Balenciaga-სა და Gap-ის შემდეგ, რეპერ Ye-სთან, რომელიც ქანიე ვესტის სახელითაა ცნობილი, თანამშრომლობა ტანსაცმლის გიგანტმა Adidas-მაც შეწყვიტა და განაცხადა, რომ არ მოითმენს ანტისემიტიზმს და სხვა სახის სიძულვილის ენას. Adidas-ის Yeezy ბრენდისა და Mr West-ის კოლაბორაცია კითხვის ნიშნის ქვეშ მას შემდეგ აღმოჩნდა, რაც პარიზის მოდის კვირეულზე რეპერი White Lives Matter წარწერიანი მაისურით გამოჩნდა.
რამდენიმე დღის შემდეგ რეპერმა თავის ტვიტერზე ანტისემიტური კომენტარები გამოაქვეყნა. Adidas-ის წარმომადგენლებმა განაცხადეს, რომ ქანიეს პროდუქცია გაყიდვიდან დაუყოვნებლივ ჩაიხსნება.
სპორტული ტანსაცმლის ბრენდმა ადრე თქვა, რომ Yeezy ბრენდის Yee-სთან თანამშრომლობა ერთ-ერთი ყველაზე წარმატებული კოლაბორაცია იყო კომპანიის ისტორიაში. რეპერთან თანამშრომლობის შეწყვეტა ავტომატურად გულისხმობს $250 მილიონიან ზარალს კომპანიისთვის. Ye, რომელსაც ბიპოლარული აშლილობის დიაგნოზი დაუსვეს, ადრე წაშლილ ინსტაგრამის პოსტში ადიდასს ადანაშაულებდა მისი დიზაინის მოპარვაში.
სამშაბათს გავრცელებული Adidas-ის განცხადებაში ეწერა: Adidas არ მოითმენს ანტისემიტიზმს და სხვა სახის სიძულვილის ენას. Ye-ს ბოლო კომენტარები და ქმედებები იყო მიუღებელი, სიძულვილით სავსე და საშიში, რაც არღვევს კომპანიის ღირებულებებს მრავალფეროვნებისა და ინკლუზიის, ურთიერთპატივისცემისა და პატივისცემის შესახებ.
ანტისემიტური განცხადებებიდან რამდენიმე დღეში, Instagram-მა და Twitter-მა Ye-ს ანგარიშები შეაჩერეს. ოქტომბრის დასაწყისში, მოდის სახლმა Balenciaga-მ და ნიჭიერმა სკაუტებმა Creative Artists Agency-მა ასევე გაწყვიტეს კავშირი Ye-სთან. კინო და სატელევიზიო მწარმოებელმა კომპანიამ MRC ორშაბათს განაცხადა, რომ არ აპირებს რეპერის შესახებ ახლახან დასრულებულ დოკუმენტურ ფილმის ჩვენებას.
Forbes-ის მონაცემებით, ქანიე ვესტი მილიარდერების სიიდანაც გაქრა, როგორც ჩანს ერთ-ერთ ყველაზე გავლენიან ბიზნესპარტნიორებთან თანამშრომლობის გაწყვეტა, რეპერს მილიარდერის სტატუსის ფასად დაუჯდა.
თბილისი არენა, 23 მაისს AKON-ის მსმენელებით გაივსება! ჰიპ-ჰოპის ჟანრის გამორჩეული მომღერალი, ევროპის ტურის შემდეგ საქართველოს დედაქალაქსაც ეწვევა. მოძებნეთ კარადაში ჩაკარგული 2000იანების სტილის ტანსაცმელი, რადგან Akon-ის ცნობილი ჰიტები ამ დროში გადასასვლელად პორტალს გახსნის!
"ხელოვნება არის ის, რაც რჩება! რეალობის ასახვა კი არის ფუნდამენტური, მადლობა"- ასეთი გამოხმაურებები აქვს მაია დარსმელიძის ახალ სიმღერას, რომლის მეშვეობითად, მომღერალი მთელი საქართველოს ქალების სათქმელს, ხმამაღლა აჟღერებს. ერთი დღეა რაც სიმღერა YouTube პლატფორმაზე გამოჩნდა და მან უკვე 50 ათასზე მეტი ნახვა დაიმსახურა!
THE TORTURED POETS - დროის წარმავალი და ფატალისტური მომენტის ასახვის მცდელობა, რომელიც ერთდროულად სენსაციური და სევდიანია. მომღერალმა თავის ერთგულ მსმენელს სიურპრიზის სახით, ერთდროულად 31 სიმღერა აჩუქა. მან კიდევ ერთად დაამკტკიცა, რომ სახელი - ტეილორ სვიფტი, ნამდვილად მუსიკის ინდუსტრიის სინონიმია.
