ელემენტები თითოეული ჩვენგანის სახლში მოიძებნება, თანაც საკმაოდ დიდი რაოდენობით, მათ აღმოვაჩენთ როგორც დისტანციური მართვის ხელსაწყოებში, აგრეთვე სათამაშოებში, საათებსა თუ ტელეფონებშიც კი. რას მოიმოქმედებთ, როდესაც ელემენტი აღარ ფუნქციონირებს? - დიდი ალბათობით, ნაგავსაყრელზე უყრით თავს, როგორც ამას საქართველოს მოსახლეობის უმეტესობა აკეთებს, მაგრამ შეცვლიდით კი ამ მავნე ჩვევას, თუ კი გეტყვით, რომ ამით გარემოს, ბუნებას და პირველ ყოვლისა საკუთარ ჯანმრთელობას აყენებთ ზიანს?
ელემენტები ბუნებისთვის ერთ-ერთი ყველაზე საშიში ნარჩენებია, რომლებიც ისეთ მავნე ქიმიკატებს შეიცავენ, როგორებიცაა: ტყვია, კადმიუმი, თუთია, ლითიუმი და მერკური, წარმოიდგინეთ რა ხდება მაშინ, როდესაც ამ ელემენტებს სხვა ნაგავთან ერთად წვავენ, დიახ, ეს სიცოცხლისთვის საშიში ნივთიერებები ჰაერში გაიბნევა და ზიანს ისევ და ისევ ჩვენ მოგვაყენებს.
1 გამოყენებული ელემენტი აბინძურებს 20 კვადრატულ მეტრ ნიადაგს და 400 ლიტრ წყალს.
ნაგავსაყრელზე მოხვედრილი ელემენტები აფეთქებების სერიოზულ საფრთხეს ქმნიან, ისინი ზიანს აყენებენ ნიადაგს, მასში მოხვედრისთანავე და საფრთხეს წარმოადგენენ ცხოველებისთვისაც, ისმის ლოგიკური შეკითხვაც - რა უნდა მოვიმოქმედოთ?
საბედნიეროდ, სამყარომ გამოსავალი ელემენტის ნარჩენებთან საბრძოლველად უკვე იპოვა და ის მათ გადამუშავებაში იმალება, პროცესში, რომლის შემდეგაც ჩვენ მიერ გამოყენებული ელემენტები საფრთხეს არავისთვის აღარ წარმოადგენენ.
სანამ მსოფლიოს უამრავ წერტილში ელემენტების გადასამუშავებელი ურნებია განთავსებული, საქართველოში, ადამიანების კეთილი ნებით გამოყენებული ელემენტების ჩაბარება რამდენიმე ადგილას შეგიძლიათ. შეგროვებული ელემენტები შემდგომი გადამუშავებისათვის იგზავნება არაბთა გაერთიანებული საამიროებში კომპანია Madenat Caucasus-ის მიერ.
სტეისი ბენდეტი ამ ეპოქის ერთ-ერთი უდიდესი ბრენდის დამფუძნებელია. Alice + Olivia-ს კრეატიული დირექტორი და მოდის დიზაინერი, თავის ნამუშევრებში თანამედროვე და კლასიკური მოდის იდეალურ ნაზავს გვთავაზობს. თუმცა არანაკლებ საინტერესოა მისი ნიუ-იორკის სახლი, რომელში მოხვედრაც თავგადასვლებით აღსავსე მოგზაურობას ჰგავს.
კრიპტოვალუტის სამყარო ძალიან რთული და ამოუცნობი ჩანს. მიუხედავად იმისა, რომ ინფორმაციის მისაღებად უამრავი წყარო არსებობს, არ არის მარტივი გადავწყვიტოთ, რომელი მათგანია ყველაზე უსაფრთხო. ჩვენ შემოგთავაზებთ 2024 წლის საუკეთესო ვებგვერდებს, რათა თქვენი ახალი საქმიანობის შესახებ მაქსიმალურად სანდო ფლატფორმები გამოიყენოთ.
3 აპრილს, პარლამენტის სხდომაზე გენდერული კვოტირება გააუქმეს. ოპოზიციური პარტია, "გირჩის" ინიციატივას 82 მომხრე და 15 წინააღმდეგი ჰყავდა. მეათე მოწვევის პარლამენტმა, რომელიც 136 კაცისა და 38 ქალისგან შედგება, გადაწყვიტა, რომ კვოტირება ქვეყნის დღის წესრიგში აღარ დგას და გენდერული ბალანსიც მიღწეულია. რამდენად შეესაბამება ეს რეალობას, სადავო საკითხია.
