15 საათის წინ, ლელა წურწუმიას ახალი კლიპის პრემიერა მის საავტორო გადაცემაში „მხოლოდ ლელასთან“ და შემდეგ უკვე Youtube-ზეც შედგა. მუსიკალურ კლიპს უკვე 17 ათასზე მეტი ნახვა აქვს და მისი რაოდენობა ყოველ წუთას იზრდება. დიახ, Diva is back on screen!
სიმღერის სახელწოდებით „აღარ მინდა მე შენთან“ მუსიკისა და ტექსტის ავტორი მაიკო კაჭკაჭიშვილი გახლავთ, კლიპი კი რეჟისორმა, ზაზა ორაშვილმა გადაიღო. მუსიკალური კლიპის გადაღებები რამდენიმე ლოკაციაზე მიმდინარეობდა. მათ შორის ვაზისუბნის მამულში და Glarros OldTown-ში.
განსაკუთრებულ აღნიშვნას იმსახურებს, ლელას შეცვლილი იმიჯი მუსიკალური კლიპის დასაწყისში და კოსტიუმები, რომლებიც მომღერალმა ვიდეოკლიპში ერთი მეორის მიყოლებით მოირგო. რა თქმა უნდა, ლელა ყოველი კადრის მთავარი მოვლენაა და მისი თითოეული ახალი გამოჩენაც უფრო ეფექტურია, ვიდრე წინა.
მუსიკალური ვიდეო სოციალურ ქსელში ლელა წურწუმიამ და მისმა მეუღლემ და პროდიუსერმა, მამულიჩამაც გადააზიარეს. კლიპს უკვე ათასობით მოწონება და გაზიარება აქვს. აშკარაა, რომ ლელას მუსიკალურ ეკრანზე დაბრუნებას მთელი საქართველო ველოდით.
თბილისი არენა, 23 მაისს AKON-ის მსმენელებით გაივსება! ჰიპ-ჰოპის ჟანრის გამორჩეული მომღერალი, ევროპის ტურის შემდეგ საქართველოს დედაქალაქსაც ეწვევა. მოძებნეთ კარადაში ჩაკარგული 2000იანების სტილის ტანსაცმელი, რადგან Akon-ის ცნობილი ჰიტები ამ დროში გადასასვლელად პორტალს გახსნის!
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.