ილია თოფურია VS ჯასტინ გეიჯი: ისტორიული ბრძოლა თეთრ სახლში
ილია თოფურია და ჯასტინ გეიჯი UFC Freedom 250-ის მთავარ ბრძოლაში შეხვდებიან ერთმანეთს. ისტორიული ღონისძიება თეთრ სახლში გაიმართება და მსუბუქი წონის ჩემპიონის ვინაობას გაარკვევს.
ფილმი The Devil Wears Prada 2 დიდ ეკრანზე 1 მაისს გამოდის, მანამდე კი მისი მთავარი მსახიობები პრეს-ტურში არიან მსოფლიოს სხვადასხვა ქალაქში. მერილ სტრიპი და ენ ჰეთევეი წითელ ხალიჩებზე გამოჩენით ფილმის მიმართ ინტერესს კიდევ უფრო ამძაფრებენ.
მოლოდინი ბუნებრივად მაღალია. ორიგინალური ფილმის გამოსვლიდან თითქმის ორი ათეული წელი გავიდა და სიუჟეტიც უკვე სხვა რეალობაში ვითარდება. ისტორია კვლავ მირანდა პრისტლის გარშემო ტრიალებს, რომელიც ტრადიციული ჟურნალების კრიზისის ფონზე ცდილობს პროფესიული პოზიციების შენარჩუნებას. ამავე დროს, მას დაპირისპირება ემილი ჩარლტონთან უწევს, რომელიც გავლენიანი ლუქს ჯგუფის აღმასრულებელია და იმ სარეკლამო ბიუჯეტებს აკონტროლებს, რომლებიც პრისტლისთვის გადამწყვეტ მნიშვნელობას იძენს.
პრეს-ტურის პირველი გაჩერება მეხიკოში იყო, სადაც მერილ სტრიპმა Dolce & Gabbana-ს წითელ კოსტიუმი, ენ ჰეთევეიმ კი Schiaparelli-ს ფრინჯებიანი კაბა მოირგო. ტოკიოში დუომ ვიზუალური ხაზი გააგრძელა და სტრიპმა მეთიუ ბლაზის Chanel-ის სამოსი, ხოლო ჰეთევეიმ Valentino-ს 2026 წლის გაზაფხული-ზაფხულის კუტიური კოლექცია აირჩია.
პრეს-ტური ჯერ კიდევ დასაწყისშია, მაგრამ აშკარად მომდევნო კვირები მოდის თვალსაზრისით განსაკუთრებით დატვირთული იქნება.
მერილ სტრიპის სტილისტი, მიკაელა ერლანგერი, პრეს-ტურს Met Gala-ს მასშტაბით უყურებს. ისინი 11 წელია თანამშრომლობენ და ტურის ფარგლებში 30-ზე მეტი ლუქია დაგეგმილი. ერლანგერი აღნიშნავს, რომ ეს იქნება სტრიპის ყველაზე მოდური გამოჩენების სერია.
ამ მოდურ მარათონში ენ ჰეთევეის სტილისტი, ერინ უოლშიც მონაწილეობს, რომელიც ერლანგერის მკაცრი და გაწონასწორებული ლუქებისგან განსხვავებით, უფრო თავისუფალ და თამამ მიმართულებას ირჩევს.
არ გამოგრჩეთ
შეი მიტჩელიდან ჯესიკა სიმპსონამდე: ქართული ბრენდი BIZU ჰოლივუდის ვარსკვლავების ყურადღების ცენტრში
ქართული სამკაულების ბრენდი BIZU უკვე ამერიკულ ბაზარზეა წარმოდგენილი და ჰოლივუდის ვარსკვლავების ყურადღებაც მიიპყრო. შეი მიტჩელი, ჯესიკა სიმპსონი და ჰეილი კიოკო იმ ცნობილ ადამიანებს შორის არიან, რომლებმაც ბრენდის გამორჩეული სამკაულები მოირგეს.
FORMULA 1-ის ახალი WAG: კიმ კარდაშიანი
რეალითი შოუს ვარსკვლავი და ბიზნესმენი კიმ კარდაშიანი მონაკოს გრან-პრიზე გამოჩნდა, სადაც Ferrari-ის პილოტსა და მის ახალ შეყვარებულს, ლუის ჰემილტონს გულშემატკივრობდა.