გიგანტურმა საკაბელო ტელევიზია „ნეთფლიქსმა“, სენსაციად ქცეული მინისერიალ „ლაზიერი გამბიტში“ ნონა გაფრინდაშვილის შესახებ ცნობების დამახინჯება ფაქტობრივად აღიარა. ქართველი მოჭადრაკის, ნონა გაფრინდაშვილის უფლებადამცველის ინფორმაციით, აშშ-ს სასამართლოში სერიალის სცენარის ავტორმა და რეჟისორმა, ფრენკ სკოტმა, განაცხადა, რომ მან იცოდა ნონა გაფრინდაშვილის მიღწევების შესახებ, თუმცა ფაქტები განზრახ დაამახინჯა.
ნონა გაფრინდაშვილის ინტერესების დამცველის ინფორმაციით, "ნეთფლიქსმა" სამართალწარმოების დროებით შეწყვეტა ითხოვა.
„ვფიქრობთ, რომ ამ ეტაპზე მნიშვნელოვანი საპროცესო უპირატესობა გვაქვს მოპოვებული Netflix-ის წინააღმდეგ, გამომდინარე სცენარის ავტორის და პროდიუსერის დაკითხვის შემდეგ“ - განაცხადა ადვოკატმა ანა რეხვიაშვილმა
პირველი სასამართლო პროცესი კალიფორნიის შტატში, 24 იანვარს დაინიშნა. ქართველი მოჭადრაკე ამერიკული კომპანიისგან ზიანის ანაზღაურების სანაცვლოდ 5 მილიონ დოლარს მოითხოვს.
შეგახსენებთ, რომ სერიალი გამოგონილი ვუნდერკინდი მოჭადრაკე ქალის ბეთ ჰარმონის (ანია ტეილორ-ჯოი) ცხოვრებაზე მოგვითხრობს, რომელიც ჯერ აშშ-ის, შემდეგ კი მსოფლიო ჭადრაკის ოლიმპიადებზე იმკვიდრებს ადგილს. ფინალურ სერიაში, სადაც ბეთი რუს მეტოქეს და გროსმაისტერს უპირისპირდება გაჟღერებულია ნონა გაფრინდაშვილის სახელიც, თუმცა სერიალში ნათქვამია, რომ ქართველ სპორტსმენს მამაკაცებთან არასდროს უთამაშია, რაც სიმართლეს სულაც არ შეესაბამება.
ნონა იყო ლეგენდა ჭადრაკის ისტორიაში: მსოფლიოს პირველი ყველაზე ახალგაზრდა ჩემპიონი, პირველი ხუთგზის მსოფლიო ჩემპიონი, პირველი დიდოსტატი ქალი, პირველი დიდოსტატი ქალი ვაჟთა შორის და ქალთა საჭადრაკო ოსკარის პირველი მფლობელი.
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
