გრძნობთ, როგორ ახლოვდება ზაფხული, თავისი თბილი დღეებით, დაუგეგმავი მოგზაურობებითა და სიმსუბუქით? სწორედ ამ განწყობას ეხმიანება Weekend Max Mara-ს ახალი Signature კოლექცია, რომლის მთავარი გმირიც მსახიობი ეშლი პარკია.
2025 წლის გაზაფხული/ზაფხულის კოლექცია, სახელწოდებით A Weekend with Ashley Park, ჰაეროვან, კომფორტულ და ელეგანტურ სამოსს გთავაზობთ, რომელიც იდეალურია როგორც ქალაქის ცხელ ქუჩებში, ისე ზღვის ლაჟვარდოვან სანაპიროზე სასეირნოდ.
კოლექციის მთავარი გმირი, ეშლი პარკი, ფართო აუდიტორიამ სერიალ Emily in Paris-ში შესრულებული როლით გაიცნო, თუმცა მისი კარიერა ბევრად მრავალფეროვანია (Beef, Joy Ride, Only Murders in the Building). ამ ზაფხულისთვის ეშლი პარკი და Weekend Max Mara გვთავაზობენ მრავალფეროვანი სამოსის კოლექციას - შესაფერისს ნებისმიერი გარემოებისთვის.
თითოეული სამოსი იდეალურია ყველა დანიშნულებისთვის - პარიზის ხმაურიანი ქუჩებიდან დაწყებული, ხმელთაშუა ზღვის მზით გაჟღენთილი სანაპიროებით დასრულებულით, აი La Dolce Vita-ს უდარდელობის ელფერი რომ გასდევს, ისეთით. კოლექცია ელეგანტურობასა და სიმსუბუქეს ასხივებს, რაც, დაგვეთანხმებით, ზაფხულის თავგადასავლებისთვის ზედგამოჭრილია.
„მთლიანობაში კოლექცია ახერხებს, ზუსტად დაიჭიროს ზაფხულის სიმსუბუქე და იმ დაუვიწყარი მომენტების დროს განცდილი სიხარული, რომელიც ხმელთაშუა ზღვის სანაპიროებზე გატარებულ ზაფხულს ახლავს თან. ჩვენ გვსურდა, Emily in Paris-ის გლამურული სული უფრო ავთენტურ და კომფორტულ სტილში გვეთარგმნა. კოლექციის თითოეული ნაწილი მოგზაურობისთვის შესანიშნავი თანამგზავრია“, — ამბობს ეშლი პარკი.
სამოსი ხალასი და დახვეწილია - გაჟღენთილი კლასიკურობით, მაგრამ უფრო თანამედროვე სიმარტივის მატარებელი. კოლექციაში აქცენტი გაკეთებულია ქალურ სილუეტებზე, რომელიც სხეულს კარგად გამოკვეთს, ასევე სინაზეზე და დახვეწილ დეტალებზე.
კოლექციაში ასევე წარმოდგენილია Weekend Max Mara-ს პოპულარული დიზაინების განახლებული ინტერპრეტაციები. მათ შორისაა ყვავილების პრინტით გაფორმებული თრენჩ ქოუთი და დახვეწილი კაბები — როგორც სწორი სილუეტის მქონე, ასევე მხარზე მოშიშვლებული ან ფარფატა მოკლე ვერსიები. კოლექციის გამორჩეული კომბინაციები გახლავთ მოკლე მაისურები შეხამებული გრძელ ქვედაბოლოებთან ან სხეულზე მომდგარ შარვლებთან.
ბრენდმა უპირატესობა მიანიჭა ბუნებრივ ქსოვილებს — ბამბასა და ტილოს, რომლებიც სხეულს ჰაერივით მსუბუქად ერგება. სამოსისთვის შერჩეული ნაჭრები გაფორმებულია დახვეწილი, თუმცა გამორჩეული პრინტებით - ყვავილებით თუ აბსტრაქტული ფორმებით. ასევე გამოყენებულია ჯინსი, რომელიც მსუბუქადაა დამუშავებული და ზაფხულის ტემპერატურაზეა გათვლილი.
ფერების პალიტრა მოიცავს მაცოცხლებელ, პასტელურ ფერებს, ასევე ძვირფასი ქვების, ვარდისფრისა თუ შაბიამნისფრის სხვადასხვა ტონალობას.
ბრენდის საკულტო Pasticcino Bag კი, წელს ახალი ფორმით გვევლინება — დაწნული კალათის სახით და ტილოთი გაფორმებული. კოლექციის ნაწილია საზაფხულო სანდლები, მარგალიტებით მოჭედილი და ბრენდისთვის დამახასიათებელი ბურთულიანი ქუსლით გაფორმებული ფეხსაცმლის მოდელები.
ასე რომ, არ აქვს მნიშვნელობა, ზაფხულს შავი ზღვის სანაპიროზე გაატარებთ, პარიზის ქუჩებში სეირნობა გაქვთ დაგეგმილი თუ ამალფის ცის ქვეშ მზის ჩასვლით ტკბობა — A Weekend with Ashley Park შესაძლებლობას გაძლევთ, ზაფხული ჩემოდნით ატაროთ - ხალისიანი, მსუბუქი და დახვეწილი სამოსის სახით.
თანამედროვე ფეხბურთელები სტილის ახალ არქეტიპებს ქმნიან: დევიდ ბექჰემი, ექტორ ბელერინი, კრიშტიანუ რონალდუ, პოლ პოგბა და სხვა სპორტსმენები style icon-ებად იქცნენ. ზოგიერთი მათგანი კი — როგორც ხვიჩა კვარაცხელია — საკუთარ პლატფორმას იყენებს იმისთვის, რომ ქუჩაში ან სოციალურ მედიაში ისევე შთამბეჭდავად გამოიყურებოდეს, როგორც მოედანზე.
აბაზანის დიზაინი მნიშვნელოვანია არა მხოლოდ ესთეტიკის, არამედ კომფორტისა და ფუნქციურობის თვალსაზრისითაც. ამ სტატიაში წარმოგიდგენთ აბაზანის დიზაინის საინტერესო იდეებს.
ბრიტანულმა ბრენდმა COS გაზაფხული/ზაფხული 2025-ის კოლექცია ათენში, ისტორიულ მარმარილოს კარიერში წარადგინა — შოუ, რომელიც არქიტექტურას, მოდასა და ბუნებას აერთიანებს
