27 მარტს, 19:00 საათზე „რადისონ ბლუ ივერიაში“ საგამოფენო სივრცეში სეფოს, მხატვარი თენგიზ სეფიაშვილის ექსპოზიცია გაიხსნა, რომელსაც სასტუმრო მომავალი ორი თვის განმავლობაში უმასპინძლებს.
სეფო — თენგიზ სეფიაშვილი ერთ-ერთი პირველი ხელოვანია საქართველოში, ვინც კინეტიკური ხელოვნებით დაინტერესდა და მასშტაბური ინსტალაციები შექმნა სპეციფიკური სივრცეებისთვის. პარალელურად ის მუდმივად მუშაობს მცირე მასშტაბის სკულპტურებსა და კოლაჟებზე, ფერწერასა და გრაფიკაში.
სეფო მარტივი ვიზუალური ფორმულებით მუშაობს, სადაც პოპ-არტის მოტივები უცნაურ, სიურრეალისტურ ხედვებთან ერთიანდება. მას შეუძლია სივრცისა და ამავდროულად განწყობის შეგრძნება შექმნას ბრტყელ, მხოლოდ ფერით მოდელირებულ ზედაპირებზე.
გამოფენაზე წარმოდგენილია ბოლოდროინდელი სერიებიდან შერჩეული ნამუშევრები, სადაც ერთდროულად არის სირთულე და სიმარტივე, — თითოეულ მათგანში დამოუკიდებელი ისტორიაა, იქნება ეს პირადი ასოციაციით აღმოცენებული კადრი, თუ მოგზაურობის, ან თეატრალური მოტივის ამოუცნობი შინაარსის მომცველი კომპოზიცია. ხშირად აქცენტები დასვენების, გართობის, ეროტიკის, ბუნებასთან ურთიერთობის თემებზეა და გადმოიცემა გროტესკული, ანიმაციური მოდელირებით, სადაც შეფარულად, მაგრამ ყოველთვის არის ეგზისტენციალური ელემენტი სევდის ნოტებით.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
2000იანი წლების, ყველასთვის საყვარელი კინოს პერსონაჟები ახალი ამბებით გვიბრუნდებიან. ბრიჯიტ ჯონსის დღიურის მესამე ფილმი ოფიციალურად დაანონსდა, ხოლო მაყურებელისთვის Legally Blonde-ის სამყარო სერიალის სახით გაცოცხლდება.
