინიმალისტური მაკიაჟის გარშემო განხილვა დღემდე არ შეწყვეტილა.
3 ივნისს, დედაენის ბაღი კიდევ ერთხელ გაუღებს კარს ექსტრემალური სპორტის მოყვარულებს! Extreme Fest Tbilisi ადრენალინის მოყვარულებისთვის ახალი ღონისძიებით ბრუნდება.
