DIALECTIQA – თანამედროვე ქალისთვის შექმნილი მინიმალიზმი

Dialectiqa-ს კონცეფცია ეფუძნება თანამედროვე ქალის მრავალფეროვან და მუდმივად მოძრაობაში მყოფ ბუნებას. ბრენდი მინიმალიზმს სთავაზობს როგორც საწყისს არა იმისთვის, რომ ქალი შეზღუდოს, არამედ რომ მის ცხოვრებაში ცვლილების სივრცე შექმნას. აქ მინიმალიზმი თავისუფლების ისეთი ფორმაა, სადაც თითოეული ქალი თავად განსაზღვრავს, ამ კონკრეტულ მომენტში რა არის მისთვის მნიშვნელოვანი.

Dialectiqa შთაგონებას არქიტექტურული ფორმებიდან და ფილოსოფიური კონცეფციებიდან იღებს. ბრენდს სურს სილამაზის აღქმა შეცვალოს და გვაჩვენოს, რომ ელეგანტურობა იკვეთება ზედმეტი დეტალების გარეშე, სადაც ხაზები, ტექსტურები და სილუეტი ჰარმონიაშია მოძრაობასთან.

ქალს, რომელიც Dialectiqa-ს ატარებს, არ ეშინია ცვლილებების. ის მრავალ როლს ირგებს და მრავალფეროვანი, ჰარმონიული ცხოვრებისკენ ისწრაფვის.

Dialectiqa-ს ფილოსოფიის გულში დგას „Both-and“ პრინციპი, სადაც სიმარტივე თანაარსებობს ექსპრესიულობასთან; სტაბილურობა - ცვლილებასთან.

Dialectiqa-ს საბაზისო სამოსი ფუნქციონირებს როგორც საყრდენი წერტილი, რომელიც ლუქს საწყისს უქმნის და სივრცეს ტოვებს ცვლილებებისთვის, აქცენტებისა და ექსპერიმენტებისთვის.

ამ ხედვას საუკეთესოდ გადმოსცემს უახლესი კოლექცია FALL INTO, რომელიც შექმნილია სკულპტურული სილუეტებით, ასიმეტრიითა და ტექსტურებით.

კოლექციის ერთ-ერთი გამორჩეული ლუქი კი არის Trench-Transformer. ეს არის კლასიკური ტრენჩისა და ქურთუკის ჰიბრიდი. გრძელი ტრენჩი მარტივად გარდაიქმნება ჟილეტად ან თანამედროვე ბომბერის ფორმის ქურთუკად. ამ სამმხრივ ტრანსფორმაციაში კი იბადება გარდერობის ის ნივთი, რომელიც ნებისმიერ განწყობასა თუ ცხოვრების რიტმს ერგება.

Dialectiqa-ს დახმარებით ყოველ დილით გარდერობში პატარა სამყაროს აღმოაჩენთ, რომელიც თქვენთან ერთად იცვლება და ვითარდება. სტილი ამ ბრენდისთვის არ ნიშნავს სხვისი წესებისა და ტრენდების მიყოლას, არამედ პირადი ისტორიის შექმნას, რომელიც ყოველ ნაბიჯზე ახლიდან იწერება.