ნოემბრისთვის დროშები მოიმარაგეთ! საქართველოს მორაგბეთა ეროვნული ნაკრები სამ უმნიშვნელოვანეს მატჩს გამართავს. ორი შეხვედრა ჩვენთან, ერთიც კარდიფში შედგება. ბორჯღალოსნები 6 ნოემბერს ურუგვაის უმასპინძლებენ, 12 ნოემბერს კი სამოას ეროვნულ ნაკრებს შეხვდებიან. ნოემბრის ტესტ შეხვედრები კი კარდიფში, უელსის ნაკრებთან შერკინებით დასრულდება.
ვინერვიულოთ?
სანერვიულო არაფერია! ბორჯღალოსნებისთვის ზემოთ ჩამოთვლილ ნაკრებებთან თამაში არც პირველი იქნება და არც უკანასკნელი. საქართველოს ნაკრებს ურუგვაის წინააღმდეგ 6-ჯერ უთამაშია, აქედან 4 შეხვედრა ბორჯღალოსნების გამარჯვებით დასრულდა. ურუგვაი მსოფლიო თასის მონაწილე გუნდია. გარდა ამისა, ბოლო წლების მანძილზე ნაკრებს საკმაოდ დიდი პროგრესი აქვს, შესაბამისად საკმაოდ საშიში მეტოქეა.
რაც შეეხება სამოას, ბორჯღალოსნებს ეს უკანასკნელი 3-ჯერ ჰყავთ დამარცხებული, ერთი შეხვედრა ფრედ, ხოლო 2 მატჩი საქართველოს დამარცხებით დასრულდა. ბოლო პერიოდში საკმაოდ დიდი პროგრესი აქვს ამ უკანასკნელსაც. ცოტა ხნის წინ სამოას ეროვნულმა ნაკრებმა ფიჯი დაამარცხა და წყნარი ოკეანის თასიც მოიგო.
აი, უელსის სტატისტიკა კი ყველაზე მეტად სანერვიულოა. ჩვენი სამი შეხვედრიდან, სამივე უელსის ნაკრების გამარჯვებით დასრულდა, თუმცა ბორჯღალოსნების მაღალი კლასის თამაშიც უნდა აღინიშნოს, რაც არც საერთაშორისო პრესას გამორჩენია მხედველობიდან. უელსი მსოფლიო თასზეც ჩვენი მეტოქეა, ამიტომ მათთან ორივე შეხვედრა საკმაოდ მნიშვნელოვანი გამოცდილება იქნება.
საინტერესოა ის ფაქტიც, რომ მსაჯებს, რომელთა ვინაობაც უკვე ცნობილია, საქართველოს ნაკრები და მათი გულშემატკივარი უკვე კარგად იცნობს, მაგალითად ახალ ზელანდიელი ბრენდონ პიკერილი, რომელმაც 10 ივლისს ბათუმში, იტალიასთან ისტორიული გამარჯვებისას იმსაჯა, ამჯერად უელსთან შეხვედრისას ვიდეო-რეფერი იქნება.
შანსები?
იტალიასთან ტრიუმფალური შეხვედრის მერე აღარაფერი გაგვაკვირვებს. ამომავალი ვარსკვლავებით დაკომპლექტებული საქართველოს ეროვნული ნაკრებისთვის მნიშვნელოვანი ეტაპი იწყება. რაგბის მსოფლიო რუკაზე ჩვენი ქვეყანა რომ უკვე გამოკვეთილადაა მონიშნული, ფაქტია. ახლა მთავარი მნიშვნელოვან მეტოქეებთან მატჩებია, სადაც ბორჯღალოსნები საკუთარ შესაძლებლობებს მსოფლიოს აჩვენებენ. ზუსტად ამ დატვირთვას ატარებდა წლევანდელ ზაფხულში, ბათუმში იტალიასთან გამართული შეხვედრა, რომელსაც საერთაშორისო მედიაში საკმაოდ დიდი ხმაური მოჰყვა.
მოკლედ, ნოემბერს სულმოუთქმელად ველით, საქართველოს ეროვნული ნაკრების იმედი კი ისე გვაქვს, როგორც არასდროს.
სოციალური, პოლიტიკური და გარემოსდაცვითი გამოწვევებით სავსე მსოფლიოში, მხატვრები და მოდის დიზაინერები უფრო და უფრო ხშირად მიმართავენ თავიანთ ხელობას, როგორც სოციალური პროტესტისა და აქტივიზმის საშუალებას. ყოველდღიური ჩაცმულობა ბევრმა ადამიანმა ხელოვნებად აქცია, თვითგამოხატვის მთავარ საშუალებად.
საქართველოში, ისევე როგორც მსოფლიოში, IT სფეროსადმი ინტერესი დღითი-დღე იზრდება. ერთად, გავეცნოთ ამ სფეროსთან დაკავშირებულ ძირითად ინფორმაციას და ვნახოთ ის პოზიციები, რომლებიც დასაქმების მხრივ ყველაზე მოთხოვნადი და მაღალ ანაზღაურებადია.
ვენეციის ბიენალე 60-ე გამოშვებით ბრუნდება. ფესტივალის ბრაზილიელმა კურატორმა, ადრიანო პედროსამ ფესტივალის თემატიკად “Foreigners Everywhere” დაასახელა და აღნიშნა, რომ ბიენალეს წლევანდელი გამოშვება ხალხის ყურადღებას განსაკუთრებით ისტორიულად მარგინიზებული ერების არტისტებისკენ მიაპყრობს.
