მსოფლიოში 4 400-ზე მეტი ქალაქია, რომელთა შორის დიადი რომი და ულტრა-მოდერნისტული შანხაია, პაწაწინა ადამსტაუნი, მიკრო-მოსახლეობითა (48 მოქალაქე) და წყალში მოტივტივე ვენეცია, იდილიური არხებითა და თვალწარმტაცი კოშკებით გარემოცული. დიახ, ძალიან ლამაზ დედამიწაზე ვცხოვრობთ, კიდევ უფრო ლამაზ, ადამიანის ხელით შექმნილ ქალაქებში. მაშ ასე, წარმოგიდგენთ (ჩვენი აზრით) ყველაზე ლამაზ ხუთ ქალაქს, სადაც მოგზაურობა ცხოვრებაში ერთხელ მაინც ღირს.
| 1 | ჯაიპური, ინდოეთი
ინდოეთი ცალკე განზომილებაა გასაოცარი კულტურით. ამ გასაოცარ კუთხეში ყოფნისას, აუცილებლად უნდა მოინახულოთ ვარდისფერი შეფერილობის, გეომეტრიული ჯადოქრობის ჯაიპურის სასახლის კომპლექსი, რომელიც 1734 წელს მეფის მიერ იქნა აგებული და UNESCO-ს მსოფლიო მემკვიდრეობის ძეგლთა სიაშია შეყვანილი.
| 2 | ჩეფჩაუენი, მაროკო
რიფის მთებში სილურჯეში ჩაფლული ქალაქი მეთხუთმეტე საუკუნეში აუშენებიათ. მაროკოს სხვა ქალაქებისგან განსხვავებით, ჩეფჩაუენი მყუდრო და ვიწრო ქუჩებით გამოირჩევა, ხოლო ლურჯი შეფერილობა ამ ქალაქს იდუმალებასა და მისტიკურობას სძენს.
| 3 | კარტახენა, კოლუმბია
ლამაზი, ფერადი და მყუდრო, ეს ის ასოციაციებია, რომელიც კარტახენაზე პირველივე მომენტიდან გაგიჩნდებათ. ლიმნისფერი სახლები ანდალუსიურ სტილში, ეგზოტიკური ხილით ინსპირირებული არამხოლოდ სახლის ფერები, არამედ ფინჯანი, თეფში, კაბა და ქუდებიც კი და მუსიკა, კოლუმბიური, შეიგრძენით?
| 4 | ფლორენცია, იტალია
ფლორენცია თავად იტალიაა. ის ჰარმონიულად აერთიანებს რომის პომპეზურობას, ვენეციის რომანტიკულ განწყობას და ვატიკანის სიდიადეს. ფლორენცია ერთ-ერთი ყველაზე ლამაზი ქალაქია მსოფლიოში. სწორედ აქ შექმნა დანტემ „ღვთაებრივი კომედია“, ტოსკანურ დიალექტზე რომ დაწერა, და რომელიც შემდეგ ლიტერატურულ იტალიურს საფუძვლად დაედო.
| 5 | მესტია, საქართველო
ჩვენ ვიფიქრეთ, რომ მსოფლიოს ყველაზე ჯადოსნური ქალაქების ტოპ-ხუთეულში აუცილებლად ყოფილიყო მესტია. ეს მისტიკური ქალაქი ნამდვილად იმსახურებს გლობალური ტურისტების მეტ ყურადღებას. სვანური კოშკები და უნიკალური ტაძრები საინტერესო, ინდივიდუალური და უდიდესი ისტორიულ-კულტურული ღირებულების მქონე ნაწილია არამხოლოდ ქართული, არამედ მსოფლიო კულტურისა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
2024 წელს OpenAI და META ხელოვნური ინტელექტის საოცარ განვითარებას აანონსებენ. ახალი, გაუმჯობესებული შესაძლებლობების მქონე აპლიკაციები, ვებგვერდები თუ "ჭკვიანი სათვალეები" სადაცაა ფართო საზოგადოებისთვის ხელმისაწვდომი გახდება.
Nail Bar #1 2015 წლიდან არსებობს და პირველი იყო, რომელმაც ქართველ მომხმარებელს ფრჩხილების მოვლის სერვისისთვის ცალკე სივრცე შესთავაზა. დღეს კი უკვე სამ ლოკაციაზე, თბილისის ცენტრალურ უბნებში, ფრჩხილებთან ერთად წარბების, წამწამების მოვლასა და პროფესიონალურ მაკიაჟსაც გვთავაზობს.
