როცა დიზაინში სიმარტივე და ხარისხი ერთიანდება, იქ უდავოდ ჩნდება სტილი, რომელიც დროსა და ტრენდებს უძლებსб სწორედ ეს გახლავთ ბრენდ „მინიმალისტის“ ფილოსოფიაც. ქართული ბრენდის კოლექციებში შეხვდებით ზამშისა და ნატურალური ტყავის ნივთებს. მათ შორის, ჩანთებს, კოვბოის ჩექმებს, დაბალძირიან ბალერინებსა და სხვა სეზონურ მოდელებს.
„მინიმალისტის“ თითოეული ნივთი გამორჩეულია ფორმითა და გამძლეობით. სწორედ ამიტომ, ბრენდმა უკვე მოიპოვა მრავალი ქალის ნდობა და სიყვარული. „მინიმალისტის“ შესახებ უფრო მეტს დამფუძნებელი, ნანუკა ვეფხვაძე TheDiary-სთან ინტერვიუში მოგიყვებათ.
ნანუკა, „მინიმალისტი“ უკვე 6 წელია არსებობს, რა სიახლეები გაქვთ ამ ეტაპზე ბრენდში?
ნანუკა: „მინიმალისტი“ 2019 წლიდან გამოჩნდა ქართულ ბაზარზე და საკმაოდ ბევრი გოგონას გული დაიპყრო. ყოველ წელს უფრო მეტი და მეტი კმაყოფილი მომხმარებელი გვყავს, როგორც თბილისსა და საქართველოს სხვა ქალაქებში, ისე საზღვრებს გარეთ. ჩვენ ვითანამშრომლეთ სხვადასხვა ქართველი დიზაინერების კონცეპტუალურ მაღაზიებთან, ასევე საკმაოდ ცნობილ ონლაინ მოლებთან. ყოველწლიურად ვამატებთ ახალ მოდელებს და ვცდილობთ ტრენდებს ავუწყოთ ფეხი, მაგრამ კოლექციაში გვაქვს რამდენიმე ბესთ სელერიც, რომელიც ტრენდის ცვლილებების მიუხედავად არ კარგავს მოთხოვნას.
როგორი ტიპის ადამიანებისთვისაა შექმნილი თქვენი დიზაინი და სტილი?
ნანუკა: „მინიმალისტის“ დიზაინი შექმნილია კომფორტის მოყვარული ადამიანებისთვის, ამიტომაც მაქსიმალური ყურადღება გადატანილი გვაქვს ხარისხზე. ჩვენ ვქმნით სადა, დახვეწილ მოდელებს, რომელიც უძლებს დროს, ტრენდს და არ კარგავს აქტუალობას. „მინიმალისტი“ განკუთვნილია როგორც ყოველდღიური, ასევე განსაკუთრებული დღეებისთვის. ჩვენ ვცდილობთ შევქმნათ ისეთი მოდელები, რომლებიც გამოადგებათ ქალებს სხვადასხვა ლუქის ასაწყობად.
 |
 |
თქვენი აზრით, რით განსხვავდება „მინიმალისტი“ ქართულ ბაზარზე არსებული სხვა ბრენდებისგან?
ნანუკა: ჩვენთვის ყველა ქართული ბრენდი განსაკუთრებული და დასაფასებელია. „მინიმალისტი“ სხვა ქართული ბრენდებისგან განსხვავდება სისადავით. ჩვენთან ვერ შეხვდებით გადატვირთული დიზაინით შექმნილ მოდელებს, მთავარი უპირატესობაც მინიმალიზმია, რაც საშუალებას აძლევს მომხმარებლებს, შენაძენით ისიამოვნონ.
სად ხედავთ „მინიმალისტს“ მომავალში? როგორ გეგმავთ ბრენდის განვითარებას?
ნანუკა: ბრენდის სამომავლო გეგმები უკვე ფართო მასშტაბზე გასვლას გულისხმობს. ჩვენ ქართველ მომხმარებელს, ასე თუ ისე, უკვე შევაყვარეთ თავი, ახლა გვსურს, რომ ქართული პროდუქტის სახელი საზღვრებს გარეთ უფრო მეტი აქტიურად გავიტანოთ. იმედია ჩვენ ქვეყანაში წარმოებულ პროდუქციასაც ძალიან მალე შევხვდებით სხვადასხვა ქვეყნების მაღაზიებში და ამით ვიამაყებთ.
GOGO! რუბრიკაში ელენე კუხალაშვილს გაგაცნობთ – მეღვინე გოგოს, რომელიც ცქრიალა ღვინის ბრენდს ქმნის. ჩვენთან ინტერვიუში ელენე გვიყვება, როგორ დაიბადა Verve-ს იდეა, რა ფილოსოფია უდევს საფუძვლად ბრენდს და რას ნიშნავს იყო ქალი მეღვინე თანამედროვე საქართველოში.
The Diary-ს გუნდი ქართველი გოგოს კიდევ ერთ წარმატებულ ბრენდს გაგაცნობთ. ხელნაკეთი აქსესუარების ბრენდი Kawalsky დახვეწილ და მინიმალისტურ დიზაინს გვთავაზობს – იქნება ეს სხვადასხვა ფორმისა და დანიშნულების ჩანთები თუ სამოსი.
საქართველოში მდგრადი მოდის რუკაზე ბევრი ახალი და საინტერესო დიზაინერი ჩნდება. ამ ინდუსტრიის ნაწილია ლიკა ჯოჯუა, რომლის სახელობის ბრენდი გვაჩვენებს, თუ როგორ შეიძლება იყო ერთდროულად სტილური და თან იზრუნო გარემოზე.
