2024 წლის ზაფხული ფემინური კაბების, მოკლე შორტების და მაქსიმალურად საზაფხულო სამოსის დროა. TheDiary-ს რედაქცია ამ ზაფხულის TOP 5 ტრენდს წარმოგიდგენთ, რომლის ანალოგებს ონლაინ თუ ადგილობრივად, მაღაზიებში აუცილებლად იპოვით.
თანახმა ხართ უთხრათ თეთრ ფერს "თანახმა ვარ"? მაშინ თქვენთვის სასიხარულო ამბავი გვაქვს - თეთრი ფერის ყველა ვარიაცია ტრენდულია ამ სეზონზე. თეთრი შარვლიდან დაწყებული, მაქმანებიანი კაბით დასრულებული.
პოლოს მაისურები ისევ გატრენდდა და დიზაინერები მის სხვადასხვა ფერისა და ზომის ვარიაციებს გვთავაზობენ. წინ დიდი თამაშები გველის - ევროპის საფეხბურთო ჩემპიონატი, რაგბის ტესტ თამაშები. რაგბის მაისურები, სხვათა შორის Dries Van Noten-ისა და DSquared2-ის გაზაფხული-ზაფხულის კოლექციებში მრავლად ვიხილეთ.
თუკი პოლოს მაისურით საკუთარი გარდერობის განახლებას გეგმავთ, აქტუალობიდან გამომდინარე, გირჩევთ ფეხბურთის ეროვნული ნაკრების ფან-შოპში (ი. ჭავჭავაძის გამზ. 74) შეიძინოთ იგი ან თუკი რაგბის ფანი ხართ, Veli-დან შეუკვეთოთ რაგბის ეროვნული ნაკრების პოლო-მაისური.
ატლასის კაბები კარადაში მომდევნო წლამდე შეინახეთ, ახლა გამჭვირვალე ქვედაკაბა ზაფხულის ყურადღების ცენტრში ექცევა. ნუ შეგეშინდებათ ფეხების სიშიშვლის, თქვენ ყველა სამოსში ლამაზი ხართ!
Finally, ფემინურობა ისევ მოდაშია! ფერადი და ჰაეროვანი კაბები, ვარდები, სხეულზე გამოყვანილი ქვედა ბოლოები - ზაფხულში შეგიძლიათ მაქსიმალურად ფემინურები იყოთ.
და ბოლოს, მოკლე შორტების ნუ შეგეშინდებათ, ზაფხულია და თან ძალიან, ძალიან ცხელა. ძალიან მოკლე შორტები მილანის მოდის კვირეულზე Gucci-ს საბატო დე სარნოს ხელმძღვანელობით შექმნილ კოლექციაში მრავლად ვიხილეთ. მოკლე შორტები ვიხილეთ Chanel-ის, Alexander McQueen-ის, Isabel Marant-ისა და სხვა მოდის ბრენდების ჩვენებებზეც.
დღეს, ჩვენი რედაქცია შემოდგომის ლუქების შთაგონებას გთავაზობთ. ტემპერატურის დაცემასთან ერთად, დროა, გარდამავალი სეზონის ლუქებზე ფიქრიც დავიწყოთ. სეზონის სტილის განუყოფელი ნაწილი კი კაბისა და ჩექმების მარტივი და ელეგანტური კომბინაციაა.
მოდის ისტორიაში არმანის სახელი განსაკუთრებულ ადგილს იკავებს. ის იმ დიზაინერთა შორისაა, რომლებმაც ეპოქის მიმართულება შეცვალეს. ჯორჯო არმანიმ მამაკაცის კოსტუმს ახალი სახე მისცა, ქალთა მოდაში კი თავდაჯერებული და ელეგანტური სტილი დაამკვიდრა. არმანის სახელი სამუდამოდ უკვდავყოფილია როგორც მოდის, ისე კულტურის ისტორიაში.
ანა ვინტურმა ამერიკული Vogue-ის სარედაქციო კონტენტის ახალი ხელმძღვანელი წარადგინა. ვინტური მოდის ყველაზე გავლენიან ჟურნალს არ ტოვებს, თუმცა ამერიკული გამოცემის საქმიანობას ამიერიდან 39 წლის ქლოე მალი გაუძღვება.
