ოპრა უინფრისა და სასექსის ჰერცოგების თანამშრომლობა გრძელდება, სკანდალური ინტერვიუს შემდეგ, რომელშიც, პრინცმა ჰარიმ და მეგან მარკლმა, დიდი ბრიტანეთის სამეფო ოჯახში ცხოვრების პერიოდზე ისაუბრეს და რამდენიმე დაუჯერებელი ფაქტიც კი გააჟღერეს, ოპრა და პრინცი ჰარი საერთო პროექტზე მუშაობენ.
The Me You Can’t See - მე, რომელსაც ვერ მხედავ - ასე ჰქვია Apple TV-ს ახალ პროექტს, რომელიც დოკუმენტური სერიების ნაწილი გახლავთ და მენტალური ჯანმრთელობის, მის გარშემო არსებული სტიგმისა და პრობლემების შესახებ მოგვითხრობს. დოკუმენტური სერიის პრემიერა 21 მაისსაა ჩანიშნული და პირველი კადრების ხილვა უკვე შესაძლებელია.
გადაწყვეტილების მიღება და დახმარების თხოვნა სისუსტის ნიშანი არ არის. დღევანდელ სამყაროში, ის პირველ ყოვლისა სიძლიერესთან ასოცირდება.
თრეილერში პრინცი ჰარის ცხოვრების ამჟამინდელი კადრები მოხვდა, რომელში მეგან მარკლისა და პატარა არჩის პოვნაც შეიძლება, თუმცა აწმყოს ფონზე პრინცის ყველაზე ტრაგიკული დღის, პრინცესა დიანას დაკრძალვის ვიდეოარქივსაც ვხედავთ, რომელიც ჰარისთვის დღემდე ყველაზე მტკივნეული დღეა და მისივე თქმით ამ დღემ, მის ფსიქიკაზე წარუშლელი კვალი დატოვა.
დოკუმენტურ ფილმში მენტალურ ჯანმრთელობაზე, პრინცი ჰარის გარდა ხმამაღლა საუბრობენ მომღერალი ლედი გაგა და მსახიობი გლენ კლოუზი, უდავოა, რომ წინ საკმაოდ საინტერესო, ინფორმაციული და ემოციური დოკუმენტური სერიები გველის, ჩვენ კი ისღა დაგვრჩენია 21 მაისი საგულდაგულოდ მოვინიშნოთ კალენდარში.
ყოფილი კინოს პავილიონის შენობა 19 აპრილიდან ცნობილი არტისტების პერფორმანსებს უმასპინძლებს. Adam&Eve ასე დაერქვა ამ სივრცეს და პირველი სცენაზე Róisín Murphy გამოჩნდება. ასე რომ, მუსიკის მოყვარულებს პარასკევ საღამოს გელოდებით!
სტეისი ბენდეტი ამ ეპოქის ერთ-ერთი უდიდესი ბრენდის დამფუძნებელია. Alice + Olivia-ს კრეატიული დირექტორი და მოდის დიზაინერი, თავის ნამუშევრებში თანამედროვე და კლასიკური მოდის იდეალურ ნაზავს გვთავაზობს. თუმცა არანაკლებ საინტერესოა მისი ნიუ-იორკის სახლი, რომელში მოხვედრაც თავგადასვლებით აღსავსე მოგზაურობას ჰგავს.
კრიპტოვალუტის სამყარო ძალიან რთული და ამოუცნობი ჩანს. მიუხედავად იმისა, რომ ინფორმაციის მისაღებად უამრავი წყარო არსებობს, არ არის მარტივი გადავწყვიტოთ, რომელი მათგანია ყველაზე უსაფრთხო. ჩვენ შემოგთავაზებთ 2024 წლის საუკეთესო ვებგვერდებს, რათა თქვენი ახალი საქმიანობის შესახებ მაქსიმალურად სანდო ფლატფორმები გამოიყენოთ.