დღეიდან ზაფხულის ბოლომდე - 6 ფესტივალი დუბაიში, რომლებიც არ უნდა გამოტოვოთ
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
ქართველი მეცოსოპრანო ნატალია ქუთათელაძე BBC Cardiff Singer of the World-ის ფინალისტთა შორის მოხვდა, საერთაშორისო კონკურსში, რომელიც ყოველ ორ წელიწადში ერთხელ ტარდება და მთელი მსოფლიოს მასშტაბით ნიჭიერ და გამორჩეულ ოპერის მომღერლებს აერთიანებს.
BBC Cardiff Singer of the World-ის პირველი კონკურსი 1983 წელს ჩატარდა კარდიფში და მას შემდეგ მასშტაბური პროექტი ყოველი მეორე წლის ივნისში მასპინძლობს მონაწილეებს.
2021 წელს კონკურსი 2 დღის წინ დაიწყო და 19 ივნისამდე გასტანს. კონკურსში მონაწილეობას 15 სხვადასხვა ქვეყნის წარმომადგენელი იღებდა, თუმცა ფინალისტთა შორის მოხვედრა მხოლოდ რამდენიმემ თუ მოახერხა. პოდკასტი BBC Four-სა და BBC Wales-ზე გადაიცემა.
ცოტა შოკში ვარ, თუმცა მადლობელი ვარ. აქ მყოფი ყველა ადამიანით ვამაყობ, რადგან მათ ძალიან დიდი სამუშაო გასწიეს. გარემო, რაც ამ კონკურსს აქვს, ძალიან დიდი მხარდაჭერაა - განაცხადა ნატალიამ.
ნატალიამ ზაქარია ფალიაშვილის სახელობის ცენტრალური სამუსიკო სკოლა, „ნიჭიერთა ათწლედი“ და თბილისის სახელმწიფო კონსერვატორია დაამთავრა. შემდეგ სწავლობდა ნიუ-იორკის, ჯულიარდის მუსიკალურ სკოლაში. ნიუ-იორკის შემდეგ ნატალიამ კარიერა მიუნხენს დაუკავშირა, რაც საკმაოდ წარმატებული გადაწყვეტილება აღმოჩნდა მისი მხრიდან.