დემნა გვასალიამ მომდევნო სიურეალისტური ჩვენება შემოგვთავაზა, Balenciaga-ს კრეატიულმა დირექტორმა 2022 წლის გაზაფხულის ვირტუალური ჩვენება წარმოგვიდგინა, რომელიც წარმოსახვისა და რეალობის გზაგასაყარზე იმყოფება.
ეს გაყალბებული მოდის ჩვენებაა, რასაც ონლაინ ვხედავთ სიმართლეს არასდროს შეესაბამება, მაშინ რა არის ნამდვილი და რა ყალბი? - დემნა გვასალია
Balenciaga Clones ამ სახელწოდებით ჩვენება ელიზა დუგლასმა გახსნა, ხელოვანმა, რომელიც 2016 წლიდან მოყოლებული მოდის სახლის ყოველი ჩვენების გახსნისა და დახურვის პატივს ირგებს. ელიზამ როგორც ქალის ასევე მამაკაცის 44 ჩაცმულობა წარადგინა და მთელი შოუს ერთადერთ ვარსკვლავად მოგვევლინა. დუგლასმა ლუქები თეთრ პოდიუმზე, შავებში ჩაცმული აუდიტორიის წინაშე წარმოადგინა, თუმცა იქ რეალურად არავინ იმყოფებოდა, "ეს არის შოუ, რომელიც არასდროს გამართულა" - აცხადებს დემნა გვასალია, თუმცა სამოსის რეალურობაში გვარწმუნებს და ამბობს, რომ ისინი კოლექციისთვის ნამდვილად შეიქმნა.
Balenciaga Clones ჩვენება, ერთ-ერთ იმ შთამბეჭდავ ციფრულ ჩვენებებს შორისაა, რომლისთვისაც ციფრული ფორმატის მადლიერნი ვართ, ის თანამედროვე ტექნოლოგიური მიღწევებისა და ვიზუალური ილუზიის საუკეთესო წარმომადგენელია, რომელიც გაურკვევლობის, აღფრთოვანებისა და კმაყოფილების შეგრძნებას ერთდროულად გვიჩენს.
ზაფხული ახლოვდება და ყველა იმაზე ვფიქრობთ, სად გავექცეთ ქალაქის სიცხეს და სწრაფ რიტმს. The Diary–ს Cover Story–ში სწორედ ასეთ განტვირთვაზე, ქალაქგარეთ გასვლასა და დასვენებაზე ვსაუბრობთ. ჩვენი მთავარი გმირები კი მოდელი ანნა შელია და ყოფილი მორაგბე ლაშა ლომიძე არიან.
ლენი კრავიცის პარიზული რეზიდენცია Hotel de Roxy ფრანგული არქიტექტურის, პირადი ისტორიებისა და მუსიკალური მემკვიდრეობის ერთგვარი სინთეზია. 1920-იან წლებში აგებული ვილა დღეს უკვე ლენის ხელწერით გაფორმებული სივრცეა, სადაც იხილავთ ხელოვნების ნიმუშებს, ოჯახურ რელიქვიებსა და მუსიკოსის გრემის ჯილდოებს. სახლი, რომელიც ლენიმ დედამისს მიუძღვნა, სიმბოლურად როქსის ოცნების ასრულებად იქცა.
როცა დღეები ღამეზე გრძელია და ქალაქის პარკები მზის მოყვარულებით ივსება, ჰარი სტაილზიც „გამოიზაფხულებს“ ხოლმე, ივიწყებს მსოფლიო პოპ ვარსკვლავის სტატუსს და ქუჩებში ისე გადაადგილდება, თითქოს ჩვეულებრივი ლონდონელი იყოს.
