ქლოი არდელია ვოლფორდი, შემდგომში საზოგადოებისთვის ცნობილი, როგორც ტონი მორისონი, ამერიკელი მწერალი, რედაქტორი, მასწავლებელი და ლექტორი გახლდათ პრინსტონის უნივერსიტეტში, რომელმაც თავისი მრავალფეროვანი შემოქმედებით არა მხოლოდ ამერიკულ, არამედ თანამედროვე მსოფლიოს ლიტერატურაზე წარუშლელი კვალი დატოვა.
ტონი მორისონის მომაჯადოებელ კალამს 11 წიგნი ეკუთვნის. რომანისთვის "სიყვარული" ტონის 1987 წელს ყველაზე გავლენიანი ამერიკული ლიტერატურული ჯილდო, პულიცერი გადაეცა, მოგვიანებით კი მწერალი პირველი აფროამერიკელი ქალი გახდა, რომელმაც ნობელის პრემია მიიღო ლიტერატურაში შეტანილი მნიშვნელოვანი წვლილისთვის.
ტონი მორისონი გახლდათ ქალი, რომელმაც თავისი ლიტერატურული მრავალშრიანობის, უნიკალური ხელწერისა და შესაშური გულწრფელობით ჩვენს გულებში სამუდამოდ დაიმკვიდრა ადგილი. მწერალი 2019 წელს 88 წლის ასაკში გარდაიცვალა, თუმცა ტონის მემკვიდრეობა, მისი გარდაცვალების შემდეგაც აგრძელებს ცხოვრებას, მისი ხმა კი ჩვენამდე კვლავინდებურად აღწევს.
სიცოცხლესა და სიკვდილზე
ჩვენ ვკვდებით და ეს შესაძლოა ცხოვრების არსსაც წარმოადგენდეს, თუმცა ჩვენ ამავდროულად ვქმნით ენას, რაც შესაძლოა ჩვენი ცხოვრების საზომი იყოს.
წარმატებაზე
თუ კი ფრენა გინდა, აუცილებლად უნდა მოიშორო ყველა ნაგავი, რომელიც დედამიწისკენ გექაჩება
მწერლობაზე
თუ კი იპოვი წიგნს, რომლის წაკითხვაც ძალიან გინდა, მაგრამ ჯერ დაწერილი არ არის, მაშინ ის თავად უნდა დაწერო
ცხოვრების სილამაზეზე
ცოდნის ძალისა და სილამაზის სისასტიკის ღრმად მწამს, ჩემი გადმოსახედიდან თუ კი თქვენი ცხოვრება ხელოვნურია, დაელოდეთ, ცოტაც დაელოდეთ და ის ხელოვნებად იქცევა
რწმენაზე
შენ შეგიძლია გააკეთო ექსტრაორდინალური საქმეები, თუ კი ამის მთელი გულით გწამს
სილამაზეზე
ცხოვრებაში, რაღაც ეტაპზე სამყაროს სილამაზე შენთვის საკმარისი ხდება. არ გჭირდება მისი ფოტოზე აღბეჭდვა, დახატვა ან სულაც დამახსოვრება
ენის მნიშვნელობაზე
ენა მხოლოდ და მხოლოდ სახელდაურქმეველი საგნების შიშისგან გვიცავს. ენა მარტოოდენ ჩვენი აზროვნების ანარეკლია
თავისუფლებაზე
მე არ მსურს სხვა ადამიანის შექმნა, მხოლოდ საკუთარ თავზე ვმუშაობ
პერსპექტივაზე
ჩვენ ძალადობა ვნებაში გვერევა, უსაქმურობა - თავისუფალ დროში, უგუნურება კი თავისუფლებაში
სიყვარულზე
სიყვარული ღვთიური და ყოველთვის რთულია, თუ კი ფიქრობ, რომ იგი მარტივია, მაშინ სულელი ხარ. თუ კი ფიქრობ, რომ ეს ბუნებრივია, მაშინ ბრმა.
სოციალური, პოლიტიკური და გარემოსდაცვითი გამოწვევებით სავსე მსოფლიოში, მხატვრები და მოდის დიზაინერები უფრო და უფრო ხშირად მიმართავენ თავიანთ ხელობას, როგორც სოციალური პროტესტისა და აქტივიზმის საშუალებას. ყოველდღიური ჩაცმულობა ბევრმა ადამიანმა ხელოვნებად აქცია, თვითგამოხატვის მთავარ საშუალებად.
საქართველოში, ისევე როგორც მსოფლიოში, IT სფეროსადმი ინტერესი დღითი-დღე იზრდება. ერთად, გავეცნოთ ამ სფეროსთან დაკავშირებულ ძირითად ინფორმაციას და ვნახოთ ის პოზიციები, რომლებიც დასაქმების მხრივ ყველაზე მოთხოვნადი და მაღალ ანაზღაურებადია.
ვენეციის ბიენალე 60-ე გამოშვებით ბრუნდება. ფესტივალის ბრაზილიელმა კურატორმა, ადრიანო პედროსამ ფესტივალის თემატიკად “Foreigners Everywhere” დაასახელა და აღნიშნა, რომ ბიენალეს წლევანდელი გამოშვება ხალხის ყურადღებას განსაკუთრებით ისტორიულად მარგინიზებული ერების არტისტებისკენ მიაპყრობს.
