ფრანგული კინოს ვარსკვლავი, უმშვენიერესი ლეტიცია კასტა სამსახიობო კარიერამდე ცნობილი მოდელი იყო და ამ ინდუსტრიაშიც ისეთივე პოპულარობით სარგებლობდა, როგორც ამას ახლა კინოსამყაროში ახერხებს. სულ ცოტა ხნის წინ, ლეტიცია სამოდელო სფეროს კვლავ დაუბრუნდა და პარიზის მამაკაცის მოდის კვირეულის ფარგლებში, ფრანგული ბრენდის Ami-ს ჩვენებაზე გამოვიდა.
ლეტიციამ Ami-ს 2022 წლის შემოდგომა-ზამთრის კოლექციიდან შავი კომბინეზონი და ბეწვის მოსაცმელი მოირგო, პოდიუმზე კი მისთვის დამახასიათებელი დამაჯერებლობით, მომნუსხველი ღიმილითა და ჩვეული შარმით გაიარა.
ლეტიცია კასტას პოდიუმზე გამოჩენამ ჩვენში 90-იანი წლების ნოსტალგია გააღვიძა და ფრანგული მოდის იმ ეპოქაში გადაგვისროლა, რომელშიც ლეტიციამ აიდგა ფეხი და ერთ-ერთ ყველაზე წარმატებულ სუპერმოდელად იქცა. 15 წლის ლეტიცია კასტა კორსიკას სანაპიროზე ფრანგმა ფოტოგრაფმა, ფრედერიკ კრესომ აღმოაჩინა და მისი თვალი არც შემცდარა, ახალგაზრდა კასტას სამოდელო კარიერა ისე მოულოდნელად და სწრაფად განვითარდა, რომ მისი ისტორია დაუჯერებლადაც კი ჟღერდა.
ლეტიცია კასტა გახლდათ Jean Paul Gaultier-სა და Yves Saint Laurent-ის მუზა, 1998 წლიდან ლეტიცია L'Oréal Paris-ის ბრენდამბასადორად იქცა, ამავე წლიდან სუპერმოდელი Victoria's Secret-ის ანგელოზის ტიტულსაც ატარებდა და ბრენდის გრანდიოზულ ჩვენებებშიც მონაწილეობდა. სუპერმოდელი, რომელსაც 100-მეტი ცნობილი გამოცემის ყდა აქვს დამშვენებული და მსოფლიოს ყველაზე სახელგანთქმულ ბრენდებთან თანამშრომლობდა, პოდიუმის ნამდვილი ქალღმერთი იყო და ფოტოების თვალიერებისას ამაში თქვენც დარწმუნდებით.
2024 წელს OpenAI და META ხელოვნური ინტელექტის საოცარ განვითარებას აანონსებენ. ახალი, გაუმჯობესებული შესაძლებლობების მქონე აპლიკაციები, ვებგვერდები თუ "ჭკვიანი სათვალეები" სადაცაა ფართო საზოგადოებისთვის ხელმისაწვდომი გახდება.
Nail Bar #1 2015 წლიდან არსებობს და პირველი იყო, რომელმაც ქართველ მომხმარებელს ფრჩხილების მოვლის სერვისისთვის ცალკე სივრცე შესთავაზა. დღეს კი უკვე სამ ლოკაციაზე, თბილისის ცენტრალურ უბნებში, ფრჩხილებთან ერთად წარბების, წამწამების მოვლასა და პროფესიონალურ მაკიაჟსაც გვთავაზობს.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
