25 ივნისს, The Why Not Gallery ახალგაზრდა თვითნასწავლი მხატვრის, თეკლა კიღურაძის, პირველ პერსონალურ გამოფენას „დამალული ნაპერწკლები“ უმასპინძლებს. გამორჩეული ხატვის სტილისა და თეკლას ხელწერისთვის დამახასიათებელი პატერნებისა თუ პასტელური ფერებით შექმნილი ჯადოსნობების ნახვა 30 აგვისტოს ჩათვლით იქნება შესაძლებელი.
გამოფენაზე წარმოდგენილი ნამუშევრები მხატვრის ფიქრებია ცხოვრების გარდამავალ პერიოდზე, ბავშვობის დატოვებისა და ზრდასრულობაში შებიჯების შესახებ.
საკუთარი თავის ძიებისა და მომწიფების ამ მოგზაურობაში, ბავშვობის მოგონებები მოულოდნელად მნიშვნელობის დამატებით ფენას იძენს. უეცრად, მიამიტური ყოველდღიურობის უმნიშვნელო მომენტები, რომელიც კადრებად ამოტივტივდება ხოლმე, ისეთი მძაფრი და ძლიერია, ზუსტი შეგრძნებების აღდგენა შეუძლია - შეხების, სუნის, განცდის; ეს ზუსტად ის ძვირფასი მომენტებია, რომელიც განგვსაზღვრავენ, როგორც პიროვნებას.
თეკლა უღრმავდება საკუთარ მოგონებებს, რომლებსაც ის დროში მოგზაურობიდან მარგალიტებივით აგროვებს. ტილოებზე მათი გამოსახვით, მხატვარი თითქოს ფიზიკურობას ანიჭებს ეფემერულ და წარმავალ შეგრძნებებს, რომლებიც სხვა შემთხვევაში, დროთა განმავლობაში, თითქოს უკვალოდ ქრებიან. ეს გრძნობები ხელოვანს კომპოზიციურად აქვს გამძაფრებული, იგი ირჩევს ექსტრემალურ მიახლოებას და თითქოს სრული სიუჟეტის მხოლოდ პატარა დეტალს ხატავს.
ეს ძალიან გავს იმას, თუ როგორ ვიხსენებთ მოგონებებს - ბანალური მოქმედებების წარმავალ წამებს, რომლებსაც სეფიის ელფერი აქვს. ხელოვანი ადგენს კონკრეტულ პალიტრას, რომელსაც დამჯდარი ლურჯის, მწვანისა და მიწისფერის შეთამაშებით ღებულობს და ამგვარადაც ამძაფრებს სერიის განწყობას.
ეს გამოფენა თითქოს დავიწყების წინააღმდეგ აჯანყების აქტია, ოდა იმ ფარული ნაპერწკლებისადმი, რომლებიც გვინათებენ ცხოვრების გზას, ჩვენი მცველები არიან, როცა გვჭირდება სევდასთან ბრძოლა და თავშესაფარს გვთავაზობენ, მაშინ, როცა უიმედოდ ვეძებთ მას.
მარიამ ახობაძის ხელოვნება ფსიქოლოგიურ პორტრეტებსა და ფიგურატიულ ფერწერას აერთიანებს. მისი უნიკალური ხედვა და ემოციური თხრობა მნახველს ისტორიის ერთ წამში მოხვედრის საშუალებას აძლევს, სადაც ფერები, ფორმები და სიჩუმე თავის ამბავს ჰყვებიან. The Diary ქართველ ფერმწერთან საინტერესო ინტერვიუს გთავაზობთ.
ოსკარები 2025 ახლოვდება! სულ რამდენიმე საათი და გავიგებთ, თუ ვინ მოიგებს საუკეთესო ფილმის, მსახიობისა და რეჟისორის პრიზებს.
გიორგი ქებურიამ ლონდონის მოდის კვირეულზე შემოდგომა/ზამთრის კოლექცია ქართული ბენდის, Skazz-ის, მუსიკის ფონზე წარადგინა. კოლექციაში დიზაინერმა კლასიკური და თანამედროვე ესთეტიკის შერწყმით დინამიკური და გამორჩეული სამოსი შემოგვთავაზა.
