ყველა საშიში საღამო, რომელიც 31 ოქტომბრამდე მოეწყო, მხოლოდ მოსამზადებელ ეტაპს ჰგავდა, დღეს ნამდვილი დღესასწაული იმართება და თუ ამ დღემდე კოსტიუმების ყველა შესაძლო ვარიანტი მოირგეთ და შთაგონება აღარსად ჩანს, მაშინ ღრმად ჩაისუნთქეთ, რადგან ფრენსის ო'სალივანი უნდა წარმოგიდგინოთ, ცნობილი, როგორც Beauty Spock.
Beauty Spock-ის Instagram გვერდი ერთი დიდი განძის სკივრია, საკმარისია მისი ექსტრავაგანტული პინ-აპიდან დაწყებული რენესანსის შთაგონებული სახის ნატიფი ნახატებით და წინასწარმეტყველური ავტოპორტრეტებით დამთავრებული, ო’სალივანის გარდასახვები ჩამოსქროლოთ, რომ დღევანდელი ღამისთვის საჭირო შთაგონებას აუცილებლად იპოვით.
ფრენსის ო'სალივანის ნამუშევრებისგან კაშკაშა ექსცენტრიულობა იღვრება, მისი გარდასახვები ფართო, მრავალფეროვანი და ელეგანტურია. „ჩემი მთავარი ინსპირაციაა გრეის ჯონსი, ნიკ ქეივი, ლინდა კარტერი, პრინცესა დიანა და კარენ კარპენტერი - კარტოფილის პიურეს სტილის კომბინაცია. მაგრამ მთლიანობაში, ბოუი არის ჩემი ყველაზე დიდი შთაგონება, რომელიც მოიცავს სტილს, მუსიკას და შემოქმედებით პროცესს“, - ამბობს ო’სალივანი.
„ისეთი შეგრძნება მაქვს, თითქოს არასოდეს გავზრდილვარ, მე დღემდე ვჯდები და ვხატავ უცნაურ პატარა პერსონაჟებს, შემდეგ ვიცვამ მათ მსგავსად უმიზეზოდ. მაკიაჟი და კოსტუმი იყო ის გზები, რომლითაც შემეძლო რეალურად გადამექცია ჩემი ეს გატაცება ლეგიტიმურ კარიერად. ყოველთვის გატაცებული ვიყავი საშინელებათა ფილმებით და მათი თეატრალიზებით, განსაკუთრებით ძველი ფილმებით, რადგან მიყვარდა როგორი სასაცილო იყო ისინი. მახსოვს, ბავშვობაში ჰელოუინის წვეულებაზე ვცდილობდი „ეგზორცისტის“ მაკიაჟი გამეკეთებინა, მაშინ წარმოდგენა არ მქონდა იმაზე, თუ რაზე იყო ის“ - ფრენსის ო'სალივანი.
უკვე ორ საუკუნეზე მეტია რაც ჩვენს დაუძინებელ მტერს, რუსეთს ვებრძვით. 1801 წლიდან ქართული სამეფო-სამთავროების ნელ-ნელა გაუქმების პროცესი იწყება. მოდით, ერთად გადავავლოთ იმ აჯანყებებისა და პროტესტების ფოტოებს, რომლებიც შემორჩა ისტორიას და დღესაც გვახსენებენ თუ როგორი მომავლისთვის ღირს ბრძოლა.
დღევანდელ სტატიაში მინდა ქართველი ბლოგერი, ქეთი გაგოშიძე გაგაცნოთ, რომელმაც თავისი გვერდით Date with Versace მოდის მოყვარულთა საოცნებო ცხოვრება შეიქმნა. დღესდღეობით ქართულ გვერდს თავად დონატელა ვერსაჩე ადევნებს თვალს. ბლოგერის მოდის მიმართ სიყვარულმა კი იგი ვერსაჩესა და სხვა ცნობილი ბრენდების ჩვენებებამდე მიიყვანა.
Salone Del Mobile - მილანის დიზაინის კვირეულის მთავარი ღონისძიება და ყველაზე პრესტიჟული ავეჯის შოუ წელს უკვე 62-ედ იმართება. მათთვის, ვისაც სურს, რაც შეიძლება მეტი ახალი მწარმოებლისა და პროდუქტის, ინტერიერის დიზაინის ტენდენციების გაცნობა, ავეჯის გამოფენა შესანიშნავი ადგილია.
