Kiko Milano აძლიერებს კავშირს მაღალ მოდასთან, რისი დასტურიც Mercedes-Benz Fashion Week Tbilisi-თან თანამშრომლობაა. ამ პარტნიორობის ფარგლებში ბრენდმა კოლექციის ძირითადი ხაზიდან აუცილებელი პროდუქტები წარმოადგინა. პროდუქციის მაღალი ხარისხის წყალობით, შეიქმნა განსაკუთრებული მაკიაჟი გიორგი ქებურიას, თაკო მექვაბიძის და ირმა დე ფლორის შემოდგომა-ზამთრის 2023/24 წლის კოლექციისთვის.
N1 მაკიაჟის ბრენდი იტალიაში, გაერთიანდა Makeup Institute Georgia-სთან, კრისტინა რეჯინის ხელმძღვანელობით. ამ კოლაბორაციის წყალობით შეიქმნა ექსკლუზიური მაკიაჟის ლუქები, სრულად Kiko Milano-ს კოლექციის ძირითადი პროდუქტებით.
GEORGE KEBURIA
Mercedes-Benz Fashion Week Tbilisi-ს 2023/24 წლების შემოდგომა/ზამთრის კოლექციის ჩვენებების განრიგში ადგილს Keburia-ც იკავებდა. გიორგი ქებურიამ ახალი კოლექცია PULLMAN TBILISI AXIS TOWER-ში 7 მაისს წარადგინა. დიზაინერის სილუეტებში ამჯერადაც ცხადად გამოიკვეთა მამაკაცური ელემენტებისა და ქალური კლასიკის შერწყმა. გიორგი ქებურიამ ახალ კოლექციაში სტრუქტურირებული სილუეტები, ბრენდის ხელწერისთვის დამახასიათებელი ფორმები და ფერები წარადგინა. Keburia-ს ჩვენებაში განსაკუთრებული ყურადღება დაეთმო მოდელების მაკიაჟს, რაც დიზაინერისთვის გამოხატვის შესანიშნავ საშუალებად იქცა. გიორგი ქებურიას ჩვენებისბიუთი ლუქებზე MAKE UP INSTITUTE-მა იზრუნა.
ბიუთი ლუქების შესაქმნელად გამოყენებული პროდუქტები:
PRIME & FIX REFRESHING MIST
FULL COVERAGE DARK CIRCLE CONCEALER
HYDRA PRO GLOW
HIGH PIGMENT EYESHADOW 54
COLOUR KAJAL 01
MAXI MOD VOLUME & DEFINITION MASCARA
3D HYDRA LIPGLOSS 01
TAKO MEKVABIDZE
„იცხოვრე შენი ცხოვრებით“ სწორედ ეს დევიზი იქცა თაკო მექვაბიძისთვის 2023 წლის შემოდგომა/ზამთრის კოლექციის შექმნის შთაგონებად. მამაკაცის თარგზე აწყობილი მკაცრი და ფერადი სილუეტები კი დიზაინერმა სხვადასხვა პროფესიაში მომუშავე ქალებს მიუძღვნა, რომლებიც თავიანთი სიმტკიცით, შრომისმოყვარეობითა და მრავალფეროვნებით, ყოველთვის ახერხებენ სხვათა შთაგონებას.
ბიუთი ლუქების შესაქმნელად გამოყენებული პროდუქტები:
SMART HYDRASHOT CREAM
SMART HYDRATING FOUNDATION
SKIN TONE CONCEALER
RADIANT FUSION BAKED POWDER
LIP VOLUME 01
IRMA DE FLORE
Mercedes-Benz Fashion Week Tbilisi-ს მე-15 სეზონზე, საკუთარი ჰაეროვანი და მუდამ ესთეტიკური კოლექციით წარდგა Irma de Flore-იც, რომელმაც ამჯერადაც უარი თქვა ტრადიციულ პოდიუმზე და კოლექცია პერფორმანსის სახით წარმოგვიდგინა. ფემინურობა და ფერებისა და ფორმების მრავალფეროვნება, დიზაინერმა, ამჯერადაც ცეკვის ელემენტებით და ინსტალაციებით გაგვიზიარა, რაღა თქმა უნდა, ირმა თავადაც იყო პერფომანსის უშუალო მონაწილე.
ბიუთი ლუქების შესაქმნელად გამოყენებული პროდუქტები:
MAKE UP FIXER
SKIN TONE CONCEALER
HYDRATING & PERFECTING FACE BASE
MULTI FINISH TRIO BLUSH & BRONZER PALETTE
EYEBROW DESIGNER GEL MASCARA
NEW LUXURIOUS LASHES EXTRA VOLUME BRUSH MASCARA
JELLY STYLO 501
SMART FUSION MATTE LIP CRAYON 01, 02, 04
KIKO MILANO დაარსდა 1997 წელს მილანში და მას შემდეგ რევოლუცია მოახდინა მსოფლიო კოსმეტიკის სფეროში. KIKO ასახავს გლობალურ სილამაზის ტრენდებს და ხდის მათ ყველასთვის ხელმისაწვდომს. ხარისხის და კრეატიულობის იდეალური გაერთიანება იტალიური ფესვებიდან იღებს სათავეს, KIKO-მ დაიპყრო ყველაზე მომთხოვნი და განსხვავებული სილამაზის მიმდევრები, მისი უსასრულო ფერთა გამის მქონე ჩრდილებით, ტონებით და ტექსტურით, რომლებიც აკმაყოფილებს როგორც ყველა პროფესიონალ, ასევე ნებისმიერი მოყვარულ მეიქ-აფ არტისტს.
ბრენდს აქვს 1000-ზე მეტი მაღაზია და ხელმისაწვდომია 30-ზე მეტ ბაზარზე.
ლენი კრავიცის პარიზული რეზიდენცია Hotel de Roxy ფრანგული არქიტექტურის, პირადი ისტორიებისა და მუსიკალური მემკვიდრეობის ერთგვარი სინთეზია. 1920-იან წლებში აგებული ვილა დღეს უკვე ლენის ხელწერით გაფორმებული სივრცეა, სადაც იხილავთ ხელოვნების ნიმუშებს, ოჯახურ რელიქვიებსა და მუსიკოსის გრემის ჯილდოებს. სახლი, რომელიც ლენიმ დედამისს მიუძღვნა, სიმბოლურად როქსის ოცნების ასრულებად იქცა.
როცა დღეები ღამეზე გრძელია და ქალაქის პარკები მზის მოყვარულებით ივსება, ჰარი სტაილზიც „გამოიზაფხულებს“ ხოლმე, ივიწყებს მსოფლიო პოპ ვარსკვლავის სტატუსს და ქუჩებში ისე გადაადგილდება, თითქოს ჩვეულებრივი ლონდონელი იყოს.
ენტონი ვაკარელო Saint Laurent-ის მემკვიდრეობას აგრძელებს, თუმცა თანამედროვე შტრიხებით. მატილდა გვარლიანი კამპანიის მთავარი გმირია – ბუნებრივად ირგებს ამ თავშეკავებულ ამბოხს.
