7 მაისს, 15:00 საათზე, საქართველო კვლავ ირბენს მსოფლიოსთან ერთად, მასშტაბური საქველმოქმედო გარბენი Wings for Life World Run კახეთში, ფინიშის მანქანის თანხლებით, ლოპოტას გადასახვევიდან კავკასიონის ქედის გასწვრივ, უკვე მეათედ აიღებს სტარტს.
გარბენში მონაწილეობის მიღება შეუძლია ყველას, 18 წლის ზევით სპორტსმენსა თუ მოყვარულ მორბენალს, ეტლით მოსარგებლეს, როგორც ინდივიდუალურად, ასევე ორგანიზაციის სახელით.
აღსანიშნავია ის ფაქტიც, რომ მსოფლიო რბენაში მონაწილეობა აპლიკაციითაც არის შესაძლებელი, ნებისმიერ მსურველს, მახლობელ სასურველ ლოკაციაზე, მეგობრებთან, ოჯახის წევრებთან, სპორტულ გუნდებთან და კოლეგებთან ერთად შეუძლია გარბენის მონაწილე გახდეს. ამისათვის კი საჭიროა App Store-დან ან Google Play-დან გადმოწეროთ Wings for Life World Run აპლიკაცია და მიჰყვეთ ინსტრუქციას.
Wings for Life World Run-ს არ აქვს სტანდარტული ფინიშის ხაზი. მონაწილეების განვლილ მანძილს აღრიცხავს მოძრავი ფინიშის მანქანა, რომელიც სტარტიდან 30 წუთის შემდეგ დაიძრება. მონაწილე რბენას ასრულებს მაშინ, როცა ფინიშის მანქანა მას გაასწრებს.
კახეთში გამართული გარბენის საფასური 30 ლარია, რეგისტრაციის გასავლელად შეგიძლიათ ესტუმროთ ვებ-გვერდს: https://win.gs/Kakheti. შემოსული თანხა სრულად ირიცხება ზურგის ტვინის დაზიანების კვლევით ფონდში.
მეათე საიუბილეო გარბენი კახეთში საქართველოს კულტურის, სპორტისა და ახალგაზრდობის სამინისტროს მხარდაჭერითა და ეროვნული ფედერაცია „სპორტი ყველასათვის“ ორგანიზებით ტარდება.
სოციალური, პოლიტიკური და გარემოსდაცვითი გამოწვევებით სავსე მსოფლიოში, მხატვრები და მოდის დიზაინერები უფრო და უფრო ხშირად მიმართავენ თავიანთ ხელობას, როგორც სოციალური პროტესტისა და აქტივიზმის საშუალებას. ყოველდღიური ჩაცმულობა ბევრმა ადამიანმა ხელოვნებად აქცია, თვითგამოხატვის მთავარ საშუალებად.
საქართველოში, ისევე როგორც მსოფლიოში, IT სფეროსადმი ინტერესი დღითი-დღე იზრდება. ერთად, გავეცნოთ ამ სფეროსთან დაკავშირებულ ძირითად ინფორმაციას და ვნახოთ ის პოზიციები, რომლებიც დასაქმების მხრივ ყველაზე მოთხოვნადი და მაღალ ანაზღაურებადია.
ვენეციის ბიენალე 60-ე გამოშვებით ბრუნდება. ფესტივალის ბრაზილიელმა კურატორმა, ადრიანო პედროსამ ფესტივალის თემატიკად “Foreigners Everywhere” დაასახელა და აღნიშნა, რომ ბიენალეს წლევანდელი გამოშვება ხალხის ყურადღებას განსაკუთრებით ისტორიულად მარგინიზებული ერების არტისტებისკენ მიაპყრობს.
