აზერბაიჯანის მოდის ინდუსტრიაში მნიშვნელოვანი დღეები დგება. 15-17 მაისს ბაქო პირველად უმასპინძლებს Mercedes-Benz Fashion Week Azerbaijan-ს. ამ გრანდიოზული მოვლენის ნაწილი და ოფიციალური მედია პარტნიორი The Diary-ც გახლავთ.
კვირეულის თემა Fashion Renaissance-ია, რაც მოდისა და ხელოვნების სინთეზსა თუ ტრადიციებისა და თანამედროვეობის დიალოგზე შექმნილი ნამუშევრებისთვის განგვაწყობს. ამ ღონისძიებით ბაქო მოდის გლობალურ სცენაზე თავისი ანაბეჭდის დასატოვებლად ემზადება.
ჩვენები Mercedes-Benz-ის თანამედროვე სივრცეში გაიმართება, სადაც თავიანთ კოლექციებს წარადგენენ იტალიელი, ქართველი, თურქი თუ ისრაელელი დიზაინერები. მათ გვერდით კი აზერბაიჯანული მოდის ახალი თაობა გამოჩნდება. ბაქოს დიზაინერებს შანსი ექნებათ, თავიანთი ხედვა მსოფლიოს გაუზიარონ.
Mercedes-Benz Fashion Week Azerbaijan აქცენტს აკეთებს ინოვაციაზე: ღონისძიებაზე დაგხვდებათ ხელოვნური ინტელექტით, ვირტუალური და Augmented Reality-თ გაფორმებული ჩვენებები. კვირეულის თიზერიც კი, სრულად ხელოვნური ინტელექტის გამოყენებითაა შექმნილი.
ღონისძიების რიტმულ პულსზე კი, DJ AKG (ქამრან გარალოვი) იზრუნებს და მისი ელექტრონული მუსიკა კვირეულის განუყოფელი ნაწილი გახდება.
უკვე ოფიციალური პროგრამაც ცნობილია - პოდიუმზე ვიხილავთ დიზაინერებს, როგორებიც არიან Vague, Emilio Bonadio, ქართული მოდის სახლები INDIVIDI და BLIKVANGER, ასევე დაგხვდებათ ზია კოჯათურქის ექსპერიმენტული პროექტი Flying Textile, რომელიც შემოქმედებითი გამბედაობის სიმბოლოა.
მოგეხსენებათ, რომ Mercedes-Benz Fashion Week მსოფლიოს ერთ-ერთი ყველაზე ცნობილი კვირეულია. მისი ფესვები ნიუ-იორკიდან ბერლინამდე თუ მეხიკოდან თბილისამდეა გადაჭიმული. მაისში კი, 3 დღით ბაქო იქნება მოდის კულტურული ცენტრი და ვიხილავთ აზერბაიჯანის განაცხადს, რომ ის მზად არის იყოს მომავლის მოდის განუყოფელი ნაწილი იყოს.
ქართული სამკაულების ბრენდი აზერბაიჯანის მერსედეს-ბენც მოდის კვირეულზე იქნება წარმოდგენილი. ბრენდის დამფუძნებელი და დიზაინერი, ნინო სეფიაშვილი, ჩვენთან ინტერვიუში ბაქოს მოდის კვირეულზე, ახალ კოლექციასა და შემოქმედებით გეგმებზე საუბრობს.
10 მაისს, ნიუ-იორკის მეტროპოლიტენის ხელოვნების მუზეუმში კოსტიუმების ინსტიტუტის ახალი გამოფენა გაიხსნება. ექსპოზიცია სახელად Superfine: Tailoring Black Style შავკანიანი მამაკაცების სტილის ისტორიას - განსაკუთრებით დენდის კულტურას - მიეძღვნა.
შავკანიანთა დენდიზმი წლევანდელი მეთ გალას ცენტრალური თემა იყო. Balck Dandy კი წარმოუდგენელია ისეთი აქსესუარების გარეშე, როგორიცაა ქუდი, საათი, სიგარა, ბეჭედი თუ ხელჯოხი. ამ აქსესუარების მრავალი ვარიაცია ვიხილეთ მეთ გალას ხალიჩაზე. მოდით, თვალი გადავავლოთ, გამორჩეულ დეტალებს წლევანდელი Met Gala-ს ლუქებიდან.
