სწორი ნაწლავის კიბოს მქონე 12 პაციენტი სასწაულის მოწმე გახდა, აშშ-ში, ჩრდილოეთ კაროლინას უნივერსიტეტში, ექსპერიმენტულ პრეპარატზე ჩატარებული ცდების შემდეგ დადგინდა, რომ თითოეული პაციენტის კიბო, ქიმიოთერაპიის გარეშე, რემისიაში გადავიდა. მეცნიერები ირწმუნებიან, რომ მსგავსი შემთხვევა კიბოს კვლევის ისტორიაში ჯერ არასდროს დაფიქსირებულა და შესაძლოა ეს შემთხვევა უპრეცედენტო მოვლენად იქცეს კიბოს პრეპარატების კვლევაში.
პრეპარატის, სახელწოდებით დოსტარლიმაბი (Dostarlimab), ადრეული შედეგები საკმაოდ დამაიმედებელია. კვლევაში მონაწილე პაციენტები ექვსი თვის განმავლობაში იღებდნენ პრეპარატს და თითოეულმა მათგანმა აღმოაჩინა, რომ მათი კიბო წარმატებით გადავიდა რემისიაში.
დოსტარლიმაბი ლაბორატორიულად წარმოებული მოლეკულებისგან შედგება, რომელიც ადამიანის სხეულში ანტისხეულების გამომუშავებას უზრუნველყოფს
12-ვე პაციენტს სწორი ნაწლავის კიბო ჰქონდა გენეტიკური მუტაციებით (MMRd). გამომდინარე იქიდან, რომ ამ სიმსივნის მქონე პაციენტები თითქმის არ რეაგირებენ ქიმიოთერაპიაზე, მისი მკურნალობა საკმაოდ დიდ სირთულესთან არის დაკავშირებული. დოსტარლიმაბით მკურნალობის შემდეგ, 12-ვე ახლა სრულ რემისიაშია, ქირურგიული ჩარევის, ქიმიოთერაპიისა და გვერდითი ეფექტების გარეშე - და კიბოს კვალი მათ სხეულში აღარ მოიძებნება.
მართალია, 12 პაციენტის სასწაულებრივად გამოჯანმრთელების ისტორია შთამბეჭდავია, თუმცა კვლევა ამით არ სრულდება, მოსალოდნელია რომ შემდეგ ცდაში პაციენტთა რაოდენობა 30-მდე გაიზრდება და მხოლოდ კვლევის მეორე ეტაპზე მიღებული შედეგების შემდეგ გვეცოდინება, რამდენად დიდი აღმოჩენის წინაშე დგას კაცობრიობა და თანამედროვე მედიცინა.
ყველასათვის გასაგებ ენაზე რომ განვმარტოთ, "უცხოური გავლენის გამჭვირვალობის შესახებ" კანონის მიღება ნიშნავს მონიტორინგის ამოქმედებას, რაც შეეხება ყველას, ვისაც რაიმე სახით მიუღია უცხოური დაფინანსება, მათ შორის ორგანიზაციებს, რომლებიც უცხოური კაპიტალით ფინანსდება (არასამთავრობო ორგანიზაციები, იურიდიული საკონსულტაციო ფირმები და ა.შ.).
აშშ-ში მიმდინარე არჩევნები მთელი მსოფლიოს ყურადღების ცენტრშია. ერთმანეთს მეორე ვადით არჩევაში ყოფილი და ამჟამინდელი პრეზიდენტები - დონალდ ტრამპი და ჯო ბაიდენი ეჯიბრებიან. რამდენიმე დღის წინ დემოკრატიული პარტიის ლიდერმა, ჯო ბაიდენმა საპრეზიდენტო კამპანიის ფარგლებში ღონისძიება გამართა. საღამო ნიუ იორკში, Radio City Music Hall-ში გაიმართა და ბაიდენთან ერთად მთავარი სტუმრები ბარაკ ობამა და ბილ კლინტონი იყვნენ.
ამერიკელი მომღერალი Lizzo, ინსტაგრამის მეშვეობით მოულოდნელ განაცხადს აკეთებს. ის ამბობს, რომ ტყუილებითა და ბრალდებებით დაიღალა და SHE QUITS. მუსიკის სამყარო და მისი გულშემატკივრები ცდილობენ, გაიგონ აპირებს თუ არა მომღერალი კარიერის დასრულებას, თუ ამ სიტყვების უკან სხვა გზავნილი იმალება.
