ავღანეთის დედაქალაქში თალიბების შეჭრის და "ავღანეთის ისლამური ემირატის" ჩამოყალიბების ფონზე, მედიის საშუალებით ათასობით, ათიათასობით ავღანელი ადამიანი ვიხილეთ, რომლებიც ექსტრემისტი თალიბების რეჟიმისგან გაქცევას და გადარჩენას ლამობდნენ. იმის ფონზე, როდესაც ავღანეთის ხელისუფლების წარმომადგენლებმა თავს უშველეს და თავშესაფარი სხვადასხვა ქვეყანაში მოითხოვეს, იყვნენ ისეთებიც, რომლებმაც ბრძოლა და საკუთარი უფლებებისთვის ბრძოლა გადაწყვიტეს. ერთ-ერთი მათგანი სალიმა მაზარი გახლდათ.
თალიბების მიერ კონტროლირებად ტერიტორიებზე ქალები აღარ არსებობენ, ისინი საკუთარ სახლებში გამომწყვდეულ პატიმრებად იქცნენ - სალიმა მაზარი
სალიმა ავღანელი 3 ქალი გუბერნატორიდნ ერთ-ერთი გახლდათ, რომელმაც დანებების ან გაქცევის ნაცვლად წინააღმდეგობის გაწევა გადაწყვიტა, ის საკუთარი ტერიტორიის დასაცავად დარჩა და როდესაც საჭირო გახდა ხელში იარაღიც კი აიღო. სამწუხაროდ, სალიმა მაზარის გვერდით ავღანური ჯარის მხოლოდ მცირე ნაწილი იბრძოდა, რის გამოც თალიბებმა მათი დამარცხება და სალიმას და მისი თანამებრძოლების ხელში ჩაგდება მოახერხეს.
სალიმა მაზარიმ თალიბების წინააღმდეგ ხმა დიდი ხნის წინ აიმაღლა, ის მიიჩნევდა, რომ თუ კი აჯანყებულები მთავრობაში მოსვლას შეძლებდნენ, ავღანეთში ქალების ადგილი აღარ იქნებოდა. დღეს სალიმა თალიბების ტყვეა და ერთ-ერთ საპყრობილეში ყავთ გამომწყვდეული, ჯერჯერობით უცნობია რა ბედი ეწევა გუბერნატორს, რომელმაც საკუთარი მიწის დასაცავად სიცოცხლე საფრთხეში ჩაიგდო, სალიმა მაზარი არის იმ ავღანელი ქალების კრებითი სახე, რომლებიც იბრძვიან და ყოველთვის გააგრძელებენ ბრძოლას საკუთარი უფლებებისთვის.
სოციალური, პოლიტიკური და გარემოსდაცვითი გამოწვევებით სავსე მსოფლიოში, მხატვრები და მოდის დიზაინერები უფრო და უფრო ხშირად მიმართავენ თავიანთ ხელობას, როგორც სოციალური პროტესტისა და აქტივიზმის საშუალებას. ყოველდღიური ჩაცმულობა ბევრმა ადამიანმა ხელოვნებად აქცია, თვითგამოხატვის მთავარ საშუალებად.
საქართველოში, ისევე როგორც მსოფლიოში, IT სფეროსადმი ინტერესი დღითი-დღე იზრდება. ერთად, გავეცნოთ ამ სფეროსთან დაკავშირებულ ძირითად ინფორმაციას და ვნახოთ ის პოზიციები, რომლებიც დასაქმების მხრივ ყველაზე მოთხოვნადი და მაღალ ანაზღაურებადია.
ვენეციის ბიენალე 60-ე გამოშვებით ბრუნდება. ფესტივალის ბრაზილიელმა კურატორმა, ადრიანო პედროსამ ფესტივალის თემატიკად “Foreigners Everywhere” დაასახელა და აღნიშნა, რომ ბიენალეს წლევანდელი გამოშვება ხალხის ყურადღებას განსაკუთრებით ისტორიულად მარგინიზებული ერების არტისტებისკენ მიაპყრობს.
