დამარცხება არავის უყვარს და სინამდვილეში ფრაზა “არა უშავს” სრული ფარსია! თუმცა მარცხი საკუთარ შეცდომებზე სწავლის ყველაზე დიდი იარაღია. დიახ, ბევრი შეცდომა გვინახავს და ზოგჯერ ვთვლით, რომ საკმარისზე მეტიც ვისწავლეთ, მაგრამ არ დაგვავიწყდეს სრული სურათი: საქართველოს მორაგბეთა ნაკრებმა არსებობის ისტორიაში მსოფლიო თასზე უკვე მე-6-დ იასპარეზა.
მამოტივირებელი შესავლის შემდეგ იმასაც შეგახსენებთ, რომ სარაგბო სამყარო საქართველოს ეროვნული ნაკრებისგან იმაზე გაცილებით მეტს ელოდა, ვიდრე „სტად დე ფრანსზე“ გამართულ შეხვედრაზე ვიხილეთ.
რას ველოდით:
ქართველი მორაგბეებისგან ისეთ თამაშს ველოდით, რომელიც მატჩის ბოლო წუთებზე ვიხილეთ. თავს ვერ მოვიტყუებთ და ვერ ვიტყვით, რომ საქართველოს ეროვნული ნაკრების ტრიუმფალურ გამარჯვებას ბევრი წინასწარმეტყველებდა, თუმცა მატჩის პროგნოზები გაცილებით კარგად გამოიყურებოდა, ვიდრე რეალობა. სპორტული მედია ავსტრალიის ანგარიშს 40 ქულის ფარგლებში ითვლიდა, საქართველოს მხარეს კი 25-მდე ქულას ვარაუდობდნენ. სამწუხარო რეალობა 15 ქულაა, თუმცა…
ერთგულ გულშემატკივართან ერთად, სარაგბო სამყაროც ხვდება იმას, რომ საქართველო მნიშვნელოვან ფაზაშია გადასული, შესაბამისად ბორჯღალოსნებისგან ოპონენტებზე გაცილებით მეტ მონდომებასა და რისკებს ელიან. არც ის უნდა დაგვავიწყდეს, რომ ბოლო ბექა გიგაშვილის მიერ შესრულებული (პრესტიჟის) ლელო ბორჯღალოსნებმა 14 კაციანი შემადგენლობით გაიტანეს.
რას ნიშნავს ავსტრალიის ნაკრებთან დამარცხება?
იმას, რომ დაშვებულ შეცდომებზე ვისწავლით და მომდევნო - პორტუგალიასთან შეხვედრაზე გაორმაგებული ძალებით ვიბრძოლებთ. ყოველ შემთხვევაში, გულშემატკივრის სურვილი ასეთია, მოტივაციაც დიდია. ბოლოს და ბოლოს გასული სეზონის ტრიუმფალურმა გამარჯვებებმა ქართული რაგბის განვითარების რეალური პოტენციალი დაგვანახა და რაც მთავარია, რაგბის სამყაროს საქართველო “საშიში” მეტოქის სტატუსით წარუდგინა.
მეორე ტაიმის მიწურულს შექმნილი მომენტებით ცხადი ხდება, რომ სწორი მიდგომითა და ტაქტიკით, საქართველოს ეროვნულ ნაკრებს წლევანდელ მსოფლიო თასზე წარმატების მოპოვების რეალური პოტენციალი აქვს. ამას ადასტურებს სპორტული მედიაც. ორი დადებული ლელოს გარდა, თამაშის ბოლოს ბორჯღალოსნებმა რამდენიმე დაძაბული მომენტის შექმნა შეძლეს.
რა გველის წინ?
ლევან მაისაშვილის გუნდს მომდევნო მატჩი 23 სექტემბერს, ტულუზში, პორტუგალიის ნაკრებთან გაიმართება (თბილისის დროით 16:00 საათზე). ამ მეტოქესთან ბორჯღალოსნების შანსები გაცილებით დიდია, თუმცა მსოფლიო თასზე პორტუგალიის ნაკრების მოტივაციას თუ გავითვალისწინებთ, წინ საკმაოდ დაძაბული შეხვედრა გველოდება.
სოციალური, პოლიტიკური და გარემოსდაცვითი გამოწვევებით სავსე მსოფლიოში, მხატვრები და მოდის დიზაინერები უფრო და უფრო ხშირად მიმართავენ თავიანთ ხელობას, როგორც სოციალური პროტესტისა და აქტივიზმის საშუალებას. ყოველდღიური ჩაცმულობა ბევრმა ადამიანმა ხელოვნებად აქცია, თვითგამოხატვის მთავარ საშუალებად.
საქართველოში, ისევე როგორც მსოფლიოში, IT სფეროსადმი ინტერესი დღითი-დღე იზრდება. ერთად, გავეცნოთ ამ სფეროსთან დაკავშირებულ ძირითად ინფორმაციას და ვნახოთ ის პოზიციები, რომლებიც დასაქმების მხრივ ყველაზე მოთხოვნადი და მაღალ ანაზღაურებადია.
ვენეციის ბიენალე 60-ე გამოშვებით ბრუნდება. ფესტივალის ბრაზილიელმა კურატორმა, ადრიანო პედროსამ ფესტივალის თემატიკად “Foreigners Everywhere” დაასახელა და აღნიშნა, რომ ბიენალეს წლევანდელი გამოშვება ხალხის ყურადღებას განსაკუთრებით ისტორიულად მარგინიზებული ერების არტისტებისკენ მიაპყრობს.
