ცხოვრების სწრაფი რიტმი ხშირად გვაიძულებს არჩევანი კომფორტსა და ელეგანტურობას შორის გავაკეთოთ. თუმცა ქართულ ბაზარზე გამოჩდნენ ადგილობრივი ბრენდები, რომლებიც ამ დილემას ერთი დიზაინით აგვარებენ. ერთ-ერთი მათგანია Clothesio, რომელიც დილის საქმეებისთვის, შეხვედრებისთვის და მნიშვნელოვანი საღამოებისთვის თანაბრად შესაფერის სამოსს ქმნის.
Clothesio მინიმალისტურ ესთეტიკაზეა დაფუძნებული. ნეიტრალური ფერები და კლასიკური ფორმები ბრენდის მთავარი მახასიათებლებია. პიჯაკები და შარვლები ისეა შექმნილი, რომ დღის განმავლობაში მოძრაობა მაქსიმალურად კომფორტული გახდეს, ხოლო საღამოს კაბები ერთი შეხედვით მარტივი, მაგრამ ეფექტური სილუეტებით, ბუნებრივად აქცევს ქალს ყურადღების ცენტრში.
Clothesio-ს მისიაა ისეთი ლუქის შექმნა, რომელიც თითქოს ყოველგვარი ძალისხმევის გარეშეა მიღწეული. ეს მიდგომა განსაკუთრებით იგრძნობა საღამოს კაბების ხაზში. ბრენდს სურს, ქართულ ბაზარზე ხარისხისა და თანამედროვე ხედვის ახალი ბალანსი დაამკვიდროს. ამასთან, Clothesio გეგმავს საერთაშორისო თანამშრომლობების გაღრმავებას, ციფრულ დიზაინზე დაფუძნებული კოლექციების შექმნას და ხაზის გაფართოებას. საბოლოოდ კი, სურს იქცეს სამოსის ისეთ ბრენდად, რომელსაც ქალი მხოლოდ განსაკუთრებულ დღეებში კი არა, არამედ ყოველდღიურად სიამოვნებით ატარებს.
Lisi Wonderland-ის თავდაგასავალს ლეგენდარული ფრანგული კონიაკის სახლი - Hennessy წელს პირველად შეუერთდა. ფესტივალი დიდი ხანია გასცდა მხოლოდ მუსიკალური ღონისძიების ჩარჩოებს - ის თავისუფლების, კრეატიულობისა და თანამედროვე ურბანული კულტურის მთავარ სიმბოლოდ იქცა. სწორედ ამიტომ, Hennessy-ის ფესტივალზე გამოჩენა აბსოლუტურად ბუნებრივი და ორგანული ნაბიჯი იყო.
Balenciaga-ს მაღალი მოდის კოლექციის ჩვენება პარიზში, Cité internationale universitaire-ის ბაღებში გაიმართა და თითქოს პასუხია კითხვაზე, როგორი შეიძლება იყოს Balenciaga დემნას შემდეგ. პიჩოლის პასუხი რომანტიკულია, მაგრამ არა სენტიმენტალური.
ზენდაია „ოდისეას“ პარიზის პრემიერაზე Givenchy Haute Couture-ის 1997 წლის ლუქით გამოჩნდა, რომელიც Alexander McQueen-ის პირველი კოლექციიდანაა Givenchy-ისთვის.
