ცნობილმა დიზაინერმა გაბრიელა კოკო შანელმა თავისი პირველი ქუდების მაღაზია, 1910 წელს პარიზის გულში 21 Rue Cambon-ში გახსნა, 8 წლის შემდეგ კი მახლობელ შენობაში 31 Rue Cambon-ში დაიდო ბინა, მას შემდეგ ეს შენობა ისევე როგორც მისი რჩეული აპარტამენტი მთავარ როლს ასრულებდა კოკოს შემოქმედებაში და სამუდამოდ დაუკავშირდა შანელის უკვდავ სახელს.
აპარტამენტი ხელუხლებელი დარჩა, დღემდე იმ ბინაში ყველაფერი ისეა, როგორც 1971 წელს კოკო შანელმა გარდაცვალებისას დატოვა. 1983 წლიდან მოყოლებული ამ ადგილს ხშირად სტუმრობდა კარლ ლაგერფელდი და შთაგონებას კოკო შანელის საცხოვრებელში ეძებდა. სწორედ ამ სახლმა უბიძგა კარლს ჩინური კულტურის მოტივებით შეექმნა კოლექცია, ან სულაც ნაქარგები გამოეყენებინა ახალ სილუეტებში, გაბრიელას გარდაცვალების შემდეგაც კი მისი მემკვიდრეობა, მისი ფიქრებით, გემოვნებითა და ესთეტიკით შთაგონებული კედლები სხვებს შთააგონებდნენ.
კოკო შანელი აპარტამენტში დღის უმეტეს ნაწილს ატარებდა, მაგრამ ღამეს იქ არასდროს ათევდა, ეს ადგილი მისთვის დღის ყველაზე მნიშვნელოვანი აქტივობებისთვის, სოციალიზაციისთვის იყო განკუთვნილი. ამ ბინის ზემოთ ყოველთვის იყო და დღემდე რჩება Chanel-ის ატელიეები, სადაც 200-ზე მეტი მკერავი დაუღალავად მუშაობს.
სარკისებრ კიბეს, სადაც კოკო შანელი საკუთარ შემოქმედებას ათვალიერებდა, მეორე სართულზე, გაბრიელას საკულტო აპარტამენტამდე მივყავართ. აპარტამენტში სულ რამდენიმე ოთახია, ბნელ შესასვლელში მე-18 საუკუნის სავარძელი დგას, რომელშიც კოკო შანელი ფოტოგრაფმა ჰორსტ პ.ჰორსტმა გადაიღო 1937 წელს. იატაკიდან-ჭერამდე ყველაფერი კოკოს საყვარელი პრინტებით არის მოცული, ხის თაროებზე დღემდე სკრუპულოზურადაა განლაგებული წიგნების ულამაზესი ტომეულები და რაც მთავარია შენარჩუნებულია მისი საყვარელი კამილიების ელემენტები და ლომის სკულპტურა.
შანელის ბინა მუდმივად მასპინძლობდა მსოფლიოში ცნობილ მხატვრებს, მათ შორის ალბერტო ჯაკომეტის (მისი ერთ-ერთი სკულპტურა დღემდე იკავებს ადგილს 31 Rue Cambon-ში), სალვადორ დალის და პაბლო პიკასოს. ამ აპარტამენტში იქმნებოდა Chanel-ის საკულტო ტვიდი კოსტიუმი, რომელიც დღემდე რჩება მოდის სახლის სავიზიტო ბარათად.
დღეს აპარტამენტი ყველასთვის დაკეტილია სახლის ყველაზე პრესტიჟული სტუმრების (და ერთგული კლიენტების) გარდა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
2024 წელს OpenAI და META ხელოვნური ინტელექტის საოცარ განვითარებას აანონსებენ. ახალი, გაუმჯობესებული შესაძლებლობების მქონე აპლიკაციები, ვებგვერდები თუ "ჭკვიანი სათვალეები" სადაცაა ფართო საზოგადოებისთვის ხელმისაწვდომი გახდება.
Nail Bar #1 2015 წლიდან არსებობს და პირველი იყო, რომელმაც ქართველ მომხმარებელს ფრჩხილების მოვლის სერვისისთვის ცალკე სივრცე შესთავაზა. დღეს კი უკვე სამ ლოკაციაზე, თბილისის ცენტრალურ უბნებში, ფრჩხილებთან ერთად წარბების, წამწამების მოვლასა და პროფესიონალურ მაკიაჟსაც გვთავაზობს.
