დღეს სასიამოვნო სიახლით ვიწყებთ, ახალგაზრდა, ნიჭიერი ქართველი პიანისტი, სანდრო გეგეჭკორი, მსოფლიოს მუსიკალური სამყაროს აღმოჩენაა. სანდრო „მარია კანალსის პიანისტთა საერთაშორისო”, რიგით 66-ე, კონკურსის გამარჯვებული გახდა. მსოფლიოში ერთ-ერთ ყველაზე პრესტიჟული კონკურსის ფინალში, 20 წლის პიანისტი ჩინელი და პორტუგალიელი კონკურენტების წინააღმდეგ იბრძოდა და ერთპიროვნულ ლიდერადაც მოგვევლინა.
სანდრო გეგეჭკორმა გასულ ღამეს, დიდ დარბაზში, კატალონიის სიმფონიურ ორკესტრთან ერთად ჩაიკოვსკის საფორტეპიანო კონცერტი დაუკრა, რაც მისთვის გამარჯვების მომტანიც აღმოჩნდა.
ბუნებრივია, ამ რთული და საპასუხისმგებლო გზის გავლა სანდრო გეგეჭკორმა დიდი ძალისხმევის, თავდადების და შრომის შედეგად მოახერხა.
„მარია კანალასის პიანისტთა საერთაშორისო კონკურსი” მსოფლიოში ერთ-ერთი ურთულესი საკმაოდ პრესტიჟული კონკურსია, პირველობის მოსაპოვებლად, წელს, 400-მდე კონკურსანტი იბრძოდა, რომელთაგანაც 34 საუკეთესო შეირჩა, ნახევარფინალისთვის მათი რაოდენობა 15-მდე შემცირდა, რაც შეეხება ფინალის პირველ ეტაპს, აქ 7-მა პიანისტმა გამოავლინა თავისი შესაძლებლობები და 3 რჩეულიც შეირჩა.
„მარია კანალსის პიანისტთა საერთაშორისო”, რიგით 66-ე, კონკურსის გამარჯვებულს, პირველ პრემიასთან ერთად გადაეცა ფულადი ჯილდო (25000 €) და ასევე აუდიტორიის სიმპათიის პრიზი, რომლის მფლობელიც ონლაინ ხმის მიცემის შედეგად გამოვლინდა.
„საღამოობით ქუჩაში მეზობლები იკრიბებოდნენ და ომის სისასტიკეებზე ყვებოდნენ თავიანთ ისტორიებს - რუსეთის მიერ ჩადენილს“,- გაიცანით მარიამ აქუბარდია, ქართველი არტისტი, რომლის ნამუშევრებიც პირადი და კოლექტიური მეხსიერების ერთგვარი ნაზავი და ომისშემდგომი ცხოვრებისა და ადამიანური ტრაგედიების დოკუმენტაციაა.
მარიამ ახობაძის ხელოვნება ფსიქოლოგიურ პორტრეტებსა და ფიგურატიულ ფერწერას აერთიანებს. მისი უნიკალური ხედვა და ემოციური თხრობა მნახველს ისტორიის ერთ წამში მოხვედრის საშუალებას აძლევს, სადაც ფერები, ფორმები და სიჩუმე თავის ამბავს ჰყვებიან. The Diary ქართველ ფერმწერთან საინტერესო ინტერვიუს გთავაზობთ.
ოსკარები 2025 ახლოვდება! სულ რამდენიმე საათი და გავიგებთ, თუ ვინ მოიგებს საუკეთესო ფილმის, მსახიობისა და რეჟისორის პრიზებს.
