უკვე მე-5 დღეა უკრაინელი ხალხი საკუთარი ტერიტორიული მთლიანობის დასაცავად იბრძვის, ამ დღეების განმავლობაში The Diary-ს პლატფორმა დიდი სიხარულით დავუთმეთ იმ ადამიანებსა თუ კომპანიებს, რომლებსაც სულ მცირე წვლილის შეტანა სურთ ჩვენი მოძმე ერის დასახმარებლად. ჩვენი პლატფორმის მობილიზება გაგრძელდება მანამ, სანამ ამის საჭიროება იარსებებს, დღეს კი წარმოგიდგენთ კიდევ ერთ მნიშვნელოვან პროექტს, რომელზეც ქართველი ხელოვანები ამ წუთებშიც მუშაობენ.
რადგან პროტესტის გამოხატვის, ერთ-ერთი ყველაზე ეფექტური, ლაკონიური და ძლევამოსილი გზა ხელოვნებაა, ქართველი არტისტები ერთიანდებიან და XXI საუკუნის რევოლუციური სიტყვით - NFT კოლექციით შეეცდებიან საკუთარი წვლილი შეიტანონ უკრაინის ფონდში.
ფოტოგრაფი, გრაფიკული დიზაინერი, არტისტი - ყველას ვისაც სურვილი აქვს მონაწილეობა მიიღოს ღონისძიებაში, შეუძლია გაერთიანდეს Facebook ჯგუფში Artists for UKRAINE ან საიტზე www.artistsforukraine.com თავად ატვირთოს ომის, მშვიდობის, გმირობისა თუ სხვა სახის თემატური ნამუშევარი. Artist for Ukraine-ის დახმარებით შექმნილი NFT კოლექცია გაიყიდება, შემოსული თანხა კი სრულად, უკრაინის ფონდში გადაირიცხება.
ხელოვანებს, მათ ვისაც გსურთ თქვენი გულისტკივილი და სათქმელი თქვენი სამეტყველო ენით გამოხატოთ, შესაძლებლობა გაქვთ ამ გზით უკრაინელ ერსაც დაეხმაროთ, გაწევრიანდით ჯგუფში Artists for UKRAINE, მიჰყევით ინსტრუქციებს და გახსოვდეთ, რომ ნამუშევრების მიღების ბოლო ვადა 2 მარტია.
2025 წლის ოსკარების ყველაზე მნიშვნელოვანი გამარჯვებები და დაუვიწყარი მომენტები – Anora-ს ტრიუმფი, მაიკი მედისონის და ედრიენ ბროუდის გამარჯვებები, ტექნიკური კატეგორიების ლიდერი Dune: Part Two და სხვა საინტერესო დეტალები.
თებერვალი სერიალების მოყვარულებისთვის საუკეთესო თვე გამოდგა. სტრიმინგ პლატფორმებზე გამოჩნდა დრამა, კომედია, საკულტო შოუების ახალი სეზონები და საინტერესო ეკრანიზაციები. ამ სტატიაში საუკეთესო პრემიერების სია მოგიმზადეთ, რომლებიც არ უნდა გამოტოვოთ.
წლევანდელ SAG Awards-ზე „Lifetime Achievement“-ის ჯილდო ჯეინ ფონდამ დაიმსახურა. პრიზების გარეშე არ დარჩენილან ტიმოთი შალამე, დემი მური თუ ზოი სალდანა. წაიკითხეთ დაჯილდოების მთავარ მომენტებზე ჩვენს სტატიაში.
