Curated by TheDiary Concept House
ვალენტინობის დღეს, როცა ასე ძალიან გვინდა, რომ განსაკუთრებულები ვიყოთ, იდეალური საჩუქრის პოვნა უფრო რთული ხდება. ძებნის პროცესის გასამარტივებლად, ქართველი დიზაინერების კოლექციებიდან საუკეთესო ნივთები შევარჩიეთ, რომელთა აღმოჩენაც TheDiary Concept House-ში შეგიძლიათ.
Vinstyle-ის ბრენდში ზუსტად იციან, რა უყვართ, რას ეძებენ და რას იცვამენ თბილისის მოდის მოყვარულები. მათი კოლექციის ერთ-ერთი გამორჩეული ლუქი წითელი ვინტაჟური პიჯაკია, რომელიც ვალენტინობისთვის საუკეთესო არჩევანია. კლასიკური წითელი კი დიდი ხანია სიყვარულის ფერად ითვლება.
 |
|
თუ თქვენს პარტნიორს უფრო არტისტული და თამამი სტილი მოსწონს, Smak-ის მაისურებს გადაავლეთ თვალი. დიზაინერის მიერ შექმნილი ცეცხლისა და სიყვარულის სიმბოლოების კომბინაცია ამ სამოსს უნიკალურ ხასიათს ანიჭებს.
 |
|
მათთვის, ვისაც მინიმალისტური ესთეტიკა ხიბლავს, საუკეთესო არჩევანია ლუკა მიქაძის შემოქმედება. ყოფილი ფეხბურთელისა და მწვრთნელის მიერ შექმნილი მაისური წარწერით „I Love Bad Boys“ დასამახსოვრებელი საჩუქარია, რომელიც ნებისმიერ ლუქს განსაკუთრებულ ხასიათს შესძენს. ასეთი მაისურები, რომლებიც ყურადღებას იპყრობს და წაკითხვისთანავე ღიმილს იწვევს, ვალენტინობისთვის განსაკუთრებით კარგი არჩევანია.
 |
|
სამკაულების მოყვარულებისთვისაც შევარჩიეთ რამდენიმე ბრენდი, რომელიც სხვადასხვა ესთეტიკის გოგოს მოეწონება. Filigrann-ის დახვეწილი კოლექციიდან განსაკუთრებით გამოირჩევა გვირილის ფორმის ბეჭედი ვარდისფერი კვარცით და მფარველი ანგელოზის ყელსაბამი ბრილიანტებით. ეს სწორედ ის ნივთებია, რომლებიც ყოველდღიურ ლუქებს განსაკუთრებულ ელფერს სძენს.
 |
|
 |
|
განსაკუთრებული ისტორიის მქონე საჩუქრის შესარჩევად Chronos იდეალური არჩევანია. ბრენდი საქართველოში აღმოჩენილ არქეოლოგიურ მასალებს თანამედროვე სამკაულებად გარდაქმნის, რაც თითოეულ ნივთს სიმბოლურ და კულტურულ მნიშვნელობას ანიჭებს.
 |
|
ხოლო მათთვის, ვინც ინდივიდუალიზმს ყველაფერზე მაღლა აყენებს, Nino Sepo-ს სკულპტურული ნაკეთობები შეუცვლელი არჩევანია. ნინო სეფიაშვილის დიზაინი, რომელიც არაერთხელ იყო პარიზისა და სხვა ქალაქების მოდის კვირეულებზე წარმოდგენილი, სწორედ მათთვისაა, ვისაც გამორჩეული და განუმეორებელი აქსესუარები იზიდავს.
 |
|
საბოლოოდ, მნიშვნელობა არ აქვს, თქვენი ურთიერთობა ახალია თუ უკვე წლებს ითვლის, ქართული ბრენდების შერჩევით საჩუქარს დამატებით ხასიათს შესძენთ. ყველა დიზაინერის კოლექციის ნახვა შეგიძლიათ TheDiary-ს კონცეპტუალურ სახლში, მიზეილ ზანდუკელის 15 ნომერში, ვერაზე.
Lisi Wonderland-ის თავდაგასავალს ლეგენდარული ფრანგული კონიაკის სახლი - Hennessy წელს პირველად შეუერთდა. ფესტივალი დიდი ხანია გასცდა მხოლოდ მუსიკალური ღონისძიების ჩარჩოებს - ის თავისუფლების, კრეატიულობისა და თანამედროვე ურბანული კულტურის მთავარ სიმბოლოდ იქცა. სწორედ ამიტომ, Hennessy-ის ფესტივალზე გამოჩენა აბსოლუტურად ბუნებრივი და ორგანული ნაბიჯი იყო.
Balenciaga-ს მაღალი მოდის კოლექციის ჩვენება პარიზში, Cité internationale universitaire-ის ბაღებში გაიმართა და თითქოს პასუხია კითხვაზე, როგორი შეიძლება იყოს Balenciaga დემნას შემდეგ. პიჩოლის პასუხი რომანტიკულია, მაგრამ არა სენტიმენტალური.
ზენდაია „ოდისეას“ პარიზის პრემიერაზე Givenchy Haute Couture-ის 1997 წლის ლუქით გამოჩნდა, რომელიც Alexander McQueen-ის პირველი კოლექციიდანაა Givenchy-ისთვის.
