მამაკაცის სამოსის ახალი ბრენდები

 მამაკაცის თანამედროვე მოდაში ყველაზე საინტერესო პროცესები არა მხოლოდ მთავარ პოდიუმზე, არამედ მის მიღმაც ვითარდება. ისეთი ბრენდების გვერდით, როგორიცაა Loro Piana, Brunello Cucinelli, Dries Van Noten და Auralee თანდათან ჩნდება დიზაინერების ახალი თაობა, რომელსაც უკვე ყურადღებით აკვირდებიან სტილისტები, ბაიერები და კოლექციონერები. ესენი არიან ბრენდები, რომლებიც ჯერ ფართო საზოგადოებისთვის ნაკლებად არის ცნობილი, თუმცა მოდის პროფესიულ სფეროში უკვე მნიშვნელოვან ადგილს იკავებენ.

Yoke

ტოკიოში დაფუძნებული Yoke კლასიკური ჭრისა და თავისუფალი სილუეტის ტანსაცმელს ქმნის. ფერთა გამა ძირითადად ნეიტრალურია, ყურადღება გადადის ჭრაზე, პროპორციასა და დამუშავებაზე. ბრენდი მიეკუთვნება თანამედროვე იაპონურ მიმართულებას, სადაც მთავარი მნიშვნელობა აქვს ფორმასა და კონსტრუქციას.

Another Aspect

სკანდინავიური ბრენდი Another Aspect ყოველდღიური გამოყენების ტანსაცმელს ქმნის. წარმოება მცირე რაოდენობით ხდება და დიდი ყურადღება ექცევა ქსოვილს. სტილი მინიმალისტური, ფერთა გამა კი ნეიტრალურია.

Kartik Research

Kartik Research 2021 წელს კარტიკ კუმრას მიერ დაარსდა. ბრენდი ინდური ტექსტილის ტრადიციაზეა დამყარებული და ბუნებრივ საღებავებსა და ხელით შესრულებულ ნაქარგებს იყენებს. კოლექციებში ერთიანდება ტრადიციული ტექნიკა და თანამედროვე ფორმა.

A.Presse

იაპონური ბრენდი A.Presse იკვლევს ვინტაჟურ ტანსაცმელს. დიზაინერები სწავლობენ ძველ ნიმუშებს და ზუსტად აღადგენენ ქსოვილს, ნაკერსა და პროპორციებს. კოლექციებში ხშირად გვხვდება ჯინსი, სამხედრო ქურთუკები და კლასიკური კერვა. ბრენდი პოპულარულია კოლექციონერებსა და პროფესიულ წრეებში.

Cecile Tulkens

ბელგიელი დიზაინერი Cecile Tulkens ძირითადად ტრიკოტაჟზე მუშაობს. ტანსაცმელი მზადდება მცირე რაოდენობით და ბუნებრივი ბოჭკოებისგან. მთავარი ყურადღება გადადის ტექსტურაზე, ფორმასა და კონსტრუქციაზე. ნივთები იქმნება მცირე საწარმოებთან თანამშრომლობით.

Graphpaper

Graphpaper ტოკიოში ტაკაიუკი მინამის მიერ დაარსდა. ბრენდი ყოველდღიური ტანსაცმლის თანამედროვე ვერსიას ქმნის. კოლექციებში გვხვდება პერანგები, ფართო შარვლები და ქურთუკები. სამოსის შესაქმნელად გამოიყენება მკვრივი ბამბა და ტექნიკური ქსოვილები. მთავარი ყურადღება გადადის ფორმასა და პროპორციაზე.

Salon C Lundman

შვედური ბრენდის Salon C Lundman კოლექციებში გამორჩეული გამოკვეთილი მხრები, ზუსტი ჭრა და შალის ქსოვილებია. Salon C Lundman მოდის პროფესიულ წრეების რადარების ქვეშ არის.