1970-იანი წლების დასაწყისში 20 წლის გოგონა, რომელიც მუსიკით იყო გატაცებული, დაუფიქრებლად ტოვებს პარიზს და ლონდონში ახალი გამოწვევებისთვის მიემგზავრება. სწორედ აქ იწყებს ახალი თავგადასავლების ძიებას. ბედი მას საკულტო ფოტოგრაფთან, დევიდ ბეილისთან შეხვედრას უმზადებდა. ბეილიმ მალევე შენიშნა ანიკის განუმეორებელი სილამაზე და ძალიან მალე ანიკის სახე Harper’s Bazaar-ის გარეკანზე გამოჩნდა. ასე დაიწყო მისი სამოდელო კარიერა, რომელიც ელვის სისწრაფით განვითარდა. როდესაც გახდა მოდელი, ანიკმა გადაწყვიტა ეცხოვრა საკუთარი ალტერ ეგოს ფსევდონიმით-Géraldine.
ახალგაზრდა ქალი სამოდელო კარიერაზე არ შეჩერდა და ის პარფიუმერიის სამყაროს ერთ-ერთ პიონერად იქცა. კაცებით დომინირებულ სფეროში ანიკმა თავისი ადგილი დაიმკვიდრა და მალევე შექმნა პარფიუმერიის სახლი „Annick Goutal“. ანიკმა პარფიუმერიის ტრადიციული ჩარჩოები დაარღვია და ახალ, უნიკალურ არომატებს ჩაუყარა საფუძველი.
Goutal-ის თითოეული სურნელი ემოციებისა და გრძნობების გამოხატულებაა. ბრენდი დაარსების დღიდან ცდილობს შექმნას სურნელოვანი მოგონებები, ემოციები, ოცნებები და ყველაფერი ეს წარმოაჩინოს განსაკუთრებული არომატის სახით.
Goutal-ის ახალი კოლექციის შთაგონებად თავად ანიკი იქცა, რომელიც მის გამბედაობასა და ცხოვრების სტილს ასახავს. სწორედ, 1970-იან წლების პერიოდმა შთააგონა Les Parfums de Géraldine კოლექციაში 4 საკულტო არომატი შეექმნა.
FOLIE D’UN SOIR
ყველაფერი იწყება ანიკის სპონტანური გადაწყვეტილებიდან, გაემგზავროს ლონდონში. სურნელი იმ გადამწყვეტ მომენტს აღბეჭდავს, როდესაც იგი საკუთარი მისწრაფებისათვის ტოვებს ყველაფერს და იწყებს ახალ ცხოვრებას.
TENUE DE SOIRÉE
Tenue de Soirée განასახიერებს Géraldine-ის ახალ, დახვეწილ და მომხიბვლელ გარდერობს, რომელიც ეწინააღმდეგება ანიკის მარადიულ ვერსიას.
NUIT ET CONFIDENCES
ანიკი ინტერპრეტაციების ნამდვილი ქალღმერთი გახლდათ. Nuit et Confidences მთელი თავისი არსით აღბეჭდავს მის მაგიურ აურას.
ÉTOILE D’UNE NUIT
Étoile d'une Nuit - სუნამო, რომლის სახელიც ფრანგულიდან ითარგმნება როგორც «ღამის ვარსკვლავი». მოგვაგონებს ფრაგმენტს ანიკ გუტალის, იგივე Géraldine-ს ცხოვრებიდან, სადაც თავისი დახვეწილობით ჩვეულებრივ მომენტსაც ხიბლს მატებდა.
Goutal-ის ისტორიით შთაგონებული Les Parfums de Géraldine-ის კოლექციას კი "ლუტეციას" პარფიუმერულ მაღაზიათა ქსელში აღმოაჩენთ.
თანამედროვე ფეხბურთელები სტილის ახალ არქეტიპებს ქმნიან: დევიდ ბექჰემი, ექტორ ბელერინი, კრიშტიანუ რონალდუ, პოლ პოგბა და სხვა სპორტსმენები style icon-ებად იქცნენ. ზოგიერთი მათგანი კი — როგორც ხვიჩა კვარაცხელია — საკუთარ პლატფორმას იყენებს იმისთვის, რომ ქუჩაში ან სოციალურ მედიაში ისევე შთამბეჭდავად გამოიყურებოდეს, როგორც მოედანზე.
Weekend Max Mara-ს საზაფხულო კოლექცია, სახელწოდებით A Weekend with Ashley Park, ჰაეროვან, კომფორტულ და ელეგანტურ სამოსს გთავაზობთ, რომელიც იდეალურია როგორც ქალაქის ცხელ ქუჩებში, ისე ზღვის ლაჟვარდოვან სანაპიროზე სასეირნოდ.
აბაზანის დიზაინი მნიშვნელოვანია არა მხოლოდ ესთეტიკის, არამედ კომფორტისა და ფუნქციურობის თვალსაზრისითაც. ამ სტატიაში წარმოგიდგენთ აბაზანის დიზაინის საინტერესო იდეებს.
