ნიდერლანდური სამკაულის ბრენდი, Blush Lab Diamonds-ი ახალ კოლექციას გვთავაზობს, რომელშიც არც მეტი, არც ნაკლები, ლაბორატორიაში შექმნილი ბრილიანტები ბრწყინავენ. კოლექცია TI’ME-ის მაღაზიათა ქსელსა და ონლაინ პლატფორმაზეა წარმოდგენილი.
ბრილიანტები ბუნებრივი პროცესის ანალოგიით, ლაბორატორიაში, მაღალი წნევისა და ტემპერატურის გარემოში იქმნება. ამ მეთოდით კი, ქიმიურად, ფიზიკურად, თუ ოპტიკურად ბუნებრივი ბრილიანტის იდენტურ ქვას ამზადებენ.
ლაბორატორიულ ბრილიანტებს ზუსტად ისეთივე სიმტკიცე, მოხმარების მიმართ გამძლეობა, ბრწყინვალება და გამჭვირვალობა გამოარჩევს, როგორიც ბრილიანტზე ფიქრისას წარმოგვიდგენია ხოლმე. მსგავსი ქვა ყველა შესაბამისი ინსტიტუტის მიერ, ნამდვილ ბრილიანტადაა აღიარებული.
და მაინც, რით არის განსაკუთრებული ლაბორატორიული ბრილიანტები?
ალბათ იცით, რომ ბრილიანტის მოპოვება არც ისე მარტივი საქმეა. ეს პროცესი უამრავი რესურსის ხარჯვასთან, მათ შორის ინტენსიურ ადამიანურ შრომასთანაა დაკავშირებული. ამ უახლესი ტექნოლოგიით კი, იდენტური ძვირფასი ქვის მიღება გაცილებით ეთიკურად, ენერგოეფექტურად და მარტივადაა შესაძლებელი.
მიწის წიაღებში მოპოვებულსა და ლაბორატორიაში შექმნილი ქვების ერთმანეთისგან განსხვავება შეუიარაღებელი თვალით და მიკროსკოპულადაც კი, შეუძლებელია.
ამასთანავე, Blush Lab Diamonds-ის კოლექცია ბუნებრივი ბრილიანტის სამკაულებთან შედარებით უფრო ხელმისაწვდომია. ამას ის უწყობს ხელს, რომ წარმოების პროცესი გამარტივებულია, შედეგად, უფრო დიდი და დახვეწილი სამკაულის შექმნა უფრო დაბალ ფასადაა შესაძლებელი.
კოლექციიდან თუ რომელიმე სამკაულს შეიძენთ, აღმოაჩენთ, რომ თითოეულ ქვას ხარისხის გარანტორი სერტიფიკატი მოჰყვება. Blush Lab Diamonds-ი მინიმალური G-SI სტანდარტის გამოყენებით, ბრილიანტების უმაღლეს ხარისხს უზრუნველყოფს. ბრილიანტები ხელით არის მოჭრილი და სრულყოფილად, ბრწყინვალებამდე გაპრიალებულია. თანაც, ყველა ქვა ერთადერთი და განუმეორებელია, ამიტომაც Blush-ის კოლექციის ყოველი სამკაულიც უნიკალური გახლავთ.
Blush-ის სამკაულებში, გარდა იმისა, რომ ლაბორატორიული ბრილიანტებია გამოყენებული, სერტიფიცირებულ, 100%-ით გადამუშავებულ 14 კარატიან ოქროსაც შეხვდებით. ეს ბრენდის მდგრადობასა და ეთიკური წარმოების ფილოსოფიას კიდევ უფრო ცალსახას ხდის.
Blush Lab Diamonds-ი ფუფუნების, მდგრადობისა და ხელმისაწვდომობის კომბინაციას გთავაზობს, რაც მომხმარებელს ეთიკური ნორმების გათვალისწინებით დამუშავებული, დახვეწილი სამკაულებით ანებივრებს.
ასე რომ, ბლაში საოცნებო ნაზავს ქმნის. ფუფუნება, მდგრადობა, ხელმისაწვდომობა და სილამაზე - ეს ის მახასიათებლებია, რაც ნიდერლანდური ბრენდის სამკაულებს გამოარჩევს. ახალი კოლექცია კი, ინოვაციისა და ტრადიციის მიქსია, სადაც სამკაულის უკვდავი დიზაინის შესაქმნელად თანამედროვე ტექნოლოგია გამოიყენება.
ბლაშის უნიკალური ბრილიანტების კოლექციის აღმოჩენა კი TI’ME GEORGIA-ში შეგიძლიათ.
ფოტო: იკა პირველი
სამოსი: MAISON MOKOSH
სამკაული: BLUSH Lab Diamonds by TI'ME
ლოკაცია: Museum Hotel Tbilisi
Drinks: Aperol Spritz; Cinzano
მაკიაჟი: Nail bar #1 Elizaveta Kozhina; Darya Trukhava
მოდელები: ანნა შელია და ანასტასია ჯეირათი
ოქტომბრის ცა ოცნებებზე და მიზნებზე, ეს შთამაგონებელი დრამაა, რომელიც ჰომერ ჰიკამის რეალურ ისტორიაზე დაფუძნებული. ახალგაზრდას დასავლეთ ვირჯინიაში, ერთადერთი მომავალი ესახება - მამამისის კვალს გაჰყვეს და ადგილობრივ ქვანახშირის მაღაროში დაიწყოს მუშაობა.
მზის სხივების ქვეშ გატარებულმა ზაფხულის თვეებმა გარუჯული კანით დაგვიტოვა. მზის ზემოქმედება, სითბო და გარემო ფაქტორები მნიშვნელოვან გავლენას ახდენს ჩვენი კანისა და სხეულის მდგომარეობაზე. დღევანდელ სტატიაში პლასტიკური ქირურგი - მარიამ წივწივაძე იმ პროცედურებს გაგიზიარებთ, რომლებიც ზაფხულის შემდგომ კანისა და სხეულის გაჯანსაღებაში დაგეხმარებათ.
Carolina Herrera-ს ახალი სურნელი მეტია, ვიდრე უბრალოდ სუნამო - ეს არის ოდა მიძღვნილი თანამედროვე ქალისადმი. 18 სექტემბერს ისი პარიმ ქალები დახურულ ვახშამსა და სუნამოს პრეზენტაცია მიიწვია.
