დიდი ხნის ნანატრი ქამბექი შედგა, 3-წლიანი პაუზის შემდეგ, მოდის სამყაროს ფიბი ფალო უბრუნდება. Celine-ის ყოფილი კრეატიული დირექტორი LVMH-ის პატრონაჟით საკუთარ ბრენდს ქმნის. ჯერჯერობით ფიბის ახალი ნაბიჯების შესახებ კონკრეტული დეტალები უცნობია, ახალი ლეიბლის გამოსვლის შესახებ მეტი ინფორმაციის მიღება 2022 წლის იანვარში იქნება შესაძლებელი.
თანამედროვეობი ერთ-ერთ ყველაზე ნიჭიერ რეჟისორ ზაზა ურუშაძეს ქართველი საზოგადოება 2 წლის წინ დაემშვიდობა, გარდაცვალებამდე კინორეჟისორმა კიდევ ერთი ფილმის გადაღება მოასწრო. კარიერის უკანასკნელ ნამუშევარს ზაზა ურუშაძესთვის „ანტონი'' წარმოადგენს, რომლის ხილვის საშუალება ქართველ მაყურებელს დიდ ეკრანებზე 8 ივლისიდან მიეცემა.
გასულ უქმეებზე, ოკლაჰომაში, რანჩოზე გვენ სტეფანისა და ბლეიკ შელდონის საიდუმლო საქორწინო ცერემონია გაიმართა, რომელსაც წყვილის უახლოესი მეგობრები და ოჯახის წევრები ესწრებოდნენ. მოკრძალებული, თუმცა დაუვიწყარი კადრების გაზიარების ცდუნებისგან No Doubt-ის ყოფილმა სოლისტმა თავი ვერ შეიკავა და მალევე სოციალურ ქსელში ქორწილის ამსახველი ფოტოსურათები გამოჩნდა.
35 წლის მსახიობი, ემბერ ჰერდი დედა პირველად გახდა, მსახიობს პირველი შვილი სუროგატი დედისგან 8 აპრილს შეეძინა, თუმცა ემბერმა სასიხარულო სიახლე მხოლოდ ახლა გაუზიარა მსოფლიოს. ჰერდმა სოციალურ ქსელში, შვილთან ერთად გადაღებული ფოტოსურათი გამოაქვეყნა და ემოციური წარწერაც დაურთო.
ანჯელინა ჯოლი და მუსიკოსი - The Weekend რომანტიკულ ვახშამზე დააფიქსირეს. ოსკაროსანი მსახიობისა და მომღერლის ფოტოები, რომლებიც LA-ში მდებარე ელიტარული რესტორნის დატოვებისას არის გადაღებული, The Sun-მა გაავრცელა.
მსახიობი - გალ გადოტი მესამე შვილის დედა გახდა. ლამაზმანს და მის მეუღლეს, იარონ ვარსანოს გოგონა შეეძინათ, რომელსაც დანიელა დაარქვეს. გადოტმა თაყვანისმცემლებს Instagram-ის საშუალებით ოჯახური ფოტო გაუზიარა, რომელზეც წყვილი სამივე ქალიშვილთან ერთადაა აღბეჭდილი.
სუპერმოდელმა და მსახიობმა, კარა დელევინმა, დედისგან მემკვიდრეობით, არა მხოლოდ მომხიბვლელი ვიზუალი და გასაოცარი გენები, არამედ ცხოვრებისეული ხედვებიც მიიღო. "ის ხშირად გვეუბნებოდა, თუ კი ამბბობ, რომ მოწყენილი ხარ, მაშინ თავად ხარ მოსაწყენი" - როგორც ჩანს, ეს შეგონება კარასთვის ერთ-ერთი ყველაზე მნიშვნელოვანი რამ აღმოჩნდა, რადგან დელევინის ასოცირება მოსაწყენთან უბრალოდ შეუძლებელია.
თუ კი ტრეის ელის როსის შესახებ გსმენიათ, იცნობთ მის 25-წლიან სამსახიობო კარიერის ნიმუშებს, ან სულაც თვალს ადევნებთ მის აქტივობას სოციალურ ქსელში, მაშინ გეცოდინებათ, რომ ტრეისი და მოდა განუყრელნი არიან. გავიხსენოთ თუნდაც AMA-ს როსის ჩაცმულობა, სანამ ის ღონისძიების წამყვანად მოგვევლინა, ან Met Gala-ს დაუვიწყარი კოსტუმები, რომ არაფერი ვთქვათ მსახიობის წითელი ხალიჩის სტილზე.
ქართველი მეცოსოპრანო ნატალია ქუთათელაძე BBC Cardiff Singer of the World-ის ფინალისტთა შორის მოხვდა, საერთაშორისო კონკურსი, რომელიც ყოველ ორ წელიწადში ერთხელ ტარდება და მთელი მსოფლიოს მასშტაბით ნიჭიერ და გამორჩეულ ოპერის მომღერლებს აერთიანებს.
Balenciaga-ს კრეატიული დირექტორი დემნა გვასალია, რომელიც ამ პოზიციას 2015 წლიდან ამაყად იკავებს, გაჩერებას არ აპირებს და ამჯერად ფრანგული მოდის სახლთან ერთად Haute Couture სადებიუტო კოლექციისთვის ემზადება. დემნამ, მისხალ-მისხალ შეისწავლა კრისტოფერ ბალენსიაგას სილუეტები და ამაღელვებელ პირველ კოლექციაზე სასაუბროდ ყოველწლიურ მოდურ კონფერენციას უერთდება.
