კრის ჰემსვორთმა ედ შირენის კონცერტზე დაუკრა
კრის ჰემსვორთმა ბუქარესტში გამართულ ედ შირენის კონცერტზე 70 000 მსმენელის წინაშე, Thinking out loud-ის დრამის ნაწილი დაუკრა. შირენმა კრისს დრამებზე დაკვრა თავადვე ასწავლა.
| ანნა მათიაშვილი |
2024 წლის ზაფხული სპორტული ციებ-ცხელებით ხასიათდება. მიმდინარე ევროპის ჩემპიონატი პარიზის ოლიმპიადამდე მოწყენის საშუალებას არ გვაძლევს, ამავდროულად ჩოგბურთის მოყვარულებისთვის წლის მთავარი ღონისძიება - უიმბლდონი მიმდინარეობს. მსოფლიოში უძველესი და ყველაზე პრესტიჟული საჩოგბურთო ტურნირი მაყურებელს დაარსების დღიდან გასაოცარ სპორტულ სანახაობას სთავაზობს. 1877 წლიდან დღემდე უიმბლდონი არა მარტო სპორტული, არამედ კულტურული ღონისძიებაცაა და ყოველ ზაფხულს A-Lister-ების თავშეყრის ადგილს წარმოადგენს.
მსოფლიოს საუკეთესო ჩოგბურთელებმა უკვე არაერთი სანახაობრივი მატჩი გვაჩუქეს, დღეს კი მამაკაცებს შორის ტურნირის ორი ნახევარფინალი გაიმართება. ერთმანეთს დანილ მედვედევი და წინა წლის ჩემპიონი - ესპანელი კარლოს ალკარაზი შეხვდებიან, მეორე თამაში კი იტალიელი ლორენცო მუსეტისა და უიმბლდონის შვიდგზის ჩემპიონის, ნოვაკ ჯოკოვიჩის, დაპირისპირებას წარმოგვიდგენს. ქალთა ტურნირი უკვე ბოლო ეტაპზეა და 13 ივლისს ფინალში ჩემპიონობისთვის ჩეხი ბარბარა კრეიციკოვა და მსოფლიოს მეშვიდე ნომერი - ჟასმინ პაოლინი იბრძოლებენ.
ტურნირის გამარჯვებულების გამოვლენამდე, მისი სტუმრების გრძელ სიას გადავხედოთ. ოსკარის ორგზის ნომინანტი კირა ნაითლი All England Club-ში მეუღლესთან, მუსიკოს ჯეიმს რაიტონთან, ერთად გამოჩნდა. 39 წლის მსახიობს შანელის თეთრი საზაფხულო კაბა და ასევე შანელის კრემისფერი ფეხსაცმელები ეცვა. იგი ათი წლის შემდეგ უიმბლდონზე პირველად გამოჩნდა და უმშვენიერესი ლუქით ჩვენი ყურადღებაც მიიქცია. კირა და ჯეიმსი ტურნირის მეოთხედფინალურ შეხვედრებს დაესწრნენ.
სელმა ჰაიეკი ლონდონში კამერამ გუჩის ზოლებიანი მაისურითა და კრემისფერი Jackie Bag-ით წარსდგა. ჰოლივუდის ვარკვლავი მეოთხე ტურის თამაშებს ქმართან, ფრანგ ბიზნესმენთან, ფრანსუა-ანრი პინოსთან ერთად დაესწრო.
სამეფო ოჯახის საყვარელ ტურნირს მისი წევრები ხშირად ესწრებიან. წელს მაყურებლებს შორის იორკის პრინცესა ბეატრისიც იყო. პრინცესა მსოფლიოს პირველი ნომრის - იანიკ სინერისა და დანილ მედვედევის მეოთხედფინალურ შეხვედრას დაესწრო, რომელიც იტალიელი ჩოგბურთელის მარცხით დასრულდა. წლევანდელი ტურნირი ქეით მიდლტონის გარეშე მიმდინარეობს, თუმცა უელსის პრინცესას მშობლები - ქეროლ და მაიკლ მიდლტონები კამერებს არ გამოჰპარვიათ.
All England Club-ის სამეფო ბოქსში დასტინ ჰოფმანი და მარია შარაპოვაც დააფიქსირეს. უიმბლდონის 2004 წლის ჩემპიონს დახვეწილი ორეული ეცვა და ხელში ბარბერის კუბოკრული ჩანთა ეჭირა.
დევიდ ბექჰემისთვის უიმბლდონზე დასწრება უკვე ტრადიციადაა ქცეული. წელს იგი ბოსის კლასიკური პიჯაკითა და ყავისფერი მზის სათვალით გამოჩნდა. ცენტრალურ კორტზე ფეხბურთელს დედა - სანდრა ახლდა თან. ბექჰემების ოჯახიდან ინგლისის ნაკრების ყოფილი კაპიტანი არ იყო ერთადერთი, ვინც ტურნირზე შენიშნეს. ვიქტორიასა და დევიდის ვაჟი, რომეო ბექჰემი უიმბლდონს მეგობრებთან ერთად დაესწრო.
ლონდონის მთავარ კორტზე პოპულარული სერიალის ბრიჯერტონის მსახიობებიც გამოჩნდნენ. ბენედიქტ ბრიჯერტონის როლის შემსრულებელი ლუკ ტომპსონი ტურნირზე მეშვიდე დღეს რალფ ლორენის ბეჟი შარვალ-კოსტუმით წარსდგა. ჩემპიონატს დედოფალი შარლოტას პერსონაჟის განმასახიერებელი გოლდა როშეველიც დაესწრო.
უიმბლდონის ყველაზე მნიშვნელოვანი და სანახაობრივი მატჩები ჯერ კიდევ წინ არის. საინტერესოა, კიდევ რომელი სელებრითები მოხვდებიან კამერების ობიექტივში ნახევარფინალურ და ფინალურ შეხვედრებზე.
არ გამოგრჩეთ
მდინარე აარე - შვეიცარიის საზაფხულო ოაზისი
აარეში ბანაობა ზაფხულის საუკეთესო აქტივობად ითვლება. თუმცა გართობის გარდა, ადგილობრივები მდინარეს სამსახურიდან სახლში მისასვლელად და სამუშაო დღის შემდეგ შინ დასაბრუნებლადაც იყენებენ.
როგორია თაობა Z-ს წინა საარჩევნო განწყობა
გასული და მიმდინარე წლის მოვლენებმა, განსაკუთრებით "რუსული კანონის" საწინააღმდეგო საპროტესტო ტალღამ, ცხადყო, რომ ახალგაზრდების დიდი ნაწილი პოლიტიკური ცხოვრების აქტიური მონაწილეა. წლევანდელი ამომრჩევლის 14% კი, სწორედ 18-26 წლის ადამიანები შეადგენენ.