მიუხედავად იმისა, რომ სკოლის ასაკის შემდეგ საზაფხულო არდადეგები 2 კვირაზე მეტი თითქმის არავის გვიგრძელდება, ცხელი სეზონის მოყვარულები დასასვენებლად მაინც დიდი ენთუზიაზმით ვემზადებით. ხშირად 2, ან 3 კვირიანი თავისუფალი პერიოდი ზღვას, მთას და ქვეყნის საზღვრებს გარეთ მოგზაურობასაც აერთიანებს, თუმცა “ხეტიალის” მოყვარულებისთვის შვებულება რაც შეიძლება მეტ საინტერესო ლოკაციასთან ასოცირდება, რომელთა დასალაშქრადაც რამდენიმე “თანამზრახველი” და აუცილებელი აღჭურვილობის მობილიზებაა საჭირო.
CampShare უკვე ხუთი წელია არსებობს. თავდაპირველად მაღაზია მთის ენთუზიასტებს სალაშქრო აღჭურვილობების (კარავი, საძილე ტომარა, ქვეშაგი,) გაქირავების სერვისს სთავაზობდა. კომპანიის პოლიტიკა ყოველთვის მარტივი გახლდათ: სალაშქროდ წასასვლელად საჭირო აღჭურვილობა (კარავი, ქვეშაგი, საძილე ტომარა, ზურგჩანთა) საკმაოდ ძვირი სიამოვნებაა.
თუ ყიდვის შემთხვევაში არჩევანს ბიუჯეტურ პროდუქციაზე ვაჩერებთ, დიდია იმის ალბათობა, რომ უხარისხო აღჭურვილობა შეგვრჩეს ხელში.
ქირაობის შემთხვევაში კი ნორმალური ხარისხის აღჭურვილობაში დღიურად 30-60 ლარამდე გადახდა გვიწევს. ამასთან, CampShare-ში ნაქირავები აღჭურვილობა ყოველთვის მოვლილი, სუფთა და ხარისხიანია, ხოლო საკუთარ აღჭურვილობას საკუთარი ძალისხმევით დასუფთავება სჭირდება.
დღეისათვის CampShare საქართველოში სალაშქრო და სამთო აღჭურვილობის ყველაზე მსხვილი გამქირავებელია. ხუთწლიანი მუშაობის შემდეგ, წელს, გაზაფხულზე CampShare-მა პირველი ფიზიკური მაღაზია გახსნა, რომელშიც მომხმარებლებს უკვე ნივთების შეძენასაც სთავაზობენ. მაღაზია თბილისში, ბუდაპეშტის #38-ში მდებარეობს.
სალაშქრო ფეხსაცმელი, სალაშქრო ტანსაცმელი, კარავი, ზურგჩანთა, სხვადასხვა ტემპერატურის საძილე ტომარა, ქვეშაგი, საპიკნიკე ჭურჭელი თუ ავეჯი - ეს არასრული ჩამონათვალია იმ ნივთებისა, რომელსაც მაღაზიაში შეხვდებით. CampShare-ის კატალოგი ისეთ ბრენდებსაც აერთიანებს, რომლებიც ბაზარზე სწორედ მათი ძალისხმევით გამოჩნდა, მაგალითად: Alps Mountaineering, Trezeta, Kayland, Tenson, Thermic, Kupilka, Weedo და სხვა. ეს იმ ბრენდების ჩამონათვალია, რომელთა ოფიციალური და ზოგიერთ შემთხვევაში, საქართველოში ექსკლუზიური შემომტანიც CampShare გახლავთ.
ფიზიკური მაღაზიის გარდა, ლაშქრობისთვის საჭირო ყველა ნივთის შეძენა CampShare-ის ვებ-გვერდზეცაა შესაძლებელი. CampShare მნიშვნელოვან სიახლეს მომხმარებელს ზამთრის სეზონზეც შესთავაზებს.
კომპანია სასრიალო კომბინეზონების, ქურთუკებისა და შარვლების, როგორც გაყიდვას, ისე გაქირავებას დაიწყებს.
CampShare 2019 წლიდან მოყოლებული ცდილობს საქართველოში ტურიზმის განვითარების ხელშეწყობას და ლაშქრობის მაღალი კულტურის დამკვიდრებას. გარდა ამისა, ბრენდის მიზანია, რომ საქართველოს ყველაზე ლამაზი ადგილები ყველასათვის „თვალმისაწვდომი” გახდეს. ამ მიზნის მისაღწევად კი უკვე ქართველ და უცხოელ მომხმარებლებს სთავაზობენ მაღალი ხარისხის სალაშქრო აღჭურვილობის გაქირავებასა და შეძენას.
და ბოლოს, 31 ივლისს CampShare-ის დაბადების დღეა. უკვე 5 წლის კომპანია დაბადების დღის აღსანიშნავად, მომხმარებელს განსაკუთრებულ აქციას სთავაზობს. 30 და 31 ივლისს, მაღაზიაში წარმოდგენილ ყველა ნივთს 31%-იანი ფასდაკლება შეეხება.
როცა დღეები ღამეზე გრძელია და ქალაქის პარკები მზის მოყვარულებით ივსება, ჰარი სტაილზიც „გამოიზაფხულებს“ ხოლმე, ივიწყებს მსოფლიო პოპ ვარსკვლავის სტატუსს და ქუჩებში ისე გადაადგილდება, თითქოს ჩვეულებრივი ლონდონელი იყოს.
ენტონი ვაკარელო Saint Laurent-ის მემკვიდრეობას აგრძელებს, თუმცა თანამედროვე შტრიხებით. მატილდა გვარლიანი კამპანიის მთავარი გმირია – ბუნებრივად ირგებს ამ თავშეკავებულ ამბოხს.
Louis Vuitton-ის 2026 წლის კრუიზ კოლექციის ჩვენება ავინიონში, პაპთა სასახლეში გაიმართა. პირველ რიგებში გამოჩნდნენ ბრიჯიტ მაკრონი, კატრინ დენევი და ქეით ბლანშეტი. ჩვენებაზე ქართველი მოდელი მატილდა გვარლიანიც ვიხილეთ.
