მილა კუნისი და ეშტონ კაჩერი მთელი ძალიც ცდილობენ საზოგადოების მხრიდან უარყოფითი დამოკიდებულება აირიდონ თავიდან, თუმცა ჯერჯერობით, ეს ვერც საბოდიშო ვიდეომიმართვით ვერ მოახერხეს. ყველაფერი კი მსახიობების მიერ ლოს-ანჯელესის სასამართლოში გაგზავნილი სახასიათო წერილებით დაიწყო, რომელიც მათი ყოფილი კოლეგის დენი მასტერონის მხარდასაჭერად გაგზავნეს.
That '70s Show-ს ვარსკვლავს დენი მასტერონს ლოს-ანჯელესის მოსამართლემ 30 წლიანი პატიმრობა მიუსაჯა, მას შემდეგ, რაც მსახიობი ნაფიც მსაჯულებმა ორი ქალის გაუპატიურებაში დამნაშავედ სცნეს. სასამართლო პროცესის შემდეგ, ცნობილი გახდა, რომ მასტერონის მხარდასაჭერი წერილები მოსამართლეს That '70s Show-ს ვარსკვლავებმა და დენის კოლეგებმა მილა კუნისმა და ეშტონ კაჩერმა გაუგზავნეს.
საინფორმაციო სააგენტო AP-ის ცნობით, 27 ივლისს დათარიღებულ წერილში, რომელიც ლოს-ანჯელესის უმაღლესი სასამართლოს მოსამართლეს, ჩარლენ ფოლმედოს გაეგზავნა, კუჩერმა მასტერსონი აღწერა, როგორც ადამიანი, რომელიც ეპყრობოდა ადამიანებს „წესიერებით, თანასწორობითა და კეთილშობილებით“. მილა კუნისმა კი მასტერსონი დაახასიათა როგორც „მისაბაძი მეგობარი“ და „უფროსი ძმის ფიგურა“.
ჩვენ მხარს ვუჭერთ დაზარალებულებს
ეშტონ კაჩერმა საბოდიშო ვიდეო გასულ უქმეებზე გამოაქვეყნა საკუთარ Instagram გვერდზე: „ჩვენ ვიაზრებთ ტკივილს, რომელიც მოსამართლესთან გაგზავნილი დენი მასტერონის დახასიათების წერილებით გამოვიწვიეთ... რამდენიმე თვის წინ დენის ოჯახი დაგვიკავშირდა თხოვნით, დაგვეწერა სახასიათო წერილები იმ ადამიანზე, რომელსაც 25 წლის განმავლობაში ვიცნობდით, რათა აღწერილობა მოსამართლეს განაჩენის გამოტანისას გაეთვალისწინებინა. ისინი გამიზნული იყო მხოლოდ ერთი რამისთვის წაეკითხა მოსამართლეს და არა იმისთვის, რომ მსხვერპლის ჩვენება შეერყია ან რაიმე სახით ხელახალი ტრავმის ტრიგერი გამხდარიყო. ჩვენი მიზანი ეს არასდროს ყოფილა, ვწუხვართ თუ ასე გამოვიდა“ - განაცხადა კაჩერმა ვიდეომიმართვაში.
„ჩვენ მხარდაჭერას ვუცხადებთ დაზარალებულებს. ჩვენ ეს არა ერთგზის გაგვიკეთებია ჩვენივე საქმიანობით და ამის გაკეთებას მომავალშიც განვაგრძობთ... წერილები არ იყო დაწერილი სასამართლო სისტემის ლეგიტიმურობის ან ნაფიც მსაჯულთა გადაწყვეტილების მართებულობის ეჭვქვეშ დასაყენებლად“ - დასძინა მილა კუნისმა.
„ჩვენი გულები თითოეულ იმ ადამიანთანაა, ვინც ოდესმე ყოფილა სექსუალური ძალადობის ან გაუპატიურების მსხვერპლი“.
თბილისი არენა, 23 მაისს AKON-ის მსმენელებით გაივსება! ჰიპ-ჰოპის ჟანრის გამორჩეული მომღერალი, ევროპის ტურის შემდეგ საქართველოს დედაქალაქსაც ეწვევა. მოძებნეთ კარადაში ჩაკარგული 2000იანების სტილის ტანსაცმელი, რადგან Akon-ის ცნობილი ჰიტები ამ დროში გადასასვლელად პორტალს გახსნის!
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
