შავი მანიკურის COMEBACK

ბოლო რამდენიმე სეზონია მანიკიურის ტრენდებში ბაცი ფერები დომინირებს: რძისფერი, ღია ვარდისფერი და ჩალისფერი. ახალ სეზონზე კი შავი მანიკიური ბრუნდება და ის უკვე არაერთი ცნობილი ადამიანის წითელი ხალიჩის ლუქის ნაწილად ვიხილეთ.

შავი მანიკიური მოდიდან არც არასდროს გასულა, თუმცა სხვადასხვა პერიოდში ის გოთიკურ ესთეტიკასთან, გრანჟთან და 2000-იანი წლების დასაწყისის სტილთან ასოცირდებოდა.

შავი მანიკიურის ერთ-ერთი მთავარი უპირატესობა ის არის, რომ თითქმის ყველაფერს უხდება. ჯინსი, კლასიკური პიჯაკი, თეთრი პერანგი, საღამოს კაბა თუ ოქროსფერი სამკაული მასთან სრულიად ბუნებრივად გამოიყურება.

ლაქის შერჩევისას კი განსაკუთრებით მნიშვნელოვანია მისი ხარისხი და ფორმულა, რადგან შავი ფერი არათანაბარ დაფარვასა და მცირე ხარვეზებსაც კი მარტივად აჩენს.

რედაქტორის არჩევანი:

ტოპ არჩევანი Chanel-ის შავი ლაქია.

Chanel

„ოქროს გლობუსის“ 84-ე დაჯილდოებაზე სელენა გომესმაც არჩევანი CHANEL-ის ამ შავ ლაქზე გააკეთა.

რედაქტორის არჩევანია YSL-ის შავი ლაქიც, რომელსაც კარგი ფორმულა და დაფარვა აქვს და რაც მთავარია, რამდენიმე გამოყენების შემდეგაც სტრუქტურას არ იცვლის.

YSL

დუა ლიპა შავ მანიკიურს ხშირად ირჩევს როგორც წითელ ხალიჩაზე, ისე სცენაზე.

ადგილობრივ ბაზარზე შავი ლაქის დიდი არჩევანი არ გვაქვს, თუმცა არსებულებიდან რედაქტორის ფავორიტი OPI-ია. მისი შეძენა როგორც „ქალთა ბედნიერებაში“, ისე ონლაინ მაღაზიებშიც შეგიძლიათ.

Opi