უკრაინის საგარეო საქმეთა სამინისტროს მხარდაჭერით და უკრაინის პირველი ლედის, ოლენა ზელენსკას პატრონაჟით, 5 მაისს თბილისში საერთაშორისო პროექტი „უკრაინული გერნიკა“ გაიხსნება. თბილისი იქნება პირველი ქალაქი, საიდანაც გამოფენა მოგზაურობას მსოფლიოს სხვადასხვა ქალაქში დაიწყებს.
გამოფენაზე წარმოდგენილი იქნება 40 საერთაშორისო ფოტოგრაფის ნამუშევარი, რომელშიც აღბეჭდილია უკრაინაში რუსული აგრესიის ქმედება 2022 წლის თებერვალი-აპრილის თვეების პერიოდში.
„უკრაინული გერნიკას“ მიზანია საერთაშორისო საზოგადოების ყურადღების მიქცევა სისასტიკესა და ჰუმანიტარულ კრიზისზე, რომელიც ახლა 21-ე საუკუნის ევროპის გულში ხდება. გამოფენას თან ახლავს დოკუმენტური ვიდეო და აუდიო ჩანაწერები.
ინფორმაციას დაგეგმილი საერთაშორისო პროექტის - „უკრაინული გერნიკას“ შესახებ პროექტის თანაორგანიზატორი, სოფო ჭყონია, პირად Facebook გვერდზე ავრცელებს. სოფო ჭყონია გახლდათ საქველმოქმედო კონცერტის - „უკრაინისთვის“ ერთ-ერთი ორგანიზატორი, რომელიც აპრილის თვეში გაიმართა და ჯამში 20 000 დოლარზე მეტის შეგროვება მოახერხა. საქველმოქმედო კონცერტიდან შემოსული თანხა სრულად Help Ukraine Center-ში გადაირიცხა!
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
