დიდხანს მოარული ჭორები დადასტურდა, 26 წლის კაილი ჯენერი და 27 წლის ტიმოთი შალამე ერთმანეთს ხვდებიან. წყვილი საჯაროდ, ბიონსეს დაბადების დღეს, Renaissance World Tour-ის ლოს-ანჯელესის კონცერტზე გამოჩნდა.
სოციალურ ქსელში გავრცელებულ ვიდეოებში ჩანს, როგორც საუბრობენ ტიმოთი და კაილი პირისპირ, კიდევ რამდენიმე ფოტოსურათი კი იმის დასტურად არსებობს, რომ ისინი კოცნას და ჩახუტებასაც უზიარებდნენ ერთმანეთს, ბიონსეს კონცერტის ფონზე.
კაილი ჯენერისა და ტიმოთი შალამეს სასიყვარულო ურთიერთობის შესახებ პირველი ცნობები წლის დასაწყისში, აპრილის თვეში გავრცელდა. ბიზნესვუმენისა და მსახიობის გზები, ევროპაში, უფრო ზუსტად კი პარიზის მოდის კვირეულზე გადაიყარა. მაშინ, Jean Paul Gaultier-ის ჩვენებიდან გავრცელდა კადრები, რომელშიც კაილი და ტიმოთი საუბრობდნენ, თუმცა სულ ეს იყო. ამის შემდეგ, პაპარაცებმა ჯენერი კიდევ რამდენჯერმე დააფიქსირეს შალამეს სიახლოვეს, თუმცა მათი რომანის დამადასტურებელი ფოტოები ამ დრომდე არ არსებობდა. ბუნებრივია, მანამ სანამ ეს კაილიმ და ტიმოთიმ თავად არ მოინდომეს.
ბიონსეს კონცერტს ასევე ესწრებოდნენ კაილის დედა და დები, კრის ჯენერი, კიმ კარდაშიანი და ქლოი კარდაშიანი შვილებთან ერთად. პაპარაცებმა აგრეთვე შენიშნეს ჰეილი და ჯასტინ ბიბერებიც, თუმცა ისინი წყვილისგან მოშორებით იმყოფებოდნენ, რამაც ახალ ჰეილი vs სელენა დაუსრულებელ დრამას დაუდო სათავე.
ჯენერი ადრე ურთიერთობაში იყო რეპერ ტრევის სკოტთან. წყვილს ორი საერთო შვილი 5 წლის სტორმი და 19 თვის აირე ჰყავს. 2017 წელს დაწყებული სასიყვარულო ურთიერთობა რთულ ცხოვრებისეულ ატრაქციონს დაემსგავსა წყვილისთვის, ისინი ბევრჯერ დაშორდნენ და შერიგდნენ, თუმცა როგორც ჩანს იანვარში მათი დაშორება საბოლოო აღმოჩნდა, კაილისთვის მაინც.
თანამედროვე ფეხბურთელები სტილის ახალ არქეტიპებს ქმნიან: დევიდ ბექჰემი, ექტორ ბელერინი, კრიშტიანუ რონალდუ, პოლ პოგბა და სხვა სპორტსმენები style icon-ებად იქცნენ. ზოგიერთი მათგანი კი — როგორც ხვიჩა კვარაცხელია — საკუთარ პლატფორმას იყენებს იმისთვის, რომ ქუჩაში ან სოციალურ მედიაში ისევე შთამბეჭდავად გამოიყურებოდეს, როგორც მოედანზე.
Weekend Max Mara-ს საზაფხულო კოლექცია, სახელწოდებით A Weekend with Ashley Park, ჰაეროვან, კომფორტულ და ელეგანტურ სამოსს გთავაზობთ, რომელიც იდეალურია როგორც ქალაქის ცხელ ქუჩებში, ისე ზღვის ლაჟვარდოვან სანაპიროზე სასეირნოდ.
აბაზანის დიზაინი მნიშვნელოვანია არა მხოლოდ ესთეტიკის, არამედ კომფორტისა და ფუნქციურობის თვალსაზრისითაც. ამ სტატიაში წარმოგიდგენთ აბაზანის დიზაინის საინტერესო იდეებს.
