ლეგენდარულმა მოდის სახლმა Chanel-მა და მისმა კრეატიულმა დირექტორმა ვირჯინია ვიარმა 2021 წლის საკრუიზო კოლექცია წარადგინეს, თუმცა გრანდიოზულ სანახაობას წინ სოციალურ ქსელში გავრცელებული თიზერები და ახალი კოლექციის მთავარი შთაგონების მინიშნებები უძღოდა.
Instagram-ზე გამოქვეყნებული შავ-თეთრი ფოტოები თუ ვიდეოები 31 rue Cambon-ზე გაბრიელა შანელის სახლში იყო გადაღებული, სადაც დიზაინერი ხშირად აწყობდა შეკრებებს და ცნობილ სტუმრებსაც მასპინძლობდა, მათ შორის გახლდათ გაბრიელას ახლო მეგობარი, ადამიანი-ორკესტრი ჟან კოქტო, რომლის რეგალიათა შორის აუცილებლად აღმოაჩენდით მხატვარს, პოეტს, მწერალს, სცენარისტს, რეჟისორსა თუ დიზაინერს. ჟანი უბრალოდ აღფრთოვანებული იყო შანელის შემოქმედებით და ერთ-ერთ წერილში გაბრიელას წერს: "ის უბრალოდ ნამვდილი სასწაულია თავისი მარტივი, სუფთა და ელეგანტური შტრიხებით".
ალბათ სწორედ გაბრიელასა და ჟანის მეგობრობა და მათი მიმოწერა გახდა ვირჯინია ვიარისთვის Chanel Cruise 2021-ის შთაგონების წყარო. უშუალოდ კოლექციის წარდგენა კი დიზაინერმა, კოქტოს 1960 წელს გამოსული ცნობილი ფილმის Testament of Orpheus-ის მოტივებზე გადაწყვიტა.
თიზერების მსგავსად, 2021 კრუიზ კოლექციაც მთლიანად შავ-თეთრ ფერებზეა აწყობილი, რა თქმა უნდა ეს დიაპაზონი შემთხვევით სულაც არ არის არჩეული, რადგან Testament of Orpheus-ის დიდი ნაწილი სწორედ შავ-თეთრ კადრებში გახლდათ გადაწყვეტილი, ჟან კოქტომ მხოლოდ რამდენიმე კადრი დახატა ფერადი.
თბილისის კულტურულ გზამკვლევს ეროვნულ გალერეამდე მივყავართ, სადაც ქართველი ცნობილი თუ დავიწყებული მოქანდაკეების ნამუშევრები დაგხვდებათ. გამოფენა “ქანდაკების კოლექცია” ქართული მრგვალი ქანდაკებების ვიზუალურ მახასიათებლებს გვაცნობს და მის 100-წლიან ისტორიას მიჰყვება.
ამჯერად, გირჩევთ თვალი იტალიური პრემიუმ ბრენდის - TWINSET-ის 2024 წლის გაზაფხული-ზაფხულის კოლექციას გადაავლოთ, რომელიც მსუბუქ ფერთა პალიტრას, დახვეწილ სილუეტებსა და გამორჩეულ აქსესუარებს აერთიანებს.
ალბათ, უკვე ყველამ დაიწყეთ ზაფხულის ცხელი დღეების დაგეგმვა. თუ დანიშნულება ჯერ კიდევ არ აგირჩევიათ, დუბაი საუკეთესო ვარიანტია შვებულების მრავალფეროვნად გასატარებლად.
