როგორც ყოველთვის, მილანის მოდის კვირეულზე როგორც პოდიუმზე ისე ქუჩაში მოდის თვალისმომჭრელი ზეიმი ეწყობა. ინფლუენსერები, სტილისტები, მოდელები, ჟურნალისტები თუ უბრალოდ მოდაზე შეყვარებული ადამიანები ჩვენებიდან ჩვენებამდე რუდუნებით ემზადებიან და ფოტოგრაფების წინაშე პოზირებენ. იმ დღეს ყველა ცნობილი ადამიანი ხდება, მთავარია განსაკუთრებული და დასამახსოვრებელი ლუქით გამოჩნდეს.
მილანის ქუჩებს მოდურად ჩაცმული ხალხი არასდროს აკლია, მაგრამ კვირეულზე ხომ მოდის მოყვარულები მთელი მსოფლიოდან მოემართებიან, გამზადებული აქვთ საუკეთესო ლუქები და ქუჩაში პირადი პოდიუმის მოსაწყობად ემზადებიან. მოდის კვირეულის ქუჩის სტილში კაშკაშა ფერები, კლასიკური ტონები, Statement აქსესუარები და კრეატიულად აწყობილი ლუქები ვიხილეთ.
მილანის მოდის კვირეულზე ქართველი მოდელი, მატილდა გვარლიანიც ვიხილეთ. მატილდამ Gucci-სა და The Attico-ს გაზაფხული/ზაფხულის კოლექცია წარადგინა.
თავისუფლად შეგვიძლია, მილანის მოდის კვირეულის ქუჩის სტილიდან საშემოდგომო ლუქების ინსპირაცია ავიღოთ. კვირეულის სტუმრების ნაწილი მუქ, დაცვენილი ფოთლების ფერებს, მწვანე და ყავისფერ ტონებს ანიჭებდა უპირატესობას. მათ შორის იყო მაღალი, მუქი მწვანე ჩექმები თუ შემოდგომის ყვითელი და ყავისფერი ტყავის ქურთუკები.
მოდის კვირეულის სტუმარი GANNI-ს საკულტო ფეხსაცმლითა და Fendi-ს წითელი ჩანთით.
მოდელი და ინფლუენსერი Izzi Poopi Gucci-ს ლუქში გამოწყობილი.
ქუჩის სტილის ნამდვილი ვარსკვლავი მუსიკალური დუეტი AmiAya იყო. ტყუპი გოგონები ვარდისფერი თმით მილანის ქუჩებში ყველასგან გამოირჩეოდნენ.
დღეს, ჩვენი რედაქცია შემოდგომის ლუქების შთაგონებას გთავაზობთ. ტემპერატურის დაცემასთან ერთად, დროა, გარდამავალი სეზონის ლუქებზე ფიქრიც დავიწყოთ. სეზონის სტილის განუყოფელი ნაწილი კი კაბისა და ჩექმების მარტივი და ელეგანტური კომბინაციაა.
მოდის ისტორიაში არმანის სახელი განსაკუთრებულ ადგილს იკავებს. ის იმ დიზაინერთა შორისაა, რომლებმაც ეპოქის მიმართულება შეცვალეს. ჯორჯო არმანიმ მამაკაცის კოსტუმს ახალი სახე მისცა, ქალთა მოდაში კი თავდაჯერებული და ელეგანტური სტილი დაამკვიდრა. არმანის სახელი სამუდამოდ უკვდავყოფილია როგორც მოდის, ისე კულტურის ისტორიაში.
ანა ვინტურმა ამერიკული Vogue-ის სარედაქციო კონტენტის ახალი ხელმძღვანელი წარადგინა. ვინტური მოდის ყველაზე გავლენიან ჟურნალს არ ტოვებს, თუმცა ამერიკული გამოცემის საქმიანობას ამიერიდან 39 წლის ქლოე მალი გაუძღვება.
