ტრუმენ კაპოტემ, რომელმაც ცნობილი ნოველა 1958 წელს დაწერა, ნიუ-იორკს „მსოფლიოში ყველაზე სტიმულირებადი ქალაქი” უწოდა და მასში ცხოვრება ელექტრო ნათურაში ცხოვრებას შეადარა. ნოველის გამოსვლიდან 3 წელიწადში, ბლეიკ ედუარდსმა წიგნის ადაპტაცია წარადგინა და ტრუმან კაპოტეს სიტყვების ჭეშმარტიებაში ასიათასობით მაყურებელი დაარწმუნა. 1961 წელს, დიდ ეკრანებზე გამოსულ Breakfast at Tiffany's, უდავოდ, ორი ვარსკვლავი ჰყავდა: ოდრი ჰეპბერნი და ნიუ-იორკი.
იმ პერიოდში, კაპოტეს მიერ აღწერილი ომისშემდგომი გლამური ჯერ კიდევ ცოცხლობდა ნიუ-იორკის ზემო ისტ-საიდში და ედუარდსმა მისი გაცოცხლება იდეალურად მოახერხა. ბუნებრივია, ბოლო 62 წლის განმავლობაში, ნიუ-იორკის ქუჩებში უამრავი რამ შეიცვალა, თუმცა ის ჰარმონია და ქალაქის მარადიული მიმზიდველობა უცვლელი დარჩა. მათ ვისაც განსაკუთრებით უყვარს ფილმის კადრების რეალურ ცხოვრებაში საკუთარი თვალებით ხილვა ან მას, ვისაც ნიუ-იორკის ქუჩებში ავთენტური ქალაქის მეგზური სჭირდება, Breakfast at Tiffany's დღემდე წარმოადგენს გიდს.
პირველი გაჩერება, უდავოდ Tiffany & Co-ს მაღაზია იქნება, მეხუთე ავენიუსა და 57-ე ქუჩის კუთხეში, ალბათ ყველას გვემახსოვრება კადრი, როგორც მიდის ოდრი ჰეპბერნი Givenchy-ს შავ კაბასა და მარგალიტებში გამოწყობილი მაღაზიის ვიტრინასთან და ყურადღებით ათვალიერებს გამოფენილ სამკაულებს. მაღაზია, ნიუ-იორკში, ჯერ კიდევ 1940 წელს გაიხსნა და დღემდე, Tiffany-ს ისტორიის ნაწილს წარმოადგენს.
ნიუ-იორკში ფილმის გადაღებები სულ 10 დღეს გაგრძელდა, თუმცა მაინც იდეალურად მოხერხდა ქალაქის ხმაურის, თავზეხელაღებულობის, განსხვავებულობისა და დიდებულების წარმოჩენა. ნიუ-იორკის საჯარო ბიბლიოთეკის კიბეები, ქალაქის პანორამული ხედები და ყვითელი ტაქსით მგზავრობა ის must have გამოცდილებებია, რომელიც Breakfast at Tiffany's მტკიცებით, ქალაქის ყველა ვიზიტორმა თავად უნდა გამოსცადოს.
თითოეული ჩვენგანის წარმოსახვაში განსხვავებული ნიუ-იორკი არსებობს, ფილმებსა და ფოტოსურათებში ნანახი, აღქმული და გონებაში აღბეჭდილი, მაგრამ საბოლოოდ ნიუ-იორკი ის ქალაქია, რომელიც ექსპერიმენტებისკენ გვიბიძგებს, გვაძლევს უფლებას დავუშვათ შეცდომები და აქ მის საზღვრებში საკუთარი ისტორია დავწეროთ...
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
2024 წელს OpenAI და META ხელოვნური ინტელექტის საოცარ განვითარებას აანონსებენ. ახალი, გაუმჯობესებული შესაძლებლობების მქონე აპლიკაციები, ვებგვერდები თუ "ჭკვიანი სათვალეები" სადაცაა ფართო საზოგადოებისთვის ხელმისაწვდომი გახდება.
Nail Bar #1 2015 წლიდან არსებობს და პირველი იყო, რომელმაც ქართველ მომხმარებელს ფრჩხილების მოვლის სერვისისთვის ცალკე სივრცე შესთავაზა. დღეს კი უკვე სამ ლოკაციაზე, თბილისის ცენტრალურ უბნებში, ფრჩხილებთან ერთად წარბების, წამწამების მოვლასა და პროფესიონალურ მაკიაჟსაც გვთავაზობს.