ილია თოფურია VS ჯასტინ გეიჯი: ისტორიული ბრძოლა თეთრ სახლში
ილია თოფურია და ჯასტინ გეიჯი UFC Freedom 250-ის მთავარ ბრძოლაში შეხვდებიან ერთმანეთს. ისტორიული ღონისძიება თეთრ სახლში გაიმართება და მსუბუქი წონის ჩემპიონის ვინაობას გაარკვევს.
მე-17 საუკუნის სასახლის მარმარილოს კიბეებზე სიმონ პორტ ჟაკმუსმა 2026 წლის კოლექცია Le Palmier წარადგინა. ფრანგი დიზაინერის ჩვენება პარიზის მამაკაცის მოდის კვირეულის იდეალურ ფინალად იქცა. კოლექცია ერთგვარი დიალოგი გახლდათ მკაცრ არქიტექტურულ სილუეტებსა და აბსოლუტურ თავისუფლებას შორის, სადაც დიზაინერის პირადი განცდები და შემოქმედებითი ხედვა გაერთიანდა.
ამასთანავე, Le Palmier ნოსტალგიური გადაძახილი იყო 2017 წლის ლეგენდარულ კოლექციასთან La Bomba, რომელიც ჟაკმუსმა ასევე პიკასოს მუზეუმში წარადგინა. სწორედ მაშინ აფეთქდა ბრენდი მოდის სამყაროში, რისი მთავარი მიზეზიც ჟაკმუსის საკულტო მინიატიურული ჩანთა Le Chiquito გახდა. 2026 წლის კოლექციაში კი დიზაინერმა ახალი ფავორიტის, Le Valerie-ს რამდენიმე ინტერპრეტაცია წარადგინა.
La Bomba-ს კოლექციის რეინტერპრეტაციას წარმოადგენდა ასევე უზარმაზარი ქუდები და გიგანტური შავი კოპლებიც. კოლექციას მთლიანობაში გასდევდა შემოქმედებითი თავისუფლება – პოდიუმზე ვიხილეთ ფერადი კოპლები, ფუმფულა აქსესუარები, პასტელური ფერები და ქუდები, რომლებიც დაბადების დღის აქსესუარებს მოგაგონებდათ. შოუზე გამოჩნდნენ მამაკაცები კოპლებიან შორტებში, პიჯაკსა და ბაფთაში გამოწყობილნი.
 |
 |
Le Palmier-ს მთავარი ინსპირაცია კი ჟაკმუსის ქალიშვილის ბავშვური, თუმცა ექსტრავაგანტური ვარცხნილობა გახდა. სტუმრებმა მოსაწვევთან ერთად სიმბოლურად ბრენდირებული სავარცხელი და ამ ვარცხნილობის გაკეთების ინსტრუქციაც კი მიიღეს.
 |
 |
აღსანიშნავია, რომ ჟაკმუსმა ამ სეზონზე მოქანდაკე ალექსანდრე კოლდერის შემოქმედებაც გააცოცხლა. პოდიუმზე ვიხილეთ კაბები, ჩანთები და ქუდები, რომლებიც პატარა, ფერადი კოპლებით იყო დაფარული. ზოგიერთ დიზაინზე კოპლები დრეკადი, მოძრავი ძაფებით იყო დამაგრებული, რაც ილუზიას ქმნიდა, თითქოს სამოსი მოდელის ნაბიჯებთან ერთად ცეკვავდა. ეს დინამიკა კოლდერის ცნობილი „მოძრავი ქანდაკებებით“ იყო შთაგონებული.
 |
 |
შოუზე ვიხილეთ მატილდა გვარლიანიც, რომელმაც ცხენოსნობის ესთეტიკით ინსპირირებულ, დახვეწილ შავ ლუქში წარსდგა. ჩვენების ბოლო ლუქით კი ჰელმუტ ნიუტონის 1973 წლის ცნობილი ფოტო გაცოცხლდა, რომელზეც პალომა პიკასოა აღბეჭდილი.
ეს ჩვენება სიმონისთვის კარიერული ტრიუმფის სიმბოლური ხაზგასმა იყო. 2017 წელს ის პირველი დიზაინერი გახდა, რომელმაც კოლექცია პიკასოს მუზეუმში წარადგინა – მაშინ მას, როგორც პერსპექტიულ დიზაინერს, მსოფლიო მოდის სამყაროში ჯერ კიდევ აკვირდებოდნენ. რვა წლის შემდეგ ჟაკმუსი იმავე სივრცეში უკვე გლობალური, დამოუკიდებელი იმპერიის სტატუსით დაბრუნდა.
 |
 |
ბრენდი, რომლის შოურუმები დღეს ნიუ-იორკსა და ლონდონშია წარმოდგენილი, კვლავ გვახსენებს მთავარ ჭეშმარიტებას: მოდა შეიძლება იყოს მაღალი დონის, სერიოზული და ამავდროულად საოცრად ადამიანური, მარტივი და გენიალური.
 |
 |
Photos: Courtesy of Jacquemus
არ გამოგრჩეთ
შეი მიტჩელიდან ჯესიკა სიმპსონამდე: ქართული ბრენდი BIZU ჰოლივუდის ვარსკვლავების ყურადღების ცენტრში
ქართული სამკაულების ბრენდი BIZU უკვე ამერიკულ ბაზარზეა წარმოდგენილი და ჰოლივუდის ვარსკვლავების ყურადღებაც მიიპყრო. შეი მიტჩელი, ჯესიკა სიმპსონი და ჰეილი კიოკო იმ ცნობილ ადამიანებს შორის არიან, რომლებმაც ბრენდის გამორჩეული სამკაულები მოირგეს.
FORMULA 1-ის ახალი WAG: კიმ კარდაშიანი
რეალითი შოუს ვარსკვლავი და ბიზნესმენი კიმ კარდაშიანი მონაკოს გრან-პრიზე გამოჩნდა, სადაც Ferrari-ის პილოტსა და მის ახალ შეყვარებულს, ლუის ჰემილტონს გულშემატკივრობდა.