ვოლოდიმირ ზელენსკი და მასთან ერთად მთელი უკრაინელი ერი, დღეს, მთელი მსოფლიოსთვის, თავისუფლებისთვის ბრძოლის სიმბოლოა. ევროპის ყველაზე დიდი ქვეყნის პრეზიდენტის შეუპოვრობამ და ბრძოლისუნარიანობამ ბოლო 23 დღის განმავლობაში ყველა ერთიანად აღგვაფრთოვანა. სწორედ ამიტომ ალბათ არავის გაჰკვირვებია ის ფაქტი, რომ ევროპელი პოლიტიკოსების ჯგუფმა ნობელის კომიტეტს ღია წერილით მიმართა და ნობელის პრემიის ნომინაციის პროცედურის 2022 წლის 31 მარტამდე გაგრძელება ზელესნკისთვის სთხოვა.
ევროპარლამენტის წევრებმა ვოლოდიმირ ზელენსკი და უკრაინელი ერი მშვიდობის დარგში ნობელის პრემიაზე წარადგინეს, ნობელის კომიტეტისთვის გაგზავნილ წერილს ხელს 36 ევროპელი პოლიტიკოსი აწერს, თუმცა შესაძლოა ეს რიცხვი 30 მარტამდე საგრძნობლად გაიზარდოს.
„მამაცი უკრაინელი კაცები და ქალები დემოკრატიისა და სუვერენიტეტის შესანარჩუნებლად იბრძვიან. ბრძოლაში ჩართულია ყველა, დემოკრატიული არჩევნების გზით არშეული პრეზიდენტით - ვოლოდიმირ ზელენსკით დაწყებული, ქვეყნისთვის ოჯახს დაშორებული და საბრძოლველად წასული აცრემლებული მამაკაცით დამთავრებული - უკრაინელები დღეს, ავტორიტარიზმის წინააღმდეგ იბრძვიან“ - ნათქვამია ნობელის კომიტეტისთვის გაგზავნილ წერილში.
მიუხედავად ევროპელი პოლიტიკოსებისა და ევროპარლამენტის წევრების მონდომებისა, არავინ იცის რა გადაწყვეტილებას მიიღებს ნობელის კომიტეტი, თუ ისინი კანდიდატურების მიღების ვადას 31 მარტამდე გაზრდიან, მაშინ მსოფლიოს, უდავოდ, 2022 წლის ნობელის პრემიის ლაურეატი ეყოლება მშვიდობის დარგში ვოლოდიმირ ზელენსკისა და უკრაინელი ერის სახით.
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
აშშ-ში მიმდინარე არჩევნები მთელი მსოფლიოს ყურადღების ცენტრშია. ერთმანეთს მეორე ვადით არჩევაში ყოფილი და ამჟამინდელი პრეზიდენტები - დონალდ ტრამპი და ჯო ბაიდენი ეჯიბრებიან. რამდენიმე დღის წინ დემოკრატიული პარტიის ლიდერმა, ჯო ბაიდენმა საპრეზიდენტო კამპანიის ფარგლებში ღონისძიება გამართა. საღამო ნიუ იორკში, Radio City Music Hall-ში გაიმართა და ბაიდენთან ერთად მთავარი სტუმრები ბარაკ ობამა და ბილ კლინტონი იყვნენ.
