ემილი კუპერი მორიგი ევროპული თავგადასავლისთვის ემზადება. Netflix-მა ოფიციალურად დააანონსა, რომ Emily in Paris-ის მე-5 სეზონი 18 დეკემბერს გამოვა და პირველი თიზერიც გაგვიზიარა. ამჯერად ემილის ისტორია ორ ქალაქში, პარიზსა და რომში განვითარდება. როგორც სერიალის შემქმნელი, დარენ სტარი ამბობს, ეს სეზონი ორი ქალაქის ამბავია და მეტიც, ემილი ვენეციაშიც აპირებს გასეირნებას.
ახალ თიზერში ჩანს, თუ როგორ ერგება ემილი la dolce vita-ს რიტმს – ვენეციის არხებში სეირნობს და რომის არქიტექტურით ტკბება.
გაგახსენებთ, რომ მე-4 სეზონის ბოლოს ემილი რომში გადადის სამუშაოდ, სადაც Agence Grateau-ს ახალი ოფისის ხელმძღვანელი ხდება. ამავდროულად კუპერი ახალ ურთიერთობას იწყებს იტალიელ მარჩელოსთან. მე-4 სეზონმა Netflix-ის სერიალების საუკეთესო ათეულში პირველი ადგილი დაიკავა, გამოსვლიდან პირველ ოთხ დღეში 19.9 მილიონი ნახვა დააგროვა და 93 ქვეყნის ტოპ ათეულშიც მოხვდა. ასე რომ, მე-5 სეზონს მილიონობით მაყურებელი ელოდება.
სერიალის მთავარი როლის შემსრულებლის, ლილი კოლინზის თქმით, ახალ სეზონში მაყურებელი ემილის სხვა მხარეს იხილავს. „მარჩელო ემილისთვის სრულიად ახალი თავგადასავალია. ჩვენ გვინდოდა, რომ მას სამსახურსა და პირად ცხოვრებას შორის უკეთესი ბალანსი ეპოვა და ბედნიერება აღმოეჩინა,“ – ლილი კოლინზი.
თუმცა, ემილის წარსული პარიზში არ დარჩება. მე-4 სეზონის ფინალში მისი პირველი პარიზული სიყვარული, გაბრიელი (ლუკას ბრავო) აცნობიერებს, რომ ემილისთან ყოფნა სურს. ახალ სეზონში გავიგებთ, დააგვიანა თუ არა, გაბრიელმა ამის გაცნობიერება.
ასე რომ, მზად ვართ სიყვარულით, რომანტიკით, მეგობრობითა და, რაღა თქმა უნდა, საინტერესო კოსტიუმებით სავსე ახალი სეზონისთვის.
საქართველო 2025 წლის ფრანკფურტის წიგნის ბაზრობაზე დემოკრატიისა და თავისუფლების გზავნილით წარსდგა. ახლად დაარსებულმა „საქართველოს წიგნის ასოციაციამ“ ქართველი გამომცემლები ერთ კოლექტიურ სტენდზე გააერთიანა, რომლის მთავარი თემა პოლიტპატიმრებისადმი სოლიდარობის გამოხატვას ეძღვნება.
შილდაში დაფუძნებული მეღვინეობა საუკუნოვან ტრადიციას უკვე თანამედროვე მოდასთან აერთიანებს. Chelti Winery ლონდონის მოდის კვირეულის ოფიციალური პარტნიორი გახდა.
Sombr – 20 წლის ნიუ-იორკელი მუსიკოსი, რომელიც თავისი უნიკალური ჟღერადობითა და გულწრფელი ემოციებით ინდიროკისა და პოპის სცენაზე სახელს იხვეჭს. გაიცანით ვინ არის მუსიკალური სამყაროს ახალი სახე, რომელიც ერთ-ერთ ყველაზე პერსპექტიულ არტისტად ითვლება.
