მსოფლიო ვარსკვლავები ჯეფ ბეზოსისა და ლორენ სანჩესის ქორწილისთვის ვენეციაში შეიკრიბნენ. სამდღიანი დღესასწაული გუშინ, კუნძულ სან ჯორჯო მაჯორეზე გამართული ცერემონიით დასრულდა.
მსოფლიოს ერთ-ერთი უმდიდრესი ადამიანი, Amazon-ის დამფუძნებელი ჯეფ ბეზოსი და ყოფილი ჟურნალისტი, პილოტი და New York Times-ის ბესტსელერის ავტორი, ლორენ სანჩესი ოფიციალურად ცოლ-ქმარი გახდნენ. იტალიაში ორასამდე სტუმარმა მოიყარა თავი, მათ შორის იყვნენ ბილ გეიტსი, ოპრა უინფრი, კარდაშიან-ჯენერების ოჯახი, ლეონარდო დიკაპრიო, ვიტორია ჩერეტი და სხვა A-lister-ები.
იტალიაში გამართული ღონისძიება პრესისა და უცხო პირებისთვის დახურული იყო. პაპარაცებმა სტუმრების დაფიქსირება მხოლოდ მაშინ მოახერხეს, როცა ისინი ვენეციის წყლის ტაქსებში სხდებოდნენ.
პატარძალს Dolce & Gabbana-ს თეთრი, მაქმანებიანი კაბა ეცვა – კორსეტით, მაღალი საყელოთი და 180 ღილით გაფორმებული. დიზაინის შთაგონების წყარო სოფი ლორენის პერსონაჟის კაბა გახდა, ფილმიდან Houseboat.
სავარაუდოდ, ბეზოსი და სანჩესი აშშ-ში დაქორწინდნენ, ხოლო ვენეციის ცერემონია სიმბოლურ ხასიათს ატარებდა. როგორც გაირკვა, ვენეცია წყვილისთვის განსაკუთრებულ ადგილს წარმოადგენს. ასევე აღსანიშნავია, რომ სანჩესმა და ბეზოსმა ტრადიციული საქორწინო საჩუქრები არ ისურვეს და სტუმრებს მოუწოდეს იმ ფონდებში გადაერიცხათ შემოწირულობები, რომლებიც ვენეციის კულტურული მემკვიდრეობის შენარჩუნებაზე მუშაობენ.
ამ ყველაფრის მიუხედავად, ღონისძიებამ ადგილობრივების პროტესტი გამოიწვია. იტალიელები ტურიზმით გამოწვეულ კლიმატის ცვლილებს აკრიტიკებენ. სწორედ ამიტომ ცერემონიის ადგილი ბოლო მომენტში შეირჩა, რათა საპროტესტო აქციისგან მაქსიმალურად აერიდებინათ თავი. გავრცელებული ინფორმაციით, ცერემონიაზე ანდრეა ბოჩელის ვაჟმა, მატეო ბოჩელიმ იმღერა.
ქორწილის ზუსტი ღირებულება უცნობია და დაახლოებით 20 მილიონიდან 50 მილიონ დოლარამდე მერყეობს. ეს როგორც სანჩესისთვის, ასევე ბეზოსისთვის მეორე ქორწინებაა. ისინი წინა ურთიერთობებიდან შეძენილ შვიდ შვილს ერთად ზრდიან.
ქართველი მოდელი სანდრო ვეფხვაძე საერთაშორისო მოდის ინდუსტრიის ყურადღების ცენტრშია. სანდრო Dolce & Gabbana-ს მილანის ჩვენებებაზე ვიხილეთ, მანამდე კი Dior Riviera-ს გლობალურ კამპანიასა და წამყვან ბრენდებთან კოლაბორაციებში.
შეფ ენცო ნერი TheDiary-ს იტალიიდან საქართველომდე განვლილ გზაზე უყვება. ნერი უკვე ადგილობრივი სტუმარმასპინძლობის ინდუსტრიის გამორჩეული ფიგურაა. იგი Swissôtel-სა და Mercure Tbilisi-ს სამზარეულოს ხელმძღვანელობს და ქართველ გურმანებს იტალიურ სამზარეულოს აცნობს.
გეოპოლიტიკური კონფლიქტები, ძვირი ბილეთები, ექსტრემალური სიცხე და ებოლას საფრთხე 2026 წლის მსოფლიო ჩემპიონატს ისტორიული სკანდალის წინაშე აყენებს.
